Свет

Извештај: Новиот ирански врховен лидер Моџтаба Хаменеи во тешка состојба во Ком

Новиот врховен лидер на Иран, Моџтаба Хаменеи, е на лекување во градот Ком и, според информации на американското и израелското разузнавање, „не е способен да ја води државата“.

Според документот на разузнувачките служби лиферуван меѓу сојузниците во Заливот во кој увид имал лондонски „Тајмс“, Хаменеи е во тешка здравствена состојба и во бесознание, по воздушните напади во кои беше убиен неговиот татко, долгогодишниот врховен лидер Али Хаменеи.

Според наводите од разузнавањето, помладиот Хаменеи не учествува во донесувањето клучни одлуки во државата, додека траат подготовките за погребот на неговиот татко. Разузнавачките служби, како што се наведува, забележале и активности за изградба на голем мавзолеј во Ком со повеќе гробници што би може да укажува на планови таму да бидат погребани повеќе лица на исто семејство.

Иранските власти претходно потврдија дека Моџтаба Хаменеи бил ранет во истиот напад, во кој, според извештаите, загинале и неговата мајка и сопруга. Тој не е појавен во јавноста од почетокот на конфликтот, иако во март беше избран за наследник на функцијата на неговиот татко.

Во меѓувреме, иранската државна телевизија емитуваше писмени изјави што му се припишуваат, како и видео генерирано со вештачка интелигенција, на кое наводно се гледа како анализира мапа на израелскиот нуклеарен објект во Димона.

Информациите на разузнавањето дополнително ги поттикнаа шпекулациите дека вистинската контрола врз државата би можела да ја има Исламската револуционерна гарда, додека Хаменеи формално би останал на функцијата.

Американскиот претседател, Доналд Трамп, изјави дека Вашингтон води разговори со други ирански претставници, но не и со врховниот лидер.

Иранските медиуми наведуваат дека погребот на Али Хаменеи би можел да се одржи во неговиот роден град Машхад, еден од најголемите шиитски верски центри, додека јавна комеморација се очекува да биде одржана во Техеран. Датумот се уште не е објавен.

Утре истекуваат 40 дена од неговата смрт на 28 февруари, со што завршува традиционалниот период на жалост кај шиитските муслимани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Русија издаде меѓународна потерница за апсење на основачот на „Телеграм“

Руската Федерална служба за безбедност (ФСБ) поднесе обвиненија против основачот на „Телеграм“, Павел Дуров, и издаде меѓународна потерница за негово апсење.

Тој е обвинет за олеснување на терористички активности; оваа вест во средата ја пренесе агенцијата „Интерфакс“, пишува „Ројтерс“.

Според извештаите на руските државни медиуми од март, ФСБ тврди дека од почетокот на војната во Украина, преку „Телеграм“ биле извршени повеќе од 153.000 кривични дела.

Меѓу нив, како што наведуваат, има околу 33.000 случаи поврзани со саботажа, тероризам и екстремизам – како што се организирање експлозии, подметнување пожари во воени објекти и убиства.

Дневниот весник во државна сопственост „Росијскаја газета“, повикувајќи се на материјали од ФСБ, тврди дека благодарение на работата на безбедносните служби биле спречени 475 терористички напади, наводно планирани преку „Телеграм“.

Според истите наводи, оваа бројка вклучува 61 планиран напад врз училишта. Руските власти исто така тврдат дека терористичкиот напад врз концертната сала „Крокус сити хол“ во март 2024 година бил координиран преку „Телеграм“.

Понатаму, тие наведуваат дека апликацијата се користела за собирање податоци за руски воени претставници, блогери и нивните семејства, вклучувајќи информации за нивното движење и секојдневни навики.

Според Москва, регулаторното тело „Роскомнадзор“ во последниве години испратило повеќе од 150.000 барања до „Телеграм“ за отстранување незаконска содржина, но компанијата наводно ги игнорирала.

Руските власти инаку, уште во февруари го прогласија „Телеграм“ за закана по националната безбедност.

Павел Дуров тогаш го обвини Кремљ за ограничување на пристапот до апликацијата со цел да ги принуди граѓаните да ја користат државната апликација за пораки „МАКС“ (MAX), која Москва ја претставува како безбедна домашна алтернатива на „Телеграм“ и „Ватсап“. Истовремено, во неколку руски градови беа забележани прекини и забавување на работата на „Телеграм“. Според „Киев пост“ (Kyiv Post), руските власти постепено ги насочуваат корисниците кон апликацијата „МАКС“, додека некои руски воени блогери предупредуваат дека станува збор за технички полошо и помалку безбедно решение, кое не поседува енд-ту-енд (end-to-end) енкрипција.

Тагови: русија Телеграм

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Земјотрес е почувствуван во Струга и околината, со јачина од три степени според Европската макросеизмичка скала

Утрово во 07 часот и 52 минути беше почувствуван земјотрес чиј епицентар потекнува од Албанија.

Утрово во 07 часот и 52 минути беше почувствуван земјотрес чиј епицентар потекнува од Албанија, на околу 144 км југозападно од Скопје, со Рихтерова локална магнитуда, 4.0. соопшти Сеизмолошката опсерваторија при природно-математичкиот факултет во скопје,земјотресот е почувствуван од жителите на градот струга и околината, со интензитет од три степени според европската макросеизмичка скала.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се зголемува бројот на загинаа во земјотресот што го погоди југозападниот дел на Јапонија

Се зголемува бројот на загинати во земјотресот што го погоди југозападниот дел на Јапонија.

Според Премиерот Санае Такаичи, во земјотресот досега загинале 13 лица , тој воедно истакна дека спасувачите се во „трка со времето“.

Спасувачките напори се во тек во трговски центар каде што многу луѓе се заробени. Се урнаа најмалку 18 куќи во градот Хикава и има жители кои сè уште се заробени во две од овие куќи.

Јавниот радиодифузен сервис, исто така, објави дека пожарникарите и војската спроведуваат спасувачки операции и ги расчистуваат оштетените згради.

Земјотресот, кој според Геолошкиот завод на САД е проценет на 6,8 степени по рихтер, го погоди островот кјушу во во вторникот.

Тагови: земјотрес јапонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.