Јакимовски: Владата веќе 11 месеци не дава одобрение за негувателки и воспитувачки - Канал 5

Македонија

Јакимовски: Владата веќе 11 месеци не дава одобрение за негувателки и воспитувачки

Тој истакна дека изминатата година од градинката „Орце Николов“ во пензија се заминати осум негувателки, од градинката „Распеана младост“ - шест, додека од „Пролет“ - пет негувателки. 

Јакимовски: Владата веќе 11 месеци не дава одобрение за негувателки и воспитувачки

Владата веќе 11 месеци не дава одобрение за издавање на лиценци за негувателки и воспитувачки во градинките под надлежност на Општина Карпош, иако се соочуваат со недостаток на персонал, посочи денеска на прес-конференција градоначалникот на Општина Карпош Стевчо Јакимовски.

Тој истакна дека изминатата година од градинката „Орце Николов“ во пензија се заминати осум негувателки, од градинката „Распеана младост“ - шест, додека од „Пролет“ - пет негувателки.

- Соочени сме со тоа да од две градинки правиме една, бидејќи немаме персонал поради што Владата после една година не најде решение за издавање лиценци за негувателки и воспитувачки. Ова значи ние доколку сакаме да платиме негувателки или воспитувачки или доколку родителите сакаат да платат не можат да работат бидејќи немаат лиценца, а тоа Владата еве веќе 11 месеци го нема решено. Во градинката „Орце Николов“ во последната година заминати се осум негувателки или воспитувачки во пензија или ја напуштиле градинката, а ниту за едно немаме одобрение. Замислете куриозитет, минатата година на 3 декември Министерството за финансии одобрило пет вработувања со важност до 31 декември, а од Министерство за труд и социјална политика ни ги доставија дури на 3 февруари. Ете така функционира нашиот систем и оваа партизирана држава. Истите овие барања ги поднесовме повторно и замислете сме одбиени, иако тие пари се планирани од Буџетот на државата. Од градинката „Распеана младост“ изминатава година, заминати се шест негувателки или воспитувачки и за ниту една немаме добиено одобрение. Во градинката „Пролет“, исто така имаме пет негувателки заминати во пензија, а ниту за една немаме добиени одобрение, нагласи Јакимовски.

Посочи дека Министерството за внатрешни работи доставило допис до Општина Карпош со кој се барало да бидат доставени легализираните градби во општината, по што Јакимовски упати прашање до министерот за внатрешни работи Панче Тошковски дали такво писмо е испратено и до Општина Чаир.

- Министерката за образование ни намали 16 милиони денари во делот на образованието, кај министерот за транспорт и врски девет месеци има три планови за кои немаме ниту едно одобрение. Министерот за внатрешни работи ни има доставено допис со кој бара да му испратиме сѐ што имаме легализирано на потез од АБЦ клубот до крстосницата со булевар 8 Септември. Имам јавно да го прашам - дали вакво писмо министре имате доставено до Општина Чаир или евентуално во вашиот Аеродром вакви писма испраќате? Замислете на утрешната седница на Влада има точка да се одземе спортската сала Партизан 4, па сега имам повторно да прашам - има ли нешто да одземете од Општина Чаир? Бараки земате од Карпош, сала земате од Карпош, не дозволувате ниту еден човек да се вработи во градинките каде што има зголемен број на деца, посочи Јакимовски.

Тагови: Стевче Јакимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кинески и руски воени авиони накратко навлегоа во зоната за воздушна одбрана на Јужна Кореја

Речиси 10 кинески и руски воени авиони накратко влегоа и ја напуштија Зоната за идентификација на воздушната одбрана (КАДИЗ) на Јужна Кореја, соопштија денеска Здружените началници на генералштабовите на Јужна Кореја.

Кинески и руски воени авиони накратко навлегоа во зоната за воздушна одбрана на Јужна Кореја

Според соопштението, авионите не го нарушиле територијалниот воздушен простор на земјата, туку само влегле во пошироката зона за идентификација на воздухот над источните и јужните води, по што се повлекле, објави Јонхап.

Јужнокорејската војска соопшти дека го детектирала авионот пред да влезе во КАДИЗ и дека имала борбени авиони за евентуален одговор и мониторинг.

КАДИЗ не е територијален воздушен простор, туку зона каде што се очекува странските авиони да се идентификуваат за да се спречат инциденти и недоразбирања.

Според јужнокорејските власти, инцидентот се случил за време на заедничките кинески и руски воздушни вежби во регионот.

Тагови: авиони Јужна Кореја

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Едвард Нортон и Бред Пит навиваат на стадионот во Калифорнија- вирален хит на СП (ВИДЕО)

Иако првото правило на „Боречки клуб“ вели да не се зборува за тоа, повторното обединување на Бред Пит и Едвард Нортон едноставно не можеше да се игнорира. 

Едвард Нортон и Бред Пит навиваат на стадионот во Калифорнија- вирален хит на СП (ВИДЕО)

Речиси триесет години по иконскиот филм од 1999 година, актерите се најдоа заедно на трибините на Светското првенство.

Поранешните соиграчи беа забележани за време на натпреварот САД-Турција на стадионот СоФи во Калифорнија во четврток. Пит (62) носеше дрес и очила на американската репрезентација, додека Нортон (56) избра опуштена маица од Radiohead. За време на натпреварот, тие не ги тргнаа очите од теренот и разговараа во живо, коментирајќи го секој момент.

Интернетот експлодираше од реакции

Нивното повторно обединување веднаш предизвика лавина од коментари на социјалните мрежи.

Еден се пошегува: „Едвард Нортон изгледа како да зборува сам со себе на натпреварот“, додека други забележаа: „Погледнете како девојката носи пијалоци, прво на Едвард, а потоа на Бред. Класична филмска илузија.“

Потсетник за Боречки клуб

Овој момент го потсети на култниот филм од 1999 година во режија на Дејвид Финчер. Нортон го играше Наратор во него, додека Пит го играше Тајлер Дарден.

Филмот го следи основањето на таен боречки клуб кој излегува од контрола, а иконскиот пресврт открива дека Тајлер Дарден е всушност алтер егото на раскажувачот. Во филмот глумеа и Хелена Бонам Картер, Џаред Лето, Холт МекКалани и Мит Лоф.

YouTube video

Ѕвезди на трибините и драматичен крај

Пит дојде на натпреварот со својата девојка Инес де Рамон, а нивното појавување во дресовите на американската репрезентација ги поттикна гласините за можна венчавка.

Меѓу познатите луѓе кои го придружуваа американскиот тим беа Леонардо Дикаприо, Колин Фарел, Ештон Качер, Парис Хилтон со нејзиниот сопруг Картер Реума, Џесика Алба со нејзините ќерки и кошаркарската легенда Скоти Пипен.

И покрај поддршката од трибините, САД загубија со 3-2 од Турција откако Кан Ајхан го постигна победничкиот гол во последните секунди. Сепак, Американците продолжуваат во нокаут фазата и на 1 јули во Санта Клара ќе играат против Босна и Херцеговина.

Врска што трае и по снимањето

Пит и Нортон не работеле заедно уште од „Боречки клуб“, но Пит неодамна повторно се соедини со каскадерот и режисер Дејвид Лич. Лич го режираше филмот на Пит од 2022 година „Bullet Train“, а претходно призна дека не е одлучен дали Пит ќе ја прифати улогата: „За мене како режисер, беше посебно да го видам како го потврдува материјалот и сака да работи со тебе. Се познаваме 20 години и овој момент се затвори.“

Тагови: Бред Пит

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Навивачите на СП не им оставале бакшиш на келнерите, Американците најдоа решение

Светското првенство донесе полни кафулиња, ресторани и големи сметки за угостителите во САД, но некои келнери и шанкери се жалат на проблем што не го очекувале.

Навивачите на СП не им оставале бакшиш на келнерите, Американците најдоа решение

Многу навивачи од други земји не оставаат бакшиш бидејќи не се навикнати на американскиот систем, во кој тие се голем дел од платата на вработениот.

„Њујорк пост“ пишува дека областа на Њујорк е преплавена со навивачи од целиот свет за време на турнирот. Баровите и рестораните се полни од натпреварите рано наутро до доцните ноќни прослави, но персоналот предупредува дека сообраќајот не мора нужно да се претвори во повисоки плати за работниците. Посетителите често не знаат дека бакшишот се очекува во САД, а некои дури и не го разбираат процесот на плаќање со картичка и потпишување на сметката.

Сметките достигнуваат до 700 долари, бакшишот недостасува

Келнерката Луиз Дагет од пабот „Мекарти“ на Менхетен изјави дека странските навивачи се генерално пријателски расположени, оптимисти и возбудени за турнирот, но дека многумина едноставно не оставаат бакшиш. Таа рече дека некои групи потрошиле речиси 700 долари за време на повеќечасовен престој без да остават дополнителни пари за персоналот.

Таа вели дека некои гости прашуваат како функционира бакшишот, а персоналот објаснува дека тоа е вообичаено во Њујорк. И покрај ова, Дагет не им замерува премногу на навивачите. Таа верува дека повеќето од нив не сакаат да бидат груби, туку едноставно доаѓаат од средини каде што бакшишот не е дел од секојдневниот живот.

Слична ситуација преовладува и во другите барови во Њујорк. Ан Калимано, сопственичката на „Харлис Салун“, вели дека Светското првенство го претворило инаку мирниот дел од годината во непрекината врева и возбуда, но додава дека странските гости „не даваат бакшиш како локалното население“. Таа објаснува дека во многу европски земји, вработените не се толку зависни од бакшишот и дека гостите претпоставуваат дека услугата е веќе вклучена во цената.

Во некои градови, бакшишот е веќе на сметката

Поради ваквите ситуации, некои ресторани во градовите домаќини, вклучувајќи ги Канзас Сити, Атланта и Филаделфија, почнаа автоматски да додаваат бакшиш од 20 проценти на сметката. Угостителите го оправдуваат овој потег со желбата да ги заштитат вработените кои заработуваат значителен дел од своите приходи преку бакшиш и да избегнат недоразбирања со туристите кои не се запознаени со американските обичаи.

Сепак, некои вработени се обидуваат прагматично да ја погледнат целата приказна. Шанкерот Катал Рејнолдс од „Гарвис Ириш Паб“ вели дека ги разбира гостите кои веќе потрошиле многу пари за патување, билети и сместување. Тој додава дека посетителите сепак треба да се прилагодат на локалните навики, но истакнува дека бакшишот не е негова најголема грижа бидејќи баровите се полни, а сообраќајот е голем.

Покрај фудбалските натпревари, Светското првенство го отвори и прашањето за културните разлики, кои најточно се чувствуваат на масите и баровите. Додека американските работници сметаат на бакшишот како составен дел од нивните плати, голем дел од странските навивачи ја доживуваат таквата практика како необичен дополнителен трошок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер