Ја запросил девојката среде концерт на Адел, подвиг што тешко се надминува (ВИДЕО) - Канал 5

Ја запросил девојката среде концерт на Адел, подвиг што тешко се надминува (ВИДЕО)

Адел вчера вечер одржа концерт во Лос Анџелес по шест години пауза.

Ја запросил девојката среде концерт на Адел, подвиг што тешко се надминува (ВИДЕО)

За време на концертот, пејачката изведе 10 песни кои вклучуваа микс од стари хитови како Hello и Rolling in the Deep, како и некои нови песни од нејзиниот претстоен албум, 30.

Адел се појави во гламурозен црн фустан со дезен на сирена, а откри и дека ова е прв концерт на кој бил нејзиниот деветгодишен син Анџело.

„Ова е прв пат мојот син да ме види како настапувам“, рече Адел низ солзи. „Апсолутна чест е мојот живот, душо, што те имам овде вечерва. И изгледаш толку убаво, толку згодно и паметно“.

Се случи уште едно емотивно изненадување кога Адел му помогна на еден маж да ја запроси својата девојка на нејзиниот концерт.

Девојката со врзани очи немала поим што се случува, ниту пак што планира нејзиното момче. Откако и го отстраниле превезот и ја запросил, светлата се запалиле и Адел се појавила на сцената. Девојката останала без текст, а снимката од ова запросување брзо стана хит на интернет.

„Ова дефинитивно никогаш нема да се заборави“, „Ја запроси пред најдобрата пејачка на денешницата и актерите од А-листата“, „Ова е одлично“, „Не можам да престанам да плачам“, „Ова е невозможно да се победи“, се само дел од коментарите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Украински дронови погодија голем петрохемиски комплекс во Русија

Украина извршила напад со беспилотни летала врз еден од најголемите руски петрохемиски комплекси во Нижнекамск, град во Република Татарстан, објавија украинските медиуми.

Украински дронови погодија голем петрохемиски комплекс во Русија

Во нападот биле повредени три лица, соопшти регионалното министерство за здравство. Властите не објавија детали за тоа кој индустриски објект бил погоден. Снимки од голем пожар се проширија на социјалните мрежи во Русија и Украина. Според тие извештаи, пожарот избувнал во фабриката „Нижнекам-Сне-Фтехим“, во чиј состав има и рафинерија за нафта. Поради оштетувањето на објектот што снабдува со електрична енергија и дел од железничката мрежа, железничкиот сообраќај бил привремено прекинат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Маж загина во пожар во барака во скопски Жданец

Маж загина во пожар што доцна синоќа избил во барака во скопската населба Жданец.

Маж загина во пожар во барака во скопски Жданец

Од МВР информираат дека бараката, сопственост на 56-годишен скопјанец целосно изгорела, а дека откако огнот бил изгаснат, во објектот биле пронајдено тело на починато машко лице. Од Центарот за управување со кризи информираат дека во гасење на пожарот кој избил половина час пред полноќ, интервенирале 19 пожарникари од Скопската противпожарна бригада со седум противпожарни возила. Засега не се познати причините за пожарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кедев се впиша во Гинис како највозрасен човек во светот што ги искачил сите 14 врва над 8 000 метри

Македонскиот кардиолог и планинар Сашко Кедев влегува во гинисовата книна на рекорди како највозрасен човек кој стигнал до највисоката точка на сите 14 планини во светот повисоки од 8 000 метри.

Кедев се впиша во Гинис како највозрасен човек во светот што ги искачил сите 14 врва над 8 000 метри

Кедев имал 63 години и 14 дена кога на 20 јули 2025 година се искачил на „Гашербрум 1“ во Пакистан. Со искачувањето на овој врв, висок 8 080 метри, стана и првиот Македонец што ги искачил сите 14 врва над 8 000 метри. Прв на неговата листа беше највисокиот врв на светот, Монт Еверест, на кој Кедев се искачи во мај 2009-та година.

Во јули 2022 година, во растојание од само една недела, ги искачи Ка-2 и Броуд Пик. Искачувањата на Кедев ги потврдил Еберхард Јургалски, консултант на Гинис за планинарски рекорди. Гинис му припишува на Кедев уште едно постигнување. Тој е и највозрасниот човек кој ги исполнил двата планинарски предизвика – ги искачил сите 14 врва над 8 000 метри и највисокиот врв на секој од седумте континенти. Континенталната седумка ја заокружи уште во 2011 година, со искачувањето на Пунчак Џаја во Океанија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер