По серијата пожари што вчера зафатија неколку локации на територијата на Општина Ѓорче Петров, утрово се одржа состанок на Општинскиот кризен штаб на кој беа разгледани настаните, утврдени предизвиците на терен и беа донесени конкретни заклучоци за унапредување на координацијата и реакцијата при идни интервенции, информираат од Општината.

Во услови на силен ветер и отежнати временски услови, благодарение на навремената интервенција и целосната ангажираност на сите служби, нагласуваат од Општина Ѓорче Петров, пожарите беа локализирани без човечки жртви и со минимални материјални штети.

-Во текот на целиот ден бев на терен и лично сведочев на пожртвуваноста и организираноста на сите служби, како и на храброста и солидарноста на нашите сограѓани. Ѓорче покажа дека знае да се справи кога е најтешко. Сите заедно, како едно, вели градоначалникот Александар Стојкоски.

На состанокот на Кризниот штаб биле донесени мерки за поефикасна координација помеѓу институциите, побрза мобилизација на ресурси на терен, јасна комуникација и редовна проверка на потенцијално ризични подрачја.

Градоначалникот Стојкоски упатил искрена благодарност до Армијата на Република Македонија, Министерството за внатрешни работи, Противпожарната бригада на Град Скопје, Дирекцијата за заштита и спасување, како и до поединци и жители на општината кои доброволно се вклучија со сопствена механизација и помош во гаснењето на огнот.

Општина Ѓорче Петров, велат оттаму, останува целосно мобилизирана и будно ја следи состојбата на терен, со јасна определба за брза, навремена и сеопфатна заштита на граѓаните и јавните добра.

-Ноќеска во времето од 22 часот до 02 часот, врз основа на претходно изготвен план од страна на СВР Тетово и ОВР Гостивар, била извршена акциска контрола во угостителски објект- ноќен бар во село Желино, сопственост на J.Ф.(47) од село Желино, за откривање на странски државјани, илегален престој и злоупотреба на туристичкиот престој. При контролата во објектот, затекнати се пет државјанки на Република Албанија, на возраст од 24 до 50 години, информираат денеска од МВР.

Исто така, во угостителски објект- ноќен клуб во село Зубовце, гостиварско, сопственост на Р.Б.(50) од село Добридол, затекнати се две државјанки на Р.Албанија, на возраст од 33 и 36 години. Поради злоупотреба на туристичкиот престој и престојување спротивно на целта, тие биле задржани во Полициските станици Тетово и Гостивар за понатамошна постапка.

Раководството на Реал оваа операција ја има планирано однапред , само чекаа конечно да заврши сезоната за нивниот клучен играч да може да се подложи на потребната процедура, но секако ова е уште една лоша работа за Реал на крајот на една од најнеуспешните сезони.

Посебно и поради тоа што, тоа значи дека ќе мора да се справи без својот незаменлив играч долго време.

Откако во Шпанија, Барселона која ги освои сите три шпански трофеи , а крелевите загубија и од Арсенал убедливо (5:1 вкупен резултат) во четвртфиналето на Лигата на шампионите, Реал побара утеха на Светското клупско првенство. Но, и на премиерниот клупски Мундијал доживеа дебакал, и пораз со 4:0 од ПСЖ во полуфиналето.

22 годишниот Џуд сега според најавите ќе ги пропушти првите три месеци од новата сезона.

Сега најзначајниот фудбалер на Реал ќе се подложи на операција и ќе биде надвор од теренот до четири месеци.

Белингем сигурно ги пропушта тренинзите и натпреварите во првите три месеци од новата сезона.

Англискиот играч од средниот ред инаку, се приклучи на Реал во летото 2023 година од Борусија Дортмунд за сума од 113 милиони евра, што го прави втор најскап фудбалер во историјата на клубот по Еден Азар, кој беше платен за 120 милиони евра.