Извештај за НЛО на НАСА: Што научивме од студијата за UAP - Канал 5

Живот

Извештај за НЛО на НАСА: Што научивме од студијата за UAP

Истражувањето на НАСА за стотици забележани НЛО откри дека нема докази дека вонземјаните стојат зад необјаснетите феномени, но вселенската агенција исто така не можеше да ја исклучи таа можност.

Извештај за НЛО на НАСА: Што научивме од студијата за UAP

Би-Би-Си

Истражувањето на НАСА за стотици забележани НЛО откри дека нема докази дека вонземјаните стојат зад необјаснетите феномени, но вселенската агенција исто така не можеше да ја исклучи таа можност.

Ако вистината е таму некаде, овој долгоочекуван извештај не нуди убедливи докази.

Но, наведува како НАСА ќе ги истражи, како што ги нарекува UAPs (неидентификувани аномални феномени) со подобрена технологија и вештачка интелигенција.

Администраторот на НАСА, Бил Нелсон, рече дека американската вселенска агенција не само што ќе ја преземе водечката улога во истражувањето на можни инциденти со UAP, туку и ќе ги споделува податоците со поголема транспарентност.

Извештајот има 36 страници со доста технички и научни опсервации, па еве некои од клучните информации.

Нема доказ дека вонземјаните постојат, но можеби постојат

На последната страница од извештајот се вели дека „нема причина да се заклучи“ дека вонземски извори стојат зад стотиците видувања на UAP што ги истражи НАСА.

„Сепак … тие објекти мора да патувале низ нашиот Сончев систем за да стигнат овде“, се вели во извештајот.

Иако извештајот не заклучи дека постои вонземски живот, НАСА не ја негираше можноста за „потенцијална непозната вонземска технологија во атмосферата на Земјата“.

Ограничена количина на UAP податоци

Никола Фокс, помошничка администраторка на Дирекцијата за научна мисија на НАСА, рече: „УАП се една од најголемите мистерии на нашата планета“ и тоа е главно поради недостигот на висококвалитетни податоци.

И покрај бројните пријавени видувања на UAP, г-ѓа Фокс рече дека обично нема доволно податоци што „може да се користат за да се направат дефинитивни научни заклучоци за природата и потеклото на UAP“.

Фокс соопшти дека НАСА назначила нов директор за истражување на UAP за да „воспостави силна база на податоци за евалуација на идните податоци“.

Директорот ќе користи вештачка интелигенција и машинско учење во процесот на собирање и анализа на податоци.

НАСА ги преиспитува виралните фотографии на „вонземјани“ од Мексико

Новинарот на БиБиСи, Сем Кабрал, го праша панелот на НАСА за серијата фотографии на наводни вонземјани кои им беа презентирани на мексиканските власти претходно оваа недела.

Самопрогласениот експерт за НЛО, Хаиме Маусан, на сослушување во Конгресот претстави два антички „нечовечки“ трупови на вонземјани. Тој тврдеше дека телата биле пронајдени во Куско, Перу, во 2017 година и оти тестирањето на радиојаглеродот покажало оти се стари до 1.800 години.

Автентичноста на примероците беше дочекана со голем скептицизам во научните кругови, а самиот Маусан претходно имаше тврдења за вонземски живот кои беа дискредитирани.

Научникот на НАСА, д-р Дејвид Спергел, изјави за Би-Би-Си: „Направете ги примероците достапни за светската научна заедница и ќе видиме што има таму“.

Идентитетот на новиот шеф за НЛО останува мистерија поради заканите

Ќе има нов директор на НАСА за истражување на UAP – но нивниот идентитет останува мистерија.

Деталите за улогата и колку ќе бидат платени останаа нејасни за време на брифингот во четвртокот, имајќи предвид дека НАСА вети дека ќе биде потранспарентна со своето истражување на UAP.

Една од причините за ова може да биде заштитата на новиот директор од какво било потенцијално јавно вознемирување.

Доктор Даниел Еванс, помошник заменик вонреден администратор за истражување на НАСА, рече дека членовите на истражувачкиот панел на UAP добиле „вистински закани“.

Тој рече дека НАСА ја сфаќа сигурноста и безбедноста на тимот „исклучително сериозно“ и дека заканите одиграле улога во одлуката да не се објави името на директорот за истражување на UAP.

НАСА препорачува користење на алатки за вештачка интелигенција

Вештачката интелигенција и машинското учење се „суштински алатки“ за идентификација на UAP, се вели во извештајот.

Јавноста исто така се смета за „критичен аспект во сфаќањето на UAP“.

НАСА, која нагласи дека еден од нејзините најголеми предизвици за подобро сфаќање и идентификување на UAP е недостигот на податоци, има за цел да го покрие тој јаз преку техниките на прибирање податоци од јавноста.

Ова вклучува „апликации на паметни телефони со отворен код“ и други метаподатоци за паметни телефони од „повеќе граѓани набљудувачи ширум светот“.

Во моментов не постои стандардизиран систем за собирање и организирање на цивилни извештаи за UAP, се вели во извештајот, „што резултира со ретки и нецелосни податоци“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ковачки на средба со претставници од „Конрад Аденауер“

Претседателот на Комисијата за локална самоуправа Драган Ковачки на средба со претставници од „Конрад Аденауер“.

Ковачки на средба со претставници од „Конрад Аденауер“

Денеска во Собранието се одржа средба меѓу претседателот на Комисијата за локална самоуправа, Драган Ковачки, и заменик-раководителот за меѓународна соработка на Фондацијата „Конрад Аденауер“, Флоријан Фејерабенд, како и претставникот на Фондацијата, Даниел Браун. На средбата присуствуваа и пратеничките Иванка Василевска и Драгана Бојковска.

На средбата, Ковачки изрази благодарност за континуираната и недвосмислена поддршка што Фондацијата „Конрад Аденауер“ ѝ ја дава на нашата држава во изминатите години. Воедно, тој се осврна на предизвиците со кои се соочуваше државата во изминатиот период, како и на оние што претстојат, нагласувајќи ја важноста на соработката со меѓународните партнери.

Посебен акцент на разговорите беше ставен на процесот на европска интеграција на нашата држава, актуелната геополитичка состојба на Западен Балкан и односите меѓу земјите во регионот. Беше дискутирано и за отворените прашања со Република Бугарија, при што беше истакнато дека стратешка цел на нашата држава останува членството во Европската Унија. Европската перспектива е од суштинско значење за стабилноста, просперитетот и обезбедувањето подобра иднина за идните генерации.

Од своја страна, Даниел Браун изрази благодарност за гостопримството и досегашната соработка со нашата држава. Од страна на високите претставници на високите претставници на германската фондација беше потврдена нивната подготвеност за продолжување на соработката и во иднина преку нови работилници, експертски програми и специјализирани обуки кои ќе придонесат за јакнење на институциите и на парламентарната демократија.

Соговорниците се согласија дека местото на нашата земја е во Европската Унија и дека европската интеграција останува приоритет. Средбата заврши во конструктивна атмосфера, со заемно изразена подготвеност за продолжување на дијалогот и зајакнување на соработката, соопштуваат од Собранието.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Скандал во Лигата на шампионите: Со факели гаѓаат лица со инвалидитет (ВИДЕО)

Белгиската полиција започна истрага откако навивачите се побунија на натпреварот од Лигата на шампионите помеѓу Клуб Бриж и Ленс. 

Скандал во Лигата на шампионите: Со факели гаѓаат лица со инвалидитет (ВИДЕО)

За време на натпреварот, кој Бриж го доби со 3:0, гостинските навивачи запалија голем број факели и ги фрлија кон домашните сектори на стадионот „Јан Брејдел“. На францускиот клуб сега му се заканува сериозна казна од УЕФА.

Дел од пиротехничките средства беа фрлени и на трибината наменета за лица со посебни потреби, а во инцидентите беше повреден еден полицаец од Ленс, на кого му беше помогнато на стадионот. Поради нередот, натпреварот беше накратко прекинат.

Полицијата ги прегледува снимките

Полицијата во Бриж спроведува темелна истрага, а нивната специјална фудбалска единица ќе ги прегледа снимките од безбедносните камери за да ги идентификува одговорните, објавува белгискиот „Хет Ниусблад“. Портпаролката на полицијата потврди дека по анализата ќе биде составен официјален извештај. Никој не е уапсен на стадионот бидејќи полицијата проценила дека обидот за апсење во средината на немирите би можел да предизвика ескалација на конфликтот.

Интересно е што немаше инциденти пред натпреварот. Натпреварот беше прогласен за висок ризик, но пристигнувањето на француските навивачи, кои беа придружувани до стадионот со придружувани автобуси, беше мирно.

Ленс веќе е на условна казна

За Ленс, ситуацијата е дополнително комплицирана бидејќи веќе има условна казна од УЕФА поради претходните навивачки немири. По употребата на пиротехнички средства на патот кон Славија во Прага во септември, клубот беше казнет со 15 илјади евра. Исто така, му беше изречена условна забрана за продажба на билети на своите навивачи за еден гостувачки европски натпревар.

Поради новите инциденти во Бриж, на францускиот клуб му се заканува активирање на таа забрана, како и дополнителни дисциплински мерки. Конечната одлука ќе ја донесе УЕФА по прегледот на извештајот од натпреварот.

Тагови: Лигата на шампионите факели

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Одржав средба со Одил Рено-Басо, претседателка на Европската банка за обнова и развој

Одржав средба со Одил Рено-Басо, претседателка на Европската банка за обнова и развој (ЕБОР), на која разговаравме за можностите за унапредување на соработката и поддршката на развојните приоритети на државата.

Мицкоски: Одржав средба со Одил Рено-Басо, претседателка на Европската банка за обнова и развој

Продолжуваме со посветена работа на создавање услови за нови инвестиции, реализација на значајни инфраструктурни проекти и забрзување на економскиот развој, со цел подобрување на квалитетот на живот на граѓаните, објави на ФБ премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер