Извори: Пакистан и Авганистан одржуваат нови мировни преговори во Саудиска Арабија - Канал 5

Свет

Извори: Пакистан и Авганистан одржуваат нови мировни преговори во Саудиска Арабија

Претставници на талибанските власти од Авганистан и на Пакистан одржаа нови мировни преговори во Саудиска Арабија и се согласија да го продолжат прекинот на огнот, изјавија тројца авганистански и двајца пакистански функционери.

Извори: Пакистан и Авганистан одржуваат нови мировни преговори во Саудиска Арабија

Примирјето беше во сила со недели, по смртоносните гранични судири во октомври и претходните разговори во Катар и Турција кои не доведоа до мировен договор.

Разговорите во Саудиска Арабија беа иницирани од Ријад, изјави висок функционер на авганистанските талибанци, додавајќи дека се отворени за понатамошни состаноци за „позитивен исход“.

Пакистанските функционери изјавија дека војската, разузнавачките агенции и Министерството за надворешни работи го претставуваат Исламабад во разговорите.

Пакистан вели дека милитантите со седиште во Авганистан вршат напади на негова територија и дека Кабул не одговорил на повторените повици за преземање мерки против нив.

Талибанците го негираат ова. Пакистанските власти изјавија дека бомбашите самоубијци, вклучувајќи го и напаѓачот кој уби 12 лица во Исламабад, биле идентификувани како авганистански државјани.

Октомвриските гранични судири меѓу двете армии однесоа десетици жртви, што е најлошото насилство откако Талибанците дојдоа на власт во 2021 година.

Во октомври во Доха беше потпишан прекин на огнот, но втората рунда разговори во Истанбул заврши минатиот месец без долгорочен договор. Исламабад бара писмена обврска од Кабул да дејствува против антипакистанските милитанти, додека Талибанците велат дека не може да се очекува да ја гарантираат безбедноста во Пакистан.

Тагови: Авганистан Пакистан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода се 12 возачи поради сторено кривично дело „безобѕирно управување возило“

Во текот на изминатото деноноќие, на различни локации во државата, лишени од слобода се 12 возачи поради сторено кривично дело „безобѕирно управување возило“.

Лишени од слобода се 12 возачи поради сторено кривично дело „безобѕирно управување возило“

Од нив, осуммина управувале возило без положен возачки испит и тоа: М.Љ.(40), А.Ш.(22) и Ј.Б.(30) сите од Скопје, И.Р.(24) од с.Света Петка, скопско, А.Р.(23) од с.Беловиште, гостиварско, С.А.(35) од с.Мелница, велешко и Н.М.(28) од с.Зрновци, кочанско и 17-годишник од село во Општина Градско.

Под дејство на алкохол управувале две лица и тоа: Н.П.(29) од Куманово и М.Н.(19) од Скопје. Додека пак, со забрана за управување со моторно возило управувале С.Н. (37) од Кичево и Р.Х.(37) од с.Рашче, скопско.

По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Лишен од слобода бугарски државјанин на Граничниот премин Богородица поради фалсификувана исправа

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром го асфалтира паркингот пред детската градинка „Црвенкапа“

Градоначалникот на Општина Аеродром Дејан Митески денеска изврши увид во градежните активности за асфалтирање на паркинг-просторот кај детската градинка „Црвенкапа“ во Стар Аеродром.

Општина Аеродром го асфалтира паркингот пред детската градинка „Црвенкапа“

Со уредувањето и обележувањето на паркинг-местата се добива повеќе функционален простор, подобра инфраструктура и поуреден изглед во овој дел од општината.

Најважно од сè, со ова обезбедуваме посигурен и полесен пристап до градинката за родителите и за нашите најмлади. Кога инвестираме во инфраструктурата, инвестираме во секојдневието на граѓаните.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер