Живот

Јаќовски е шестиот Македонец кој го освoи Монт Еверест

Монт Еверест сонот на секој планинар и високогорец.

Докторот Златко Јаќовски е шеститот Македонец кој успеа да го искачи врвот и да се врати назад во Македонија. Авантура, голема животна лекција, исцелување соочување со самиот себе си... ја раскажа животната авантура „Монт Еверест“, која траеше месец иполовина со минус осум килограми, а плус бескрајна позитивна енергија. Во Април со години претходно силна подготовка, почнува авантурата. Месец Април и Октомври е период кога е најдобро да се искачува, но секогаш Еверест има мистерии. Авантурата почна со слетувањето на авионот на 2.880 метри на местото Лукла. Од тука почнува една приказна за Монт Еверест за луѓето кои живеат високо на Хималите, веруваат во Буда и имаат посебен начин кон животот и се е смирено и со љубов, а покрај вас се движат силните јакови кои и тие се во служба да пренесат се што треба за Еверест базниот камп, ја почна животната приказна Јаќовски. На 5.364 метри е базниот камп Еверест каде почнува со аклиматизација до искачување на врвот Лобуче Ест 6.119 метри, потоа еден од најопасниот глечер Кумбу, атракција и предизвик од ледени ѕидови и борба за воздух кој на оваа надморска височина е навистина тешко и мора се полека.

Како доктор и професор во Институтот за судска медицина секој ден се соочува со смртта, но тука е лекцијата секундите пресудуваат. Таму е се моќно кога доаѓате до местото каде има мраз, снег, екстремно стрмни карпи, разбирате дека нема брзање нема докажување на телото, туку умот и телото се едно, низ слики раскажува Златко. Еверест е таму, но природата кажува како ќе се движите и мора да ја слушате.

По неколку дена 15 Мај тргнале по истата патека до камп 4 времето било добро и на 18 Мај бил денот кога тргнало кон врвот на светот. На почетокот добро време, но снегот и силен ветер, мразот по телото од самото дишење и замрзнување на капките по вратот е последната епизода од качувањето до Еверест. Тој вели дека до 8.600 метри бил одлично, но потоа во една зона се се менува со првиот стапнат метар.

Тим од четворици Златко, Грк, Израелец и Австралијанец се качиле на врвот. Пет минути останале заради лошто време. Уморни со скоро испразнети батерии на телефоните од минусните температури за некоја фотографија и распослани знамиња на своите родни земји заедно на врвот на светот - моќниот Еверест.

Но, симнувањето е новиот предзик за да се преживее. Имал две незогди со лизгање, но подготвеноста физички, а најмногу психички останал жив. На симнување ново силно невреме еден од пријателите починал и останал на планината. Двајцата од тимот остануваат со ампутирани делови до раце и нозе поради премрзнатост. Златко со силна волја со лекција колку стабилниот ум но искуството во тешката професија било причина да е е единствениот без никаква повреда.

Златко вели дека ова е големо искуство прво гледате дека се е голема лекција учите од тамошните жители кои имаат тежок живот и се среќни со животот. Имаат малку материјално, а имаат се. Златко вели: „нас таму ни беше проблем висината и воздухот, а нивните деца трчкаат и се насмеани“. Тие имаат силни гени, но и голема волја за живот и среќа. А со секое искуство и враќање назад во домот разбирате колку е важно здравјето, слободата и тие што ги сакате. Иако на врвот бил како што вели збунет: немал емоција, денеска е пресреќен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гаши се сретна со поранешните претседатели на Собранието

Претседателот на Собранието, Африм Гаши на денешната трета средба со поранешните претседатели на Собранието, ја потпиша Одлуката за формирање на Совет на поранешни претседатели на Собранието на Македонија.

Претседателот на Собранието, Африм Гаши на денешната трета средба со поранешните претседатели на Собранието, Тито Петковски, Никола Поповски, Трајко Вељаноски и Јован Митрески, ја потпиша Одлуката за формирање на Совет на поранешни претседатели на Собранието на Македонија.

За идејата, односно целта за донесувањето на одлуката претседателите на Собранието беа известени на претходните две средби, одржани на 21 октомври 2025 година и на 7 април 2026 година. Имено, целта за формирањето на Советот, како неформално советодавно и консултативно тело, е обезбедување континуитет на институционалната меморија на Собранието; унапредување на парламентарната практика и демократијата и давање стручни и советодавни мислења за прашања од значење за работата на Собранието.

Покрај ова на средбата беа разменети мислења за одделни процедурални прашања во работењето на Собранието, прашања што се однесуваат на дигитализацијата на работењето на Собранието во рамките на Националната стратегија за дигитализација, идејата за Библиотека на Собранието и за други актуелни прашања од интерес на работењето на Собранието и прашања од интерес на државата, с е наведува во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Генетски модифициран квасец е градежно решение за станбен простор на Марс

Научниците во Хонг Конг развија брз и евтин „жив“ градежен материјал за домови за идните колонисти на Марс, направен од генетски модифициран квасец, желатин и песок, кој може да се печати со помош на 3Д технологија.

Идните колонисти на Марс ќе имаат потреба од домови, но тие се соочуваат со изборот да потрошат огромни суми пари за транспорт на градежни материјали од Земјата или да користат огромна количина енергија за да ја претворат марсовската почва во тули.

Научниците од Технолошкиот универзитет во Хонг Конг (HKUST) развија иновативен, евтин и енергетски ефикасен „жив“ градежен материјал за куќи за 3Д печатење на Марс, направен од комбинација од генетски модифициран квасец, желатин и марсовска почва, реголит.

Студијата на научниците од Хонг Конг, објавена минатиот месец во онлајн изданието на списанието „Chem Circularity“, опишува биолошко врзивно средство кое врзува грануларни материјали, според порталот Scmp.

Оптимизираната смеса имала компресивна јачина од околу 12 мегапаскали (MPa), што е околу 170 проценти повисоко од контролната смеса и спаѓа во опсегот на вредности карактеристични за конвенционалните градежни материјали.

Главните карактеристики на ова решение се природно замрзнување-сушење, потоа исклучителна цврстина, како и заштеда на ресурси.

Кога оваа смеса се печати 3D на површината на Марс, изложеноста на екстремно ладна и сува марсовска атмосфера предизвикува материјалот да се замрзне и исуши.

Како што е наведено, за време на овој процес, квасецот делува слично на природно лепило, претворајќи ја смесата во лесен, но изненадувачки цврст материјал чија издржливост е споредлива со полесните видови бетон. Процесот не бара печки со висока температура, што драстично ја намалува потрошувачката на енергија потребна за градење колонии на Марс.

Иако досега се успешно отпечатени само мали тест структури, ова откритие на научници од Хонг Конг има огромно значење за развојот на живот надвор од Земјата.

Тагови: марс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Другар од детството му пукал во глава поради „црна лотарија“- детали за убиството на бугарскиот бизнисмен

Бугарскиот бизнисмен Илијан Филипов беше брутално убиен минатата недела на неговиот имот во Пловдив, а неговиот пријател од детството Славча Мегеров, кој беше приведен во притвор, е осомничен за неговата смрт.

Оружјето со кое е пукано во Илијан Филипов сè уште не е пронајдено, а досега не се појавиле сведоци за убиството.

Злосторството е класифицирано како убиство со умисла, а првичните резултати од истрагата укажуваат дека мотивот за убиството бил нерешен спор околу пари.

Судот прифати дека во случајот има доволно докази дека Мегеров бил поврзан со убиството, како и дека постоел реален ризик тој да избега или да изврши друго кривично дело, поради што е приведен во притвор.

Обвинителството и полицијата прецизираа дека ги истражуваат и верзиите за тоа дали Мегеров имал соучесници или извршувал наредби. Одлуката на Окружниот суд во Пловдив не е конечна и обвинетиот може да поднесе жалба.

На рочиштето за случајот на Мегеров во неделата, за прв пат беа презентирани информации, од кои стана јасно дека убиството е засновано на таканаречената „црна лотарија“ (сленг термин за нелегално коцкање и обложување), во која, според судијата, учествувале и жртвата и притворените. Според обвинителството, Мегеров му должел голема сума пари на бизнисменот Илјан Филипов и токму тоа е причината за тешкото злосторство.

Сепак, државното обвинителство сè уште не ја знае точната сума што требало да му се исплати на бизнисменот. Според неофицијални информации, станува збор за неколку милиони лева, долг од последните две години.

Резултатите од обдукцијата покажаа дека Филипов е убиен со еден куршум во главата. Судот има и докази од запленетите снимки од безбедносните камери во областа, кои ги следеле движењата на Славчо Мегеров во судбоносната ноќ, приближувајќи се, влегувајќи, а потоа и излегувајќи од задругата.

Во судницата стана јасно дека Мегеров се возел низ Пловдив со автомобилот на неговата сестра. По злосторството, тој ја фрлил облеката што ја носел во контејнер, го вратил автомобилот во куќата на неговата сестра, влегол во автомобилот во кој подоцна бил уапсен во Софија и така се вратил во главниот град.

Пријавата за убиството на бизнисменот Илјан Филипов ја поднела жена со која имал блиска врска во задругата. Таа пристигнала дома порано од него. Влегувајќи во зградата, забележала маж како се симнува по скалите и видела дека држи пиштол во едната рака.

Веднаш го повикала Филипов да му каже што се случува. 15 минути подоцна тој се вратил во задругата и тогаш се случил фаталниот инцидент пред зградата.

Тагови: бизнисмен лотарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.