Свет

Израелското обвинителство се спротивставува на барањето на Нетанјаху за двонеделна пауза во судењето

Израелското обвинителство се спротивставува на барањето на премиерот Бенјамин Нетанјаху за двонеделна пауза во неговото судење за корупција, наведувајќи дека бавното темпо на неговото сведочење и претстојниот летен одмор не се оправдани причини за п

Адвокатот на премиерот, Амит Хадад, рече дека Нетанјаху бара пауза за да може да се занимава со „дипломатски, национални и безбедносни прашања од прв ред“ во светлината на неодамнешната војна со Иран, која заврши во вторникот, објави „Тајмс оф Израел“.

Овие прашања, смета адвокатот, вклучуваат „управување со војната во Газа и решавање на прашањето со заложниците“.

Обвинителството во својот одговор истакнува дека „општите причини наведени во барањето не можат да го оправдаат откажувањето на судењето за две недели, особено пред претстојната празнична сезона“.

Обвинителството потсетува дека веќе се направени измени за подобро усогласување на обврските на премиерот, вклучително и овластувањето да сведочи двапати неделно наместо три пати.

Одлуката за ова прашање сега ќе ја донесе Окружниот суд во Ерусалим.

Барањето за двонеделна пауза беше поднесено неколку часа откако американскиот претседател Доналд Трамп побара откажување на судењето на премиерот, нарекувајќи го „лов на вештерки насочен против големиот воен премиер на Израел“.

Нетанјаху се соочува со судење во три случаи на корупција, во кои е обвинет за поткуп, измама и кршење на довербата.

Тој ги негира сите обвинувања, тврдејќи дека тие биле измислени како политички удар од страна на полицијата и канцеларијата на државниот обвинител.

Тагови: Бенјамин Нетанјаху Израел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

МВР и Бирото за јавни набавки потпишаа меморандум за поефикасна размена на податоци и заедничка борба против корупцијата

Денеска (06.08.2026) во Министерството за внатрешни работи беше потпишан Меморандум за соработка меѓу Министерството за внатрешни работи – Биро за јавна безбедност и Министерството за финансии – Биро за јавни набавки.

Меморандумот го потпишаа директорот на Бирото за јавна безбедност, Александар Јанев, и директорката на Бирото за јавни набавки, д-р Маре Богева Мицовска.

Со потпишувањето на меморандумот се воспоставува рамка за унапредување на меѓусебната институционална соработка, со цел зголемување на ефикасноста во размената на податоци по електронски пат, организирање континуирани обуки, како и развивање други форми на соработка од делокругот на работењето на Бирото за јавна безбедност и Бирото за јавни набавки.

Меморандумот ги уредува и начините на остварување координација и меѓусебна соработка во областа на спречувањето и сузбивањето на корупцијата и криминалот поврзани со јавните набавки, преку поефикасна размена на информации и заеднички активности во рамките на законските надлежности на двете институции.

Со оваа соработка двете институции ја потврдуваат својата заедничка заложба за зајакнување на институционалните капацитети, транспарентноста и интегритетот во системот на јавните набавки, како и за поефикасна борба против корупцијата и криминалот во оваа област.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ферати – Дрекслер: Дијалогот меѓу заедниците и зајакнувањето на младите, столбови на европскиот пат

Министерот Агон Ферати денеска ја прими германската амбасадорка во Северна Македонија, г-ѓа Петра Дрекслер.

На средбата беа разгледани заедничките приоритети за унапредување на процесите што поттикнуваат инклузивност, еднакви можности, меѓусебна доверба и изградба на поинклузивно и поодржливо општество. Соговорниците ја истакнаа важноста од продолжување на реформите и политичката посветеност како клучни фактори на патот кон интеграцијата на земјата во Европската Унија.

Министерот ја информираше амбасадорката за годишната програма на Министерството за односи меѓу заедниците и за планираните активности кои имаат цел директно да придонесат за зајакнување на општествената кохезија, промовирање на дијалогот и јакнење на довербата меѓу етничките заедници. Во таа насока беше нагласена потребата од продолжување на заедничките институционални напори за создавање стабилна клима на соработка и меѓусебно разбирање.

На средбата се разговараше и за идните проекти и можностите за реализација на нови иницијативи од заеднички интерес. Посебно внимание беше посветено на активното вклучување на младите во консултативните процеси при изработката на стратегиите, како и при спроведувањето на различните активности на Министерството, со цел нивниот глас и перспектива да бидат составен дел од идните политики и проекти што придонесуваат за развојот на општеството и приближувањето кон Европската Унија.

Прес служба на кабинетот на министерот за односи меѓу заедниците

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Земјата е енергетски безбедна, сакаме да ја намалиме цената на струјата, а не да ја покачиме

Македонија не се соочува со енеретски удар заради низок водостој на акумулациите како во делови од Европа, напротив земјава е енергетски безбедна, изјави премиерот Мицкоски.

Владата вели тој не размислува на покачување туку на намалување на цената на струјата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.