Ја откриваме тајната за совршениот тен на Индијките!

Само неколку трикови ве делат од преубавото лице

Со векови, одредени народи следат некои правила и трикови за да ја задржат својата убавина, а во овој поглед Индијките посебно се издвојуваат.

За разлика од жените од Западот, кои најчесто „подлегнуваат“ на естетските корекции, дамите од Истокот тежнеат да ја задржат природната убавина и автентичноста, па претпочитаат алтернативна медицина и третмани. Таквата нега не бара многу пари, тајната е во неколку трикови.

Самомасажа со масло од сусам

На Интернет кружат видеа преку кои на жените им се советува да го масираат лицето за да го затегнат и да спречат негово опуштање. Индијките го практикуваат овој ритуал со векови, во масажата вклучуваат и масло од сусам, кое ја храни и хидрира кожата. Маслото од сусам особено се препорачува за нега на кожата, косата или по сончање, а особено е добро за дамите кои имаат сува кожа.

Превриена вода

За редовното консумирање вода и потребата телото да биде хидрирано се свесни сите дами, но Индијките претпочитаат превриена вода. Тие ја избегнуваат водата од чешма бидејќи превриената вода е подобра бидејќи така се убиваат сите бактерии и микроорганизми. Исто така, водата ја консумираат во помали голтки. „Налевањето“ со вода може да биде тешко за организмот, а и нема ефект бидејќи течноста само поминува низ телото, а за да стигне до потребните места се препорачува водата да се пие во мали голтки.

Чај од ѓумбир

Ѓумбирот е одличен антиоксиданс и благотворно делува на нашиот организам. Имено, ѓумбирот е полн со витамини и минерали, па делува и антиинфламаторно. Исто така е одличен извор на колаген, што значи дека ги намалува брчките и ја спречува појавата на нови.

Варени моркови

Морковите се богати со хранливи состојки, тие содржат каротеноиди кои му даваат златна боја на тенот, го штитат од УВ зрачење и други штетни влијанија од околината. Индијките ги консумираат варени и меѓу другото, затоа имаат убава кожа.

Физичка активност

Вежбањето всушност предизвикува потење, кое го ослободува телото до токсини. Секако, на дехидрираниот организам му е потребна вода за да се освежи. При физичка активност исто така се ослободува и хормонот на стресот, кој е еден од „виновниците“ за настанувањето на брчките и стареењето воопшто.

Дебата „Енергетска криза и решенија за иднината“

Дебатата на тема „Енергетска криза и решенија за иднината“ денеска ќе се одржи на Факултетот за електротехника и информациски технологии (ФЕИТ) во Скопје во организација на Францускиот институт во Скопје.

На дебатата, според најавите од организаторот, експертите ќе дебатираат на темата кои се решенијата за поефикасна енергетска иднина со кои би се намалил ударот врз климата и животната средина и дали и во која мера обновливите енергии можат трајно да ги заменат фосилните горива.

-Светот и Европа се соочуваат со голема енергетска криза наспроти која се принудени да започнат со транзиција за да ги сопрат погубните последици од глобалното затоплување, велат организаторите на настанот.

Дебатата ќе ја отвори Иго Бештел, советник за култура и соработка и директор на Францускиот институт во Скопје, а учество ќе земат Михаела Жиртан, професорка на Универзитетот во Анже и експерт за обновливи енергии, Антон Чаушевски, професор на ФЕИТ, Ристо Филкоски, професор на Машинскиот факултет во Скопје и стручен советник на НВО „Центар за климатски промени“ и Виктор Андонов, советник за енергетски прашања во Владата. Модераторка на дебатата ќе биде Мила Јовановска, претседателка на НВО „Биди зелен“.

Скопје втор ден под блокада, приватниците не отстапуваат додека не се изнајде решение за долгот

И утринава продолжија блокадите на приватните превозници на клучните булевари во Скопје.

Околу 200 автобуси и денеска се поставени на крстосницата кај Мавровка и кај Црвен крст, како и на булеварот Илинденска.

Блокадите ќе останат на постојните места сè додека не се седне на маса и не се најде решение согласно законот и одлуката на Град Скопје.

Од Град Скопје највија дека денеска на прес-конференција ќе излезат со свој став.

Вчера министерот за локална самоуправа Ристо Пенов во телевизико гостување рече дека решение за проблемот на приватните превозници постои и тоа е во рацете на Советот на градот:„ Да го платат долгот кон ЈСП од два милиона евра и денес може Советот да свика седница и да и наложи на градоначалничката од одредена ставка на буџетот да го исплати долгот.

Според Пенов исто така насилно може да се тргнат автобусите од улиците, но додаде дека , се уште не се исцрпени сите можности за решение.

Почнува одбележувањето на Свети Климент Охридски, патронот на градот Охрид

Со прогласување на Наум Целакоски и Павле Митрески за почесни членови на библиотеката „Григор Прличев“ денеска во Охрид почнуваат активностите за одбележување на празникот Свети Климент Охридски – патронот на градот.

Чествувањата ќе продолжат со концерт на учениците од општинкото музичко училиште „Методи Патче”, по што следува изложба „Охридскиот регион – универзален духовен и природен раскош“ од Нина Ангелоска и одбележување на патронатот на општинското основно училиште „Свети Климент Охридски“.

Општина Охрид, пак, утре ќе одржи свечената академија по повод 8. декември, Денот на Свети Климент Охридски – патрон на градот. Ќе биде промовирана книгата за „Светите браќа Климент и Наум“ од Димитар Пандев и Славе Ѓорѓо Димоски, а ќе бидат поставени и изложби на Фото клуб – Охрид и на учениците од ОСУ „Свети Климент Охридски“.

Програмата треба да продолжи на празникот, в четврток со поклон пред моштите на Свети Климент Охридски во манастирот „Свети Климент и Пантелејмон” на Плаошник. Потоа предвидено е полагање цвеќе на споменикот на Свети Климент Охридски во училишниот двор на ООУ „Свети Климент Охридски“ и на момументалниот споменик на Свети Климент Охридски на Градскиот плоштад, како и врачување награди на најдобрите поетски творби на наградниот ученички литературен конкурс по повод Патронот на Охрид.

Програмата ќе се заокружи со настап на Македонските фолклорни ансамбли во чест на Свети Климент Охридски на големата сцена во центарот за култура „Григор Прличев“.

притисни ентер