Јакимовски: Карпош има право на градоначалник кој работи - Канал 5

Јакимовски: Карпош има право на градоначалник кој работи

 Прес-конференција на претседателот на ГРОМ, Стевчо Јакимовски.

Јакимовски: Карпош има право на градоначалник кој работи

„Почитувани граѓани,

почитувани претставници на медиумите,

Изгледа во Македонија се појави нова медицинска гранка.

Не е кардиологија.

Не е неврологија.

Не е психијатрија.

Туку — шопинг-медицина.

Новата терапија, очигледно, се спроведува во Сити мол. Малку „Калиопи“,

малку „Зара“, прошетка покрај „Нептун“, па после — комисиско боледување.

И сето тоа на товар на граѓаните.

Затоа денес сме пред Сити мол да прашаме:

Дали боледувањето во Македонија е здравствена мерка или партиска услуга?

Поминаа повеќе од 20 дена откако градоначалникот на Општина Карпош,

Сотир Лукровски, ги пренесе овластувањата на својот заменик.

Тоа се случи на 5 мај. Денес е веќе дваесет и први ден како

градоначалникот не доаѓа на работа.

Рокот за боледување од матичен лекар помина. Значи, ако боледувањето

продолжува, тогаш зборуваме за комисиско боледување.

И тука почнува циркусот.

Сотир Лукровски, за кого од самиот почеток тврдиме дека боледува од

неработење, одговорност и страв од функцијата, во изминатава недела,

според нашите информации, двапати е виден како пазари во Сити мол.

Пред околу една недела бил виден во бутикот „Калиопи“, а вчера околу

10:30 часот бил виден и во „Зара“. Потоа, со кеса од „Зара“, се движел

покрај „Нептун“ кон излезот за горниот паркинг.

Па затоа прашуваме:

Каква е оваа нова терапија?

Комисиско боледување со шопинг во Сити мол?

Боледување со прошетка по бутици?

Терапија „Зара“, двапати дневно после јадење?

Или ова е специјален медицински протокол за функционери на ВМРО-ДПМНЕ?

Сега јавно ги прашуваме и докторите кои во кампањата го промовираа

Лукровски, меѓу кои д-р Ристо Симеонов и д-р Игор Мерџаноски:

Дали ова е таа здравствена визија за Карпош?

Дали ова е таа грижа за граѓаните?

Дали терапијата за неспособност за работа навистина се спроведува во

„Калиопи“ и „Зара“?

А може и д-р Нико Беќаровски да ни објасни, ако е дел од оваа

медицинско-политичка конзилијарна екипа, каква е дијагнозата кога човек

не може да дојде на работа, ама може да оди на шопинг.

Господине Клековски,

Вие јавно најавувавте борба против злоупотреби на боледувањата.

Еве ви случај на тацна.

Не треба многу филозофија.

Не треба политичко толкување.

Не треба партиска храброст.

Треба само да си ја завршите работата.

Проверете дали Сотир Лукровски има комисиско боледување.

Проверете врз основа на каква дијагноза му е продолжено боледувањето.

Проверете дали препишаната терапија подразбира шетање по трговски

центар.

И проверете ги камерите во Сити мол.

Доколку не ја говориме вистината, тоа лесно ќе се утврди.

Проверете го вчерашниот ден околу 10:30 часот. Патеката е јасна: од

„Зара“, покрај „Нептун“, кон излезот за горниот паркинг.

Ако некој мисли да прави „пиши-бриши“ со камерите, да знае дека има и

сведоци.

Почитувани,

Ова не е приватна работа на Сотир Лукровски.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вчера пред Белата куќа се слушна: „Мишел Обама е маж“ (ВИДЕО)

Џош Хокит се соочи со остри критики за невкусниот коментар.

Вчера пред Белата куќа се слушна: „Мишел Обама е маж“ (ВИДЕО)

УФЦ борецот Џош Хокит се соочи со остри критики за невкусниот коментар за поранешната прва дама Мишел Обама по победата во борбата одржана синоќа на јужниот тревник на Белата куќа, како дел од борбениот настан „UFC Freedom 250“, кој го промовираше самиот претседател Доналд Трамп. Хокит, покрај контроверзната изјава, по натпреварот на претседателот Трамп му подари златен ланец.

За време на разговорот со познатиот подкастер и коментатор на „UFC“ Џо Роган, Хокит го заврши своето интервју по борбата со насмевка и гледање директно во камерата велејќи: „И конечно...Мишел Обама е маж! Дали сум во право Америка?“

Оваа загатка е очигледна референца за теоријата на заговор за поранешната прва дама што се прошири на политичката десница во последните години, промовирана од некои конзервативни аналитичари.

Осуди од светот на спортот и политиката

Бројни личности од спортот, политиката и поп културата го осудија испадот на Хокит. "Џош Хокит ја добива најголемата борба во кариерата во Белата куќа и решава да го заврши интервјуто нарекувајќи ја Мишел Обама маж. Колку е срамота", напиша на социјалните мрежи поранешниот бек на НФЛ и спортски коментатор Роберт Грифин Трети. „Треба да си навистина мал маж за да го искористиш најголемиот момент за да нападнеш жена нарекувајќи ја маж.

Демократскиот национален комитет од своја страна објави портрет на Мишел Обама со порака дека таа „живее во нивните глави“.

Дејв Портној, основач на порталот „Barstool Sports“ и инаку поддржувач на претседателот, го повика Трамп да ја осуди изјавата на Хокит. „Тоа е УФЦ, тие се луди. Тие се идиоти. Но, кога тоа ќе се случи на тревникот во Белата куќа на настан што ќе го приредите... Не ми е гајле што мислите за Обама или нешто друго. Тоа мора веднаш да се осуди“, рече Портној.

Невиден спој на политика и спорт

Пратеникот Хоакин Кастро, демократ од Тексас, го повика медиумскиот гигант Парамаунт, кој го емитуваше настанот. „Па дали е ова ѓубре што можеме да го очекуваме од „CBS“ сега“, праша демократот.

Настанот во неделата ги спои политиката и спортот на невиден начин и послужи како најнов пример за блиските врски на Трамп со „UFC“ и нејзиниот извршен директор Ден Вајт.

Претседателот го прослави настанот во објава на „Truth Social“ неделата вечерта, нарекувајќи го „неверојатен“ и додаде: „Белата куќа никогаш не изгледала поубаво.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Трамп: Ормускиот теснец целосно ќе биде отворен во петок

Американскиот претседател Доналд Трамп откри нови детали за договорот меѓу САД и Иран за време на разговор со новинарите на самитот на Г7 во францускиот град Евијан-ле-Бен.

Трамп: Ормускиот теснец целосно ќе биде отворен во петок

Трамп, во присуство на францускиот претседател Емануел Макрон, изјави дека стратешки важниот Ормуски Теснец веќе е делумно отворен, а целосно ќе биде отворен во петок, кога официјално ќе биде потпишан меморандумот за разбирање меѓу Вашингтон и Техеран во Женева.

Тој потврди и дека текстот на меморандумот ќе биде јавно објавен, најверојатно веднаш по официјалната церемонија на потпишување. Американскиот претседател навести и дека нема лично да присуствува на потпишувањето во Швајцарија. Наместо него, во Женева ќе отпатува потпретседателот Џеј Ди Венс, кој ќе ја претставува американската администрација на церемонијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Унгарскиот парламент изгласа промена на уставот: Орбан повеќе не може да биде премиер

Унгарскиот парламент одобри уставен амандман што им овозможува на премиерите да служат максимум осум години, со што практично му се забранува на поранешниот премиер Виктор Орбан повторно да биде на таа функција.

Унгарскиот парламент изгласа промена на уставот: Орбан повеќе не може да биде премиер

Премиерот Петер Маѓар го собори Орбан на изборите во април по 16 години на власт, освојувајќи двотретинско мнозинство во парламентот што и овозможува на неговата партија да ги поништи или измени законите донесени од Фидес на Орбан, вклучително и уставот.

Ограничувања на мандатот

Амандманот вели дека секој што претходно бил премиер најмалку осум години не може да биде избран за премиер. Ова се однесува на премиерските мандати по 2 мај 1990 година.

Премиерите ќе мора да ја напуштат функцијата по вкупно осум години, или два мандати.

Уставниот амандман, исто така, го отвора патот за распуштање на Канцеларијата за заштита на суверенитетот, која беше формирана од владата на Орбан и ги стигматизираше опозициските личности и новинарите за „служење на странски интереси“.

Амандманот, исто така, ѝ ги враќа на државата основачките права на таканаречените фондации за управување со средства од јавен интерес. Владата на Орбан им префрли државен имот во вредност од стотици милијарди форинти на овие фондации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер