Живот

Извештај на Норстат: Алармантно ниско ниво на доверба во Холандија во политичкиот систем

Анкетата покажува дека дури 39 проценти од жителите на Холандија повеќе не веруваат во политиката.

Според најновиот извештај на норвешката агенција Норстат, довербата на холандските граѓани во политичкиот систем достигна алармантно ниско ниво. Кварталниот извештај „Запознајте го вашиот народ: Холандија“ открива значителен пад на довербата во политичките институции и владата.

Анкетата покажува дека дури 39 проценти од жителите на Холандија повеќе не веруваат во политиката. Таа бројка е алармантна и укажува на длабоко незадоволство од начинот на кој се води земјата. Покрај тоа, големо мнозинство, или 75 проценти од испитаниците, изразиле дека нивната доверба во владата се намалила во изминатата година. Тој значителен пад на довербата претставува сериозен предизвик за сегашната влада и политичкиот систем како целина.

Разочарувањето се одразува и во ставот на граѓаните кон иднината на земјата. Половина од населението смета дека Холандија оди во погрешна насока, што е јасен знак за незадоволство од актуелната политика и општествените трендови. Дури 74 проценти од испитаниците изразиле загриженост за актуелните настани, што дополнително го потврдува негативниот став кон ситуацијата во земјата.

Во атмосфера на општ песимизам, позитивен став кон ситуацијата во земјата имаат само занемарливи два проценти од граѓаните.

Најголемите грижи на Холанѓаните се инфлацијата, миграцијата и меѓународен конфликт, додека криминалот и климатските промени се исто така загрижувачки, но поретко како примарен проблем.

Сепак, личното задоволство на Холанѓаните останува релативно високо - 72 проценти го оценуваат квалитетот на нивниот живот како добар или многу добар, а 83 проценти се сметаат за среќни.

Холандија не е единствената европска земја со ниска доверба во политиката, но е на врвот на земјите од Северозападна Европа во однос на незадоволството.

Италија - 60 проценти, Обединетото Кралство - 49 проценти и Германија - 42 проценти, исто така, забележаа високи стапки на недоверба.

Спротивно на тоа, скандинавските земји бележат значително повисоко ниво на доверба - во Данска, 15 проценти од граѓаните не веруваат во политиката, во Шведска, 17 проценти и во Норвешка, 19 проценти.

Норстат истакнува дека транспарентните и стабилни влади во Скандинавија придонесуваат за високо ниво на доверба кај нивните граѓани.

Тагови: Холандија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода скопјанец затоа што предизвикал пожар во скопско, следува соодветна пријава

По целосно документирање на случајот ќе следува соодветен поднесок.

На 23.06.2026 во 17:35 часот во Скопје, на подрачјето на Бит Пазар, полициски службеници од СВР Скопје го лишија од слобода Д.У.(43) од Скопје, лице со здравствени проблеми, постапувајќи по претходна пријава дека во с.Горно Оризари, скопско, предизвикал пожар во плевна со сено. Нема повредени лица, а Бригадата за противпожарна заштита Скопје го изгаснала пожарот. По целосно документирање на случајот ќе следува соодветен поднесок.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Цветаноски: Распад на здравството, толку нема пари што животот на децата со имунилошки болести е загрозен

Животот на децата со имунолошки болести е загрозен, поради административен и институционален хаос на власта на Мицкоски.

Нема медицински кадар на Детската клиника.

Распад на здравствениот систем кој не може ниту за здравјето на децата да се грижи.

Цената за потрошените пари во буџетот сега треба да ја платат дечињата?

Кочоска се правда дека доцна пристигнало барањето за согласност за вработување. Па зошто порано не се надминале административните пречки, особено кога се работи за живот на деца?

Вистината е дека согласности за вработување имало, и се барале дури од почетокот на оваа година, ама од финансии доцнел четири месеци.

Нема пари во Буџетот за нови вработувања, затоа што на оваа криминална и расипничка власт не и гиржа за здравјето на граѓаните, ниту за најмладите.

Овој хаос и неодговорност, оваа немаштија е на штета на децата. Детски животи се во прашање.

Каде ќе се лекуваат сега овие деца со специфична болест која бара редовна контрола и терапија?

Кој ја сега дели терапијата? Што треба да се случи, да почине дете поради административни пречки? Кој тогаш ќе понесе одговорност?

Ова е цената на неодговорните и расипнички политики на ВМРО и Мицкоски. Кризата со немањето пари во Буџеттот граѓаните ја чувствуваат и по цена на живот.

СДСМ бара веднаш да се најде решние, да се обезбедат соодветни вработувањата и да се обезбеди здравствена заштита на Детска клиника.

Скраете тендери дајте пари за дечињата.

Симона Цветаноски – членка на ИО на СДСМ

Тагови: Цветаноски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Специјалниот бугарски пратеник Филипче наместо молк, да го осуди преседанот во дипломатијата

Специјалниот бугарски пратеник Филипче наместо молк, да го осуди преседанот во дипломатијата откако преку неговите партнери од Бугарија излезе дипломатска нота со која се наруши безбедноста на претседателот Мицкоски

Специјалниот бугарски пратеник Филипче наместо молк, да го осуди преседанот во дипломатијата, откако преку неговите партнери од Бугарија излезе дипломатска нота со која се наруши безбедноста на претседателот Мицкоски.

Политичките партнери на Филипче, бугарските власти предводени од Румен Радев, кои ни го негираат македонскиот идентитет, јазик, култура и историја направија дипломатски преседан со објавување на дипломатска нота, со којашто директно се нарушува безбедноста на семејството на претседателот Мицкоски.

Документот за којшто се уште нема извинување од официјална Софија, објавен е на социјалната мрежа Фејсбук, во којшто јасно се гледаат детали околу информациите за службените возила, имињата на патниците, местото во кое е сместено семејството на претседателот Мицкоски, како и радиофрекфенцијата на која комуницирале обезбедувањето.

Овие сигнали којшто ги испраќа Бугарија даваат јасен знак дека патот за Македонија во ЕУ нема да биде лесен, туку ќе биде испреплетен и полн со предизвици и притисоци.

И наместо осуда од специјалниот бугарски пратеник во Македонија, Венко Филипче, тој молчи и продолжува да соработува со оние коишто не не признаваат, а тоа се властите во Бугарија предводени од Румен Радев.

Македонија нема да се предаде и откаже. Ваквите притисоци и уцени од соседна Бугарија ни даваат само поголем мотив на чесен, достоинствен и исправен начин да се трудиме да бидеме дел од европското семејство.

Бране Петрушевски, пратеник на ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.