Ја заборавил шифрата од дигиталниот паричник, може да остане без 200 милиони евра

Оваа интересна, но и трагикомична приказна, доаѓа од Сан Франциско.

Имено, еден програмер поради лошото памтење може да остане без неверојатни 200 милиони евра.

Стефан Томас има „заштеда“ која изнесува повеќе од 200 милиони евра, и тоа во криптовалути, односно биткоини. Единствен проблем е што не може да се сети на шифрата од неговиот дигитален паричник.

Тој своите криптовалути ги чува на хард диск наречен „IronKey“, овој уред му дозволува на корисникот до десет пати да внесе точна лозинка за да пристапи до податоците, пред тие засекогаш да бидат загубени. Томас направил осум неуспешни обиди, за сега.

Во превод, има уште две шанси, инаку останува без пари.

„Само лежам во кревет и размислувам за тоа. Помислувам дека имам добра стратегија да се сетам, седнувам на компјутер, а потоа повторно грешам и станувам очаен“, го опишал своето искуство Томас во интервју за Њујорк Тајмс.

Пратеник од БиХ слушал турбо фолк за време на онлајн седница: Намали ја армониката (ВИДЕО)

Поради пандемијата, седниците на Претставничкиот дом на Парламентот на Босна и Херцеговина се одржуваат преку Интернет. За време на денешната сесија се случила невообичаена ситуација.

Имено, за време на гласањето за Предлог законот за „Швајцарец“, пратеникот Ифран Дуриќ гласно слушал музиката во позадина, односно песна од Халид Бешлиќ „Кога срцето бие од мерак”.

„Го молам Дуриќ да ја исклучи хармониката“, му рекол претседателот Мирсад Заимовиќ, што ги насмеало другите пратеници.

Инаку, ова не е прв пат политичарите во БиХ да не се однесуваат соодветно за време на онлајн сесиите. Така минатата година, пратеникот на СДА, Суад Какњо, заспа за време на седница.

Салма Хајек во бикини на 55 години доби половина милион лајкови за еден час (ФОТО)

Актерката Салма Хајек објави на Инстаграм две фотографии на кои позира во бикини, и покажа толку совршено тело што е тешко да се поверува дека е длабоко во педесеттите години.

На првата фотографија актерката позира во плитко миејќи си го лицето, а на втората медитира на песок.

„Треба да го зачуваме мирот“, напишала таа во описот.

Фотографиите добија скоро половина милион лајкови за помалку од еден час, а фановите ја опсипаа со комплименти.

„Божица“, „Убава како и секогаш“, „Ти си толку секси“, „Убавица“, беа некои од коментарите.

Инаку, Салма ќе наполни 55 години во септември оваа година.

Бербер бесплатно средил бездомник, никој не го препознава (ВИДЕО)

Барбер од Франција бесплатно ишишал и избричил бездомник, а неговиот нов изглед воодушеви многу корисници на социјалните мрежи.

Видеото објавено на TikTok од францускиот славен фризер Давид Кодат покажува маж пред и по неговото средување.

Снимката доби илјадници лајкови, а многумина коментираа дека човекот изгледа непрепознатливо.„Косата и брадата менуваат сè“, е еден од коментарите.„Ова толку многу го подмлади“, напишал друг.

Давид Кодат е познат француски фризер ,кој е сопственик на салон во Стразбур.

притисни ентер