Известувачот на Европарламентот за Србија во посета на Белград - Канал 5

Балкан

Известувачот на Европарламентот за Србија во посета на Белград

Постојаниот известувач на Европскиот парламент за Србија, хрватскиот европратеник Тонино Пицула од денеска до среда ќе престојува во посета на Белград во мисија за проверка на фактите. 

Известувачот на Европарламентот за Србија во посета на Белград

Како што соопшти ЕП, за време на оваа своја прва посета на Србија во својство на постојан известувач за земјата, Пицула ќе се сретне со политичкото раководство на земјата, членови на владејачките и опозициските партии, како и со претставници на медиумите, граѓанското општество и на бизнис секторот.

Целта на мисијата за проверка на фактите на Пицула е да собере информации за Предлог-извештајот на Европскиот парламент за напредокот на Србија во нејзините напори за приклучување кон Европската Унија во текот на 2023 и 2024 година.

Пицула во четвртокот на состанок на Комитетот за надворешни работи на Европскиот парламент (АФЕТ) презентираше нацрт верзија на извештајот, при што оцени дека Србија во последните години не постигнала вистински напредок на нејзиниот европски пат.

Хрватскиот европратеник истакна дека во документот се изразува загриженост околу прашањата иницирани на студентските протести во Србија, поврзани со транспарентноста, одговорноста и почитувањето на граѓанските права.

- Целосно е неприфатливо покренувањето правни постапки против демонстрантите, како и обвинувањата од српските власти на сметка на земји од ЕУ за поттикнување на протестите, изјави Пицула.

Според него, исклучително важно е Србија да обезбеди независност на институциите, вклучително и во однос на регулацијата на медиумите, имајќи предвид дека се увидени недостатоци во владеењето на правото, административните реформи, спроведувањето на политиките на ЕУ и борбата против корупцијата.

Пицула воедно ги повика Белград и Приштина да вложат напори за намалување на тензиите и за спроведување на постигнатите договори.

- Нормализирањето на односите со Косово е клучно за напредокот на Србија на патот кон ЕУ, истакна Пицула, додавајќи дека Белград мора јасно да покаже дека е стратешки ориентиран кон Унијата.

По презентацијата на Нацрт-верзијата на извештајот, европратениците сега имаат право да поднесат свои амандмани, по што ќе следи усогласување на конечниот предлог-текст на документот од страна на политичките групи во ЕП.

Се очекува Предлог-извештајот да биде ставен на гласање на седница на АФЕТ во текот на април, по што европратениците ќе треба да се изјаснат за негово усвојување на првото наредно пленарно заседание на Европскиот парламент.

Инаку, Србија доби статус на земја кандидат за членство во ЕУ во 2012 година, а преговорите ги започна две години подоцна. Досега земјата отвори 22 од 35-те поглавја од преговарачкиот процес, од кои само две се затворени. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието ги избра новите 8 министри

Во Собранието беа избрани 8-те новите министри во Владата предложени со владината реконструкција. 

Собранието ги избра новите 8 министри

За изборот на нови министри гласаа само пратениците од владеачкото мнозинство односно 69 пратеници. Опозицијата ја напушти седницата поради навредите кои кон нив ги упатил поранешниот министер за односи со заедниците и нов министер за локална самоуправа Иван Стоилковиќ.

Попладнево, ситуацијата ексалираше, откако опозијата го обвини Стоилковиќ дека упатил навреди и пцовки на адреса на пратениците на СДСМ Фатмир Битиќи и Митко Трајчулевски надвор од салата, за време на попладнвената пауза.

За нов министер за правда е избран Јетон Шасивари член на Вреди, министер за земјоделство Борче Серафимовски од ЗНАМ, нов министер за односи меѓу заедниците Агон Ферати од Вреди, министер за здравство Сашо Клековски од ВМРО-ДПМНЕ, министер за туризам и култура Седат Сулејмани од Вреди, министер за социјална политика, демографија и млади Ѓоко Велковски од ВМРО-ДПМНЕ, министер за локална самоуправа Иван Стоилковиќ од ДПСМ, а нов министер без ресор е Ерџан Демир од ВМРО-ДПМНЕ.

Новите министри беа избрани со 69 гласа „ЗА“, без ниту еден воздржан и против.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

„Треба да се работи на рационализација, на ваков начин не одиме никаде“

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

Имате ситуација во Парламент, Артан Груби го нарекува криминалец Сашо Мијалов, од друга страна излегува дека тој го ослободува од затвор. Тоа што политичарите го прават нечесно, нема врска со патриотизам, туку имаат за цел да ги лажат граѓаните за да добијат гласови. Треба само малку да ги гледаш работите пологично и да бидеш порационален за да сфатиш. Не знам што е лошо некој да каже дека ја почитува државата во која што живее за да добие негативнии коментари.

Треба ли да пишувам дека ја сакам Албанија, а не ја сакам Македонија, за да добивам позитивни коментари? Треба да се работи на рационализација, на ваков начин не одиме никаде. Замисли каков притисок ќе биде направен на властите ако целиот народ и Македонците и Албанците и сите други останати се обединат за некои прашања, како што се на пример загадувањето, за неправди, каков ли притисок ќе имаат властите ако народот се обедини за таков вид на прашања. И кога притисокот кон властите е поголем, тогаш и можноста тие државата да ја гледаат како извор на лично финансирање, е помала. Тогаш тие ќе чувствуаат притисок и повеќе ќе работат за граѓаните, помалку за себе, вели Умејр Мухамеди во Само Вистина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Марта е новата Мис Болоња: Некои слават, други незадоволни

Изборот на Марта Бунд за Мис Болоња 2026 предизвика жестока дебата на социјалните мрежи.

Марта е новата Мис Болоња: Некои слават, други незадоволни

Откако беше прогласена за победничка на регионалниот натпревар, следеа илјадници коментари, а мислењата на корисниците беа целосно поделени. Дел од дебатата беше за нејзиното африканско потекло.

Додека дел од јавноста ја гледа победата на Марта како знак на отвореност и инклузивност, други изразија незадоволство од исходот од натпреварот.

Во коментарите, некои корисници тврдеа дека изборите за убавина треба да го претставуваат „традиционалниот изглед“ и културното наследство на регионот. Други, пак, нагласија дека потеклото не треба да игра никаква улога во евалуацијата и дека единственото нешто што е важно е како кандидатките се претставиле и ги исполниле критериумите за натпреварување.

Што всушност освои таа?

Дебатата беше дополнително поттикната од објави што содржеа неточни или нецелосни информации, па затоа вреди да се разјасни што е во прашање.

Марта Бунда не беше крунисана за Мис Италија, туку ја освои титулата Мис Болоња 2026. Тоа беше регионално натпреварување кое ѝ обезбеди место во овогодинешното финале на Мис Италија.

Организаторите стојат зад својата одлука

Ваквите дискусии не се ништо ново во Италија. Во претходните години, учеството или победите на кандидатки од странско потекло, исто така, предизвикаа бројни реакции на социјалните мрежи и кај дел од јавноста.

Организаторите на натпреварот сè уште не дадоа коментар за контроверзноста, а резултатот од регионалниот натпревар останува на сила. Во меѓувреме, дебатата за современите идеали за убавина, идентитет и претставување на различни заедници продолжува на социјалните мрежи.

Извор: Индекс.хр

Тагови: Мис Болоња Марта Бунд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер