Јаневска: Квалитетот во високото образование не е само заради Шангајската листа, туку за да ѝ помогнеме на државата - Канал 5

Македонија

Јаневска: Квалитетот во високото образование не е само заради Шангајската листа, туку за да ѝ помогнеме на државата

 Иднината на општеството и државата е тесно поврзана со квалитетот на високото образование и затоа е неопходно да спроведуваме акции, не само да дискутираме.

Јаневска: Квалитетот во високото образование не е само заради Шангајската листа, туку за да ѝ помогнеме на државата

Иднината на општеството и државата е тесно поврзана со квалитетот на високото образование и затоа е неопходно да спроведуваме акции, не само да дискутираме, туку сите заедно да учествуваме во подобрување на квалитетот на високото образование, порача министерката за образование и наука Весна Јаневска на Првиот годишен форум за квалитет во високото образование што денеска го организира Универзитетот „Св. Кирил и Методиј“-Скопје.

Целта на настанот е да се споделат досегашните активности на Универзитетот за имплементирање нов систем за следење на квалитет и постигнувања во доменот на обезбедување и унапредување на квалитетот, согласно со националните стандарди и стандардите на Европското здружение за обезбедување на квалитет во високото образование (ENQA). Особено значајна компонента на форумот, според УКИМ, е продлабочувањето на соработката меѓу академската и бизнис-заедницата, со цел создавање поусогласен и релевантен образовен систем.

Министерката Јаневска во изјава за медиумите нагласи дека високото образование е во фокус на Владата и, како што рече, „во овие 16 месеци направивме многу“.

Посочи дека е зголемен буџетот за наука – од 380 милиони на 680 милиони денари и, рече, „само за три повици за универзитетите, факултетите, јавните научни установи и МАНУ вложивме 374 милиони денари за да ја развиеме и науката“.

Потсети и дека Владата уплати за бесплатен пристап на нашите научници во две големи научни бази (Web of science и Scopus) и дека е зголемен мониторингот на универзитетите.

-Затворивме 14 т.н. научни приватни институти и една високообразовна установа. Работиме на нова стратегија за образование и првпат во Македонија има сериозна посветеност и од Владата и од Универзитетот за создавање на првиот научно-технолошки парк во Македонија. Уверувам дека и понатаму остануваме партнери на универзитетите, факултетите, другите институции, за да работиме на квалитетот на вискокото образование. Активно работевме на два нови закона – за високо образование и за научно-истражувачка дејност. Но, самите закони напишани на хартија не можат да придонесат ниту за подобрување на квалитетот, ниту за поткревање на нашите универзитерти на Шангајската листа, Па, оттука, ако ги почитуваме законите, кои треба да ги донесеме заедно со академската фела, на која и тие работеа, ќе постигнеме многу повеќе од она што сега го имаме, а што ни е цел за во иднина, истакна Јаневска.

Како што рече, следува сериозна реформа на Агенцијата за квалитет во високото образование за која, исто така, ќе има нов закон.

На професорите им порача „заеднички треба да ги направиме тешките реформи и во високото образование“.

-Ги замолувам активно да се вклучат во сè – да пишуваат трудови, да помогнат во дигитализацијата, да создаваат квалитет во своите установи, да аплицираат многу на проектите од „Хоризонт“, да создаваат двојни дипломи, да се вмрежуваат, да работат во европската ареа на истражување, сè што треба да се направи – не само за да се поткренеме на Шангајската листа, тоа е помалиот ефект, за да дадеме сериозен импакт во општеството и да помогнеме на нашата држава да стигне таму каде што и е местото – да обезбеди европски стандарди и да ги прилагоди своите студиски програми за да ги подготви студентите за пазарот на трудот, истакна Јаневска.

Првиот годишен форум за квалитет во високото образование УКИМ го организира под мотото „УКИМ создава иднина – со квалитет до извонредност“.

Ректорката Биљана Ангелова соопшти дека минатата година и половина многу работеле на овој процес бидејќи, рече, управувањето со квалитет на Универзитетот е една од нивните три основни стратешки цели, покрај дигитализацијата и интернационализацијата.

-Го направивме Правилникот за управување со квалитет на УКИМ, согласно Националниот правилник за стандради во високото образование, ја направивме Стратегијата за управување со квалитет за Универзитетот 2024-2029 и Водичот за квалитет, дополнително воведивме алатки за планирање, мониторинг и за реализација на резултатите од годишните акциски планови, и на Универзитетот и на секоја од единиците, рече Ангелова.

За теквната учебна 2025/2026 година, посочи таа, вовеле и нови метрики кои ќе ги следат во наредниот период - број на објавени трудови со импакт-фактор, број на аплицирани меѓународни проекти, како и број на мобилнисти – и на студенти и на наставници, како индикатор за следење на интернационализацијата.

-Го имаме и Годишниот акциски план за 2025 година, кој претставува практично сублимат на сите единици на УКИМ, со што покажуваме дека Универзитетот се интегрира, се менува и трансформира како единствен и интегриран, дека не сме центар и 28 единици како што вообичаено знаеме да кажеме за УКИМ, додаде Ангелова.

Во однос на дигитализацијата, која е една од трите стратешки цели на УКИМ, соопшти дека е при крај од реализацијата - првата фаза од процесот е завршен и компелтно се дигитализирани сервисите за студентите кој опфаќа и електрински индекс, а од почетокот на идната година ќе следува втората фаза.

И интернациоанализацијата напредува со добро тепмо, додаде Ангелова, посочувајќи дека е зголемен бројот на мобилности, како и на странски студенти на УКИМ - оваа година се запишале над 300.

За третата цел – квалитетот, ректорката смета дека треба да се зголеми бројот на објавени трудови со импакт-фактор за да се зголеми рангот, за што, рече, се создадени предуслови со овозможениот пристап од Владата и МОН до научните бази Web of science и Scopus, а потребно е, рече, и да се зголеми квалитетот и интензитетот на практичната настава на студентите.

Тагови: Весна Јаневска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД повторно ја отвори амбасадата во Кувајт по иранските напади

Амбасадата на САД во Кувајт повторно беше отворена денеска, неколку месеци откако беше затворена во март поради ирански напади. 

САД повторно ја отвори амбасадата во Кувајт по иранските напади

Повторното отворање се совпадна со посетата на американскиот државен секретар Марко Рубио, кој е во регионот на разговори со сојузниците за завршување на војната во Иран, пишува Ројтерс.

Постепено враќање на работата

Портпаролот на Стејт департментот изјави дека амбасадата во Кувајт веднаш ќе продолжи да обезбедува итни услуги за американските граѓани, додека другите услуги ќе бидат постепено воведени.

Симболична церемонија и позадина на затворањето

Државниот секретар Рубио присуствуваше на церемонијата на кревање на знамето во амбасадата. „Американското знаме, симбол на слободата, единството и мирот, сега гордо повторно се вее над Кувајт. Кувајт е неопходен партнер во обезбедувањето регионална безбедност и стабилност“, објави тој на социјалните медиуми по церемонијата.

Стејт департментот ги суспендираше амбасадите во Кувајт и Саудиска Арабија во март откако иранските беспилотни летала ги таргетираа дипломатските мисии. Овие напади дојдоа како одговор на нападите на САД и Израел врз Иран.

Тагови: амбасада Кувајт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Напредните техники го открија точното време- најстариот удар на астероид се случил пред 3 милијарди години (ВИДЕО)

Најстариот познат удар на астероид на Земјата се случил пред околу 3 милијарди години. 

Напредните техники го открија точното време- најстариот удар на астероид се случил пред 3 милијарди години (ВИДЕО)

Научниците го утврдиле ова со проучување на најстариот познат ударен кратер, карпеста формација на локација наречена Купола на Северниот Пол во регионот Пилбара во Западна Австралија, објави Универзитетот Куртин.

Користејќи напредни техники за минерално датирање, истражувачите сега идентификуваа најјасни докази досега дека ударот се случил пред околу 3 милијарди години. Студијата е објавена во списанието Геологија.

YouTube video

Водечкиот автор, професор Крис Киркланд, од Групата за временски скали на минерални системи (GSWA) во Факултетот за Земјини и планетарни науки на Куртин, рече дека наодите помагаат да се реши долгогодишното прашање за времето на ударот.

- Иако локацијата претходно беше идентификувана како древна структура на удар, нејзината точна возраст остана неизвесна. Ударот остави зад себе „минерален часовник“. Со датирање на минерали кои биле преобликувани или повторно израснати во оштетените карпи, сега можеме точно да одредиме кога се случил овој извонреден настан“, рече Киркланд, додавајќи:

„Клучниот доказ доаѓа од циркон, мал, но извонредно отпорен минерал кој може да го зачува геолошкото време милијарди години. Некои од цирконите на локацијата Купола на Северниот Пол имаат необични разгранети, скелетни форми. Ги толкуваме како кристали модифицирани од удар, формирани кога постариот циркон бил скршен, делумно рекристализиран и на места повторно пораснал за време на интензивното загревање предизвикано од ударот. Овие цирконски кристали го датираат настанот од пред околу 3 милијарди години, што веруваме дека е нашата најдобра проценка за времето на ударот.“

Професорот Киркланд рече дека за да го потврди резултатот, тимот анализирал и друг минерал, апатит, кој се формирал додека топлите течности минувале низ оштетените карпи. Овој независен метод на датирање покажал иста возраст.

„Совпаѓањето помеѓу два различни минерални системи ни дава доверба дека гледаме трага од голем настан - удар од метеорит“, рече професорот Киркланд.

„Новото доба ја сместува структурата на Куполата на Северниот Пол како најстар познат кратер од удар на Земјата и единствениот признат пример од архејскиот еон, времето кога се формирале најраните континенти на планетата. Античките кратери од удар се неверојатно тешки за датирање бидејќи во текот на милијарди години, карпите се менуваат од топлина, притисок и течности, што може да ги маскира или ресетира оригиналните сигнали од удар. Она што успеавме да го направиме овде е да го одвоиме моментот на ударот од неговата долга геолошка историја. Ова откритие ги поместува записите за ударот на Земјата подлабоко во геолошкото време од кој било претходно добро датиран кратер, нудејќи редок увид во насилните процеси што ја обликувале раната Земја.“

Тагови: астероид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Матурант запали бездомник во метрото во Њујорк- судот на Менхетн немаше милост

Матурант кој призна дека подметнал пожар во кој тешко повреди бездомник е осуден на федералниот суд на Менхетен на пет и пол години затвор.

Матурант запали бездомник во метрото во Њујорк- судот на Менхетн немаше милост

Пожарот, кој избувна во раните утрински часови на 1 декември 2025 година, доаѓа во време кога имаше повеќе напади на јавниот превоз во кои луѓето беа полеани со запаливи материи или запалени низ САД, објави Си-Ен-Ен.

Во барањето поднесено до судот пред изрекувањето на пресудата, обвинителите побараа Кареро да биде осуден на до осум години затвор, велејќи дека неговите „гнасни постапки“ ја оставиле жртвата, која спиела во моментот на нападот, во критична состојба со трајни и тешки лузни и деформитети.

За време на неговата молба, Кареро призна дека намерно го запалил парчето хартија што го користел за да го повреди човекот. Во судските документи, обвинителите рекоа дека Кареро се обидел да убие „заспаниот бездомник така што го запалил жив и го оставил заробен во вагон на метрото во движење“.

Според нив, животот на жртвата бил спасен само затоа што службите за итна помош брзо стигнале до него по, како што рекоа, „за среќа многу кратко возење“ од станицата Пен на улицата 34 до Тајмс Сквер во Њујорк.

Обвинителите истакнаа дека ова кривично дело „било одвоено од убиство обична случајност“ и го критикувале објаснувањето на Карер дека тој ден конзумирал алкохол и пушел марихуана.

Барајќи полесна казна за нејзиниот клиент, адвокатката Џенифер Браун во судските документи изјави дека тој имал многу тешко детство. Тој е роден предвреме со траги од наркотици во телото, а биолошките родители веднаш по раѓањето го оставиле во болница.

Адвокатот додаде дека поради интелектуални тешкотии, „сè тргна надолу“ кога избувна пандемијата во 2020 година, поради што тој повеќе не можеше редовно да оди на училиште.

„Зборовите не се доволни за да се изрази длабокиот срам и каење што ги чувствува Хирам“, рече таа.

Тагови: бездомник Њујорк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер