МакедонијаИзвештај на Транспортната заедница: Фокус на безбедноста во сообраќајот, модернизација на железницата и одржливост на патиштатаТранспортната заедница порачува државава да се фокусира на активности за подобрување на безбедноста во сообраќајот со продолжување и надградба на проектот „Безбеден град“ и координиран пристап од сите чинители во општеството. Оценките на Транспортната заедница, чии извештаи денеска беше презентирани во Собранието, се дека има подобрување во изградбата на патната инфраструктура со укажување да се планира и нејзиното одржување. Неопходно е да се работи на изградба и модернизација на железницата каде како значајно се потенцира надминувањето на проблемот за железничкото поврзување со Бугарија откако беше потпишан договорот за изградба на меѓуграничниот тунел, како и пуштањето на првата од трите делници од пругата Скопје-Софија. - За да се постигне целосна интеграција на транспортните пазари од Западен Балкан во Европската унија реформите и проектите треба да одат рака под рака, порача директорот на Транспортната заедница Матеј Закоњшек на презентацијата на клучните наоди од Годишните извештаи за 2025 година на Транспортна заедница пред собраниската Комисија за европски прашања. Напредокот во секторот железница е 62 проценти, што, појасни Закоњшек, значи дека 62 проценти од акциските планови за периодот од 2025 до 2027 година веќе се постигнати. За патиштата има напредок од 52 проценти, 44 проценти за безбедност на патиштата, 29 проценти за олеснување на транспортот, 36 проценти за безбедност и права на патниците. – Овие проценти треба да стасаат блиску до 100 или да бидат 100 проценти до 2027 година, рече Закоњшек. Препораките во делот на железничкиот сектор се либерализација на пазарот, нов закон за безбедност на железничкиот сообраќај, ново национално тело за истражување несреќи. Кај патниот сектор се констатира дека се напредува добро за 10-годишната стратегија за развој и одржување на државните патишта. - Гледаме дека новите проекти се испорачани, но финансирањето за одржување не е испланирано навреме и треба да се има повеќегодишен план за одржување. Препораките за патниот сектор се фокусираат и на ревидираниот закон за поставување на Интелигентните транспортни системи. Кога зборуваме за безбедност на патиштата новиот систем „Сејф сити“ што почна годинава е клучен елемент затоа што знаеме колку сообраќајки се случуваат особено во градовите. Во Северна Македонија просекот е 77 смртни случаи на милион жители и во целиот регион е доста повисок од просекот во ЕУ. Затоа фокусот е на безбедноста и целта не е да се намали на 45 или 30 или 20 смртни случаи туку на нула. Тоа е можно е со примена на пристапот безбеден систем што значи дека целото општество работи заедно. Треба да има тело за координација или агенција за безбедност на патиштата. Препораките се и да се подобрат податоците за безбедност на патиштата и да се собираат податоците на ист начин како во Европската унија, да усвоите закон за безбедност на патиштата и да ја операционализирате агенцијата за безбедност на патиштата, наведе Закоњшек. Можеме, како што укажа, да имаме модерни патишта, но ако автомобилите, автобусите и возовите чекаат предолго на границите нема да се постигне ефектот и затоа е потребна соработка. Во таа насока се препораките за олеснување на транспортот, со кои меѓу останатото, се укажува да се имплементира контролната точка на ГП „Ќафасан“ и да се зголеми капацитетот на персоналот. Како што оцени Закоњшек, Северна Македонија е поврзана земја преку коридорите што минуваат низ неа кои се модернизираат за да функционираат како што треба. Во железницата, посочи, имаме 58 километри на обновени проекти и 365 километри на проекти што се подготвуваат, а некои делови веќе се почнати. - Вредноста на овие проекти е 1,15 милијарди евра и фокусот е ставен на модернизација на железничката мрежа која долго време беше запоставена и треба да се фокусираме на ова доколку сакаме модерен железнички транспорт и мултимодална мрежа. Од минатата година имаме нова делница на Коридор 8 која беше ставена во употреба и имаше договор помеѓу Северна Македонија и Бугарија за тунелот, што е значајно постигнување. Состојбите кај поголемиот дел од железничката мрежа е во црвена боја, што значи дека треба да се подобри. Патните проекти добро напредуваат, потрошени се многу пари во изминатиот период, претстојат уште проекти – 190 километри што се во изградба или реконструкција. Усогласувањето на патната мрежа во однос на железничката е доста подобра но има делови што треба да бидат завршени или направени, рече директорот на Транспортната заедница. Во регионот, укажа, ниту еден аеродром нема директна железничка поврзаност и тука прва ќе биде Тирана, па Белград. Исто така нема капацитети за складирање на горива, додека аеродромот во Скопје нуди услуги за алтернативни горива и тоа е чекор во вистинска насока. Претседателот на Комисијата за европски прашања Антонијо Милошоски, во своето обраќање истакна дека транспортната политика е дел од Кластер 14 и претставува значаен сегмент во евроинтегративниот процес, при што Транспортната заедница е важен и стабилен партнер. Тој се осврна и на напредокот на Коридорот 8, посочувајќи дека е во фаза на изградба по надминување на претходните предизвици. Воедно, Милошоски истакна дека системот „Безбеден град“ веќе дава позитивни резултати и е во процес на проширување во повеќе градови и општини, при што се очекува намалување на бројот на жртви и подобрување на целокупната безбедност во сообраќајот. Закоњшек одговараше и на прашања од членовите на Комисијата за европски прашања за активностите за надминување на проблемот со престојот на професионалните возачи во шенген зоната, како и застоите на границите по воведувањето на новиот систем за влез излез во Европската унија. Тагови: извештај Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаЗголемена фреквенција на возила на ГП БогородицаНа останатите гранични премини од македонска страна, нема подолги задржувања за влез и излез од државата.СОСТОЈБА: Сообраќајот на државните патишта се одвива непречено, по суви коловози. ФРЕКВЕНЦИЈА: Интензитетот на сообраќај на патните правци надвор од градските средини е зголемен.Се бележи зголемена фреквенција на возила на ГП Богородица, времето на чекање е 30 минути. На останатите гранични премини од македонска страна, нема подолги задржувања за влез и излез од државата. ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона. ЗАБРАНА ЗА ТЕШКИ ТОВАРНИ ВОЗИЛА: Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури. Термините се следни: петок од 17:00 – 22:00 часот, сабота од 09:00 до 18:00 часот и недела од 09:00 до 22:00 часот. Во деновите со екстремно високи температури, определени од Министерство зa здравство, забранaта ќе важи и од понеделник до четврток во период од 11:00 до 17:00 часот. Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта. На магистралниот пат А2 делница: Скопје – Охрид – Скопје (со важност до 01 септември) се забранува движење на тешки товарни возила чија вкупна маса преминува 7,5 тони за време на викендите, во следните интервали: петок од 15:00 – 22:00 часот, сабота од 07:00 до 12:00 и од 18:00 до 24:00 часот и недела од 07:00 до 22:00 часот. Овој посебен режим на сообраќај се воведува во текот на летото со цел избегнување на застојот во сообраќајот на патната делница кон најпосетуваното туристичко место во Република Македонија, намалување на застоите на пунктовите за наплата на патна такса и воопшто побрз проток на возилата и непречено движење на туристите. Ограничувањето не се однесува на возила кои превезуваат живи животни, цвеќе, хуманитарна помош, жито и житни култури и леснорасиплива стока. РАБОТИ НА ПАТ: Од 06.07.2026 г. започна времена измена на сообраќајот при санација на мост на река Брегалница на Р1204 во Штип и ќе трае до завршувањето на санацијата. Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности. Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности. Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт. Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај. На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна). Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите. Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани. Тагови: АМСМ Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МетеоДенес сончево со мала локална облачностВремето денес ќе биде сончево со мала локална облачност. Ќе дува слаб до умерен ветер од променлив правец. Максималната температура ќе биде во интервал од 29 до 36 степени. Во Скопје, сончево со мала облачност. Ќе дува слаб до умерен ветер од променлив правец. Максималната температура ќе достигне до 34 степени.Тагови: сончево Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиЌе успеат ли партиите до 15 јули да договорат нов Изборен законик?15:00Николоски: Два милиони патници на македонските аеродроми за првите 6 месеци, најголем раст во регионо11:38Продолжува амандманската расправа за ребалнасот на буџетот09:28Со поглед во таван- почна судењето на обвинетиот за убиството на 4 жени во кумановско15:00Серискиот убиец од Старо Нагоричане не призна вина 12:27
Николоски: Два милиони патници на македонските аеродроми за првите 6 месеци, најголем раст во регионо11:38
ХороскопДневен хороскоп за 11. јули 2026 годинаДневен хороскоп за сабота, 11. јули 2026 година. Рак 22.6-22.7. Љубов Ќе бидете снаодливи како што знаете вие . Од својата фантазија ќе извлечете одговор на секое прашање на партнерот. Кариера Со задоволстов ќе одите на работа зашто таму ќе наоѓате различни скриени теми , идеи и замисли за кои другите не се свесни. Здравје и совет Добро ќе си поминувате. Лав 23.7-22.8. Љубов Вашата најдрага личност денеска веројатно со непримерен потег или говор ќе навреди член на вашето семејство. Бидете дипломат. Кариера На кратко службено патување ќе сфатите дека треба понекогаш да прифатите она што другите ви го предлагаат, како и ризикот што оди со тоа. Здравје и совет Верувајте и на својата интуиција. Девица 23.8.-23.9. Љубов Како што ќе минува денот , така ќе сфаќате дека некои особено драги лица се вознемируваат. Прифатете ги зашто чувството за немир е преодно. Кариера Со добра финансиска поткрепа денеска би можеле да сдефинирате декл од работите со странство. Здравје и совет Се навраќате на сеќавањата , не дозволувајте да ве обземат. Вага 24.9.-23.10 Љубов Продолжувате да делите среќа и задоволство на сите околу себе. Доколку сте уште сами , излезете меѓу луѓе , па макар само до најблискиот маркет. Кариера Со радост ќе приведете една работа кон крајот , свесни дека добро сте работеле и уште подобро сте се справиле со предизвиците. Здравје и совет Уживајте. Шкорпија 24.10-22.11. Љубов Ќе се покаже дека вашата најдрага личност има инвентивни идеи. Ќе ги прифатите и така ќе си ја освежите врската. Кариера Во моментов од ништо не се плашите . Подготвени сте за секаква соработка и ги надминувате озборувањата и нестабилностите на денот. Здравје и совет Одете во природа Стрелец 23.11.-21.12. Љубов Неврзаните контакти денеска би можеле да ви донесат вистинско лично освежување. Оние кои се сами , нека излезат на кафе. Кариера Премногу размислувате како соработувате со другите и тоа ќе ви го одземе драгоценото време. Здравје и совет Не анализирајте премногу. Јарец 22.12.-20.1. Љубов Нивото на вашата самодоверба ќе биде големо , а шансите за дружење се отворени. Многу осамени денеска запознаваат нови лица. Кариера Некои од вашите надредени денеска би можел да застане на пат на вашите уметнички идеи. Здравје и совет Одете до крај и не запирајте. Водолија 21.1.-19.2. Љубов Ќе продолжите да нижете едно подруго љубовни успеси. Оние во врска блескаат , а осамените с еполни со надеж и излегуваат. Кариера Повремено ќе ви паѓа на памет мала и безначајна анализа , што остана недовршена поради непристигнати информации. Но и тоа ќе се реши со време. Здравје и совет Имате право на краток одмор. Риби 20.2.- 20.3. Љубов Врска што ја почнувате ,ветува. Бидете искрени и отворени како што само вие знаете. Оние во врска ќе бидат добро. Кариера Освен малку замор , ништо нема да ве загрижува во врска со вашата работа. Добро ќе соработувате и ќе го направите она што е потребно. Здравје и совет Потребно ви е вежбање во теретана. Овен 21.3-20.4. Љубов Доколку ви се пристири дека ви недостига страст во личните односи , само препуштете му се на партнерот. Тој тоа ќе го надомести. Кариера Ќе с еобидете да се соберете и јасно да ги искажете своите намери. Тоа ќе биде чекор напред во расчистување на една работа. Здравје и совет Движете се повеќе , јадете помалку. Бик 21.4- 20.5. Љубов Како што ќе минува денот , вие ќе гледате дека работите се повеќе си доаѓаат на своето место. Тоа ќе ве израдува. Кариера Претсдтои многу добар развој на настаните поврзани со со странски фирми и партнери од други земји. Здравје и совет Здравјето ви е стабилно и добро. Близнаци 21.5.-21.6. Љубов Усогласувањето со партнерот ќе биде успешно , а за се ќе придонесат и вашите драги пријатели. Кариера Освен мала збунетост поврзана со вашиот шеф , ништо особено нема да ве загрижува поврзано со работата. Здравје и совет Посилни сте од многумина.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter