Живот

Ја спуштиле камерата на 1.400 метри под морето, наеднаш се појавило огромно чудовиште (ВИДЕО)

Технологијата драматично напредна и им помага на луѓето во сите сфери на животот, вклучувајќи ги и научниците кои ги истражуваат длабоките мориња.

Членовите на експедицијата што го проучуваа ровот Тонга во Тихиот Океан биле решени да откријат што има на неговото дно, па ја спуштија камерата и внимателно следеа, пренесува LadBible.

Кога камерата била спуштена на длабочина од 1.400 метри, истражувачите очекувале да наидат на релативно недопрен свет, кој преживува во темнина.

На изненадување на сите, морничаво суштество се појави од никаде и истрча директно кон уредот, верувајќи дека станува збор за вкусен ручек. Така ималњ можност да ја видат внатрешноста на огромната уста и еден куп остри заби.

Докторката Џесика Колбус објаснила дека доживеале „блиска средба“ со ајкула од родот Somniosus pacificus, која достигнува должина и до 4,4 метри.

„Лесно заклучивме дека се работи за женско. Температурата на водата ја измеривме на 2,5 степени Целзиусови, што значи дека студената средина не ѝ пречи“, вели д-р Колбус.

Ајкулата брзо сфатила дека камерата не е вкусна, па се упатила кон рибите. Уредот не бил уништен и го зачувал извонредниот материјал снимен во темните длабочини.

Ајкулата се движела тивко, изгледала како импресивно суштество, а научниците велат дека се храни со риби и октоподи.

Сепак, нема многу храна на големите длабочини, па овој вид ја складира во своите пространи стомаци.

Фудбал

Анчелоти ќе го напушти Реал Мадрид на крајот на сезоната, тврди шпанско радио

Карло Анчелоти ќе ја напушти функцијата тренер на Реал Мадрид на крајот од актуелната сезона, пренесува шпанското радио „Онда Черо“. Италијанецот ќе се раздели со клубот без разлика на резултатите на крајот од сезоната.

Според радиото, фаворит за тренерската функција во Реал Мадрид е Шпанецот Чаби Алонсо, кој моментално е на чело на германскиот Баер Леверкузен.

Анчелоти беше на чело на Реал Мадрид од 2013 до 2015 година, а во клубот се врати во 2021 година. Со Реал Мадрид тој е шампион на Шпанија, двапати го освои Купот и еднаш Суперкупот на земјата, исто така го освои Суперкупот на УЕФА и двапати Светското клупско првенство.

Карло Анчелоти стана првиот тренер во историјата кој триумфирал во секое од најдобрите пет национални првенства во Европа. Италијанскиот стручњак во текот на својата кариера ги предводеше и англиските Челси, германски Баерн Минхен, италијански Милан и француски Пари Сен Жермен до победи во националните првенства на нивните земји.

Италијанскиот стручњак е единствениот тренер кој пет пати ја освоил Лигата на шампионите.

Реал Мадрид по 20 кола е лидер во шпанското првенство со 46 бодови. /МИА

Свет

Хамас: Луѓето во Газа „ќе се кренат повторно“ и ќе ја обноват уништената територија

Палестинската милитантна група Хамас, која ја контролира Газа од 2007 година, во својата најнова порака рече дека Газа и нејзиниот народ „ќе се кренат повторно“ и дека ќе ја обноват територијата во голема мера уништена од израелските напади.

„Газа, со својот голем народ и нејзината издржливост, повторно ќе се крене за да го обнови она што го уништи окупацијата и ќе продолжи по патот на непоколебливост додека окупацијата не биде поразена“, се вели во соопштението на Хамас објавено на вториот ден од прекинот на огнот во Газа, пренесе денеска „Гардијан“.

Во соопштението тие наведуваат дека „во текот на 471 ден, систематските злосторства на окупацијата не успеаја да го одвратат палестинскиот народ и неговиот храбар отпор да останат на земјата и да се спротивстават на агресијата“.

Повеќе од 46.000 Палестинци се убиени во Газа во израелските напади, според здравствените власти на територијата, а училишта, болници и друга инфраструктура, како патишта, се уништени во бомбардирањето. Војната во Газа започна откако Хамас го нападна јужниот дел на Израел во октомври 2023 година, при што, според израелски извори, загинаа повеќе од 1.200 луѓе и зедоа повеќе од 250 заложници. Договорот за прекин на огнот, кој стапи на сила вчера, вклучува и ослободување на заложниците кои ги држеше Хамас./МИА

Свет

Британската влада го отфрли обидот на унионистите во Северна Ирска

Британската влада денеска го отфрли обидот на унионистите во Северна Ирска да го активираат механизмот по Брегзит познат како „кочница на Стормонт“, кој се обидуваше да ја запре примената на некои правила на ЕУ на нивната територија.

Активирањето на овој механизам ќе му овозможи на Собранието на Северна Ирска, кое донесува закони во Северна Ирска, да се спротивстави на новите правила на ЕУ.

Пратениците унионисти во регионалното собрание во Белфаст, кои сакаат Северна Ирска да остане во Обединетото Кралство, минатиот месец сакаа првпат да го активираат овој механизам за да ја спречат примената на правилата на ЕУ за пакување и етикетирање на хемикалии.

Северна Ирска остана дел од единствениот пазар на ЕУ кога остатокот од Обединетото Кралство ја напушти Унијата. Водачот на Демократската унионистичка партија (ДУП) Гевин Робинсон рече дека одлуката на Велика Британија да го одбие активирањето на механизмот е сериозна грешка и дека Лондон треба да почне да се залага за Северна Ирска „наместо да се поклонува на диктатите на ЕУ“./МИА

притисни ентер