Живот

Ја лажирал сопствената смрт за неговата жена да престане да му бара пари

Дваесет и седумгодишен маж од Хондурас кој работи во САД неодамна се обидел да ја лажира сопствената смрт, за да се обиде да ја сопре сопругата константно да му бара уште пари.

Дени Гонзалес им рекол на новинарите дека откако влегов во брак пред две години, неговата сопруга од Хондурас му се јавува секоја недела и се жалела дека и останале малку пари и дека и требаат уште. Во еден момент, му дошло преку глава, па смислил очајнички план за да ја сопре. Имено, се одлучил да ја увери сопругата дека умрел.

Меѓутоа тоа не го направил како што треба. Имено, и испратил фотографија од креветот, со вата во носот, со порака дека умрел од комбинација на рак и астма.

Меѓутоа не сметал дека неговата жена фотографијата ќе ја однесе во локалната телевизија во Хондурас и ќе ја прикаже на телевизија. Сите негови роднини набргу слушнале за неговата смрт, а многу вклучувајќи ја и неговата мајка биле скршени. Меѓутоа, другите малку подобро ја погледнале фотографиите и сфатиле дека на некои изгледа како да се смее, а дека белото платно со кое е покриен е всушност навлака за перница.

Фотографиите станале вирални, а локалните медиуми се позанимавале со приказната. Не им требало долго за да дознаат дека 27 годишниот Дени е жив и здрав. Тој веднаш признал дека сето тоа го лажирал и рекол дека константното барања од неговата сопруга го натерале на овој очајнички потег.

„Жена ми секоја недела ми се јавуваше да ми бара пари. Секоја сабота ќе се јавеше и ќе ми кажеше колку сум и испратил и уште колку морам да и испратам“ – изјавил за „HCH”. „Остатокот од неделата – ниту една порака. Никогаш не ми испраќаше фотографии или да праша нешто друго. Бараше да и испратам мобилен телефон, но веќе и испратив шест и секогаш ми се јавуваше да ми пренесе дека и ги украле“.

Додека некои оваа приказна ги насмеа, реакцијата на повеќето беше негативна. Некои членови на семејството на Дени го обвинија дека е “неблагодарен син“, поради тоа што сопствените родители ги натерал да помислат дека е мртов. Други додадоа дека можел да пронајде помалку трауматичен начин да и соопшти на сопругата дека не може да и испрати толку пари.

Македонија

Македонија одбележува 23 години од масакрот кај Вејце

На денешен ден пред точно 23 години се случи еден од најбруталните и најкрвавите маскари во современата историја на Македонија.

На денешен ден пред точно 23 години се случи еден од најбруталните и најкрвавите маскари во современата историја на Македонија кога попладнето на кривината Црвен камен во месноста Бреза на средина од планинскиот пат меѓу тетовските села Селце и Вејце, од припадници на терористичката паравоена формација ОНА од заседа беа нападнати, убиени, а потоа и ѕверски масакрирани осум припадници на безбедносните сили. Местото на грозомрниот масакр денеска го посетија од Достоинство, а почит оддадоа и пред споменикот на Бранителите во Скопје. Првиот човек Стојанче Ангелов очекува по конституирањето на новиот Парламент да се усвојат измените на Законот за бранителите, кој го поднеле во Собранието, со кој како што вели ќе се исправи долгогодишната неправда кон бранителите и нивните семјества.

„ Оние кои ги масакрираа и убија денеска се на слобода иако според меѓународното право воените злострствоата никогаш не застаруваат. 23 години подоцна на местото кај масакрот на Вејце се уште нема достоинствено обележје кое ќе потсетува на овој крвав настан и ќе предупредува дека е крајно неодоговорно да се разгоруваат меѓуетничката нетрпеливост и омраза како тоа што го направи Али Ахмети на митингот на ДУИ во Скопје заканувајќи му се на лидерот на опозицијата извикувајќи УЧК. “-Стојанче Антелов – Достоинство.

Почит кон споменот на загинатите бранители во ,,Вејце “ и ,,Шипковица“ во 2001 година на денешното честување во Битола оддаде и дополнителниот заменик министер за внатрешни работи Митко Бојмацалиев, кој порача дека тие никогаш нема да бидат заборавени.

Откако во октомври лани со владина одлука министерството за одбрана ја доби надлежноста за местата на кои загинале македонските бранители, од Министерството во одговор за Канал 5 информираат дека до крајот на месец мај очекуваат да заврши процедурата за доделување на локациите за изградба на спомениците на загинатите бранители во месноста Љуботенски бачила, на Карпалак и во Вејце, по што ќе се објави огласот за идејно решение и изработка за што се предвидени средства во планот за јавни набавки.

Во меѓувреме, во центарот на Куманово е откриен мурал со кој се оддава почит кон споменот на бранителот Бобан Трајковски, во пресрет на 23-годишнината од неговата херојска смрт.

Македонија

Ковачевски: Ако некој бојкотирал низ целата историја на државата тоа е ВМРО-ДПМНЕ

Лидерот на СДСМ Димитар Ковачевски синоќа во Гостивар изјави дека ако некој бојкторал и блокирал во целата историја, тоа било ВМРО-ДПМНЕ.

Свет

Хамас ќе одговори на планот за примирје во Газа во Египет в понеделник

Висок функционер на Хамас изјави денеска дека групата ќе го даде својот одговор на последниот предлог на Израел за прекин на огнот во Газа в понеделник во Египет.

„Делегација на Хамас предводена од Калил ал-Хаја утре ќе пристигне во Египет... и ќе го достави одговорот на движењето“ на израелскиот предлог за време на состанокот со египетските разузнавачи, рече функционерот кој одби да биде именуван во изјавца за француски медиуми.