Свет

Израелскиот безбедносен кабинет одобри мерки за зајакнување на контролата над Западниот Брег

Израелскиот безбедносен кабинет одобри мерки кои имаат за цел продлабочување на израелската контрола над окупираниот Западен Брег и дополнително слабеење на веќе ограничените овластувања на Палестинската самоуправа.

Канцеларијата на десничарскиот министер за финансии Безалел Смотрич соопшти дека донесените одлуки ќе им олеснат на еврејските доселеници да ги принудат Палестинците да се откажат од земјата, додавајќи дека „ќе продолжат да ја погребуваат идејата за палестинска држава“.

Јонатан Мизрахи, истражувач на израелската организација „Мир сега“, која се противи на изградбата на населби, ја оцени одлуката како „многу значајна“. Тој наведе дека за нејзино стапување во сила сепак е потребна согласност од највисокиот израелски воен командант за Западниот Брег.

Палестинскиот претседател Махмуд Абас ја оцени одлуката како опасна и „отворен обид на Израел да го легализира проширувањето на населбите“ и одземањето на земјиштето. Тој ги повика САД и Советот за безбедност на Обединетите нации веднаш да интервенираат.

Одлуката ја осуди и јорданското Министерство за надворешни работи, наведувајќи дека е насочена кон „наметнување незаконски израелски суверенитет“ и дополнително зацврстување на населбите.

Меѓу усвоените мерки се укинување на забраната за продажба на земјиште на Западниот Брег на израелските Евреи, отстранување на ознаката за доверливост од земјишните регистри на Западниот Брег за олеснување на купувањето земја, пренос на надлежностите за урбанистичко планирање на верски и други чувствителни локации во градот Хеброн на израелските власти, како и овозможување на израелско спроведување на прописите во областа на заштитата на животната средина и археологијата во подрачјата под палестинска управа.

Мерките исто така предвидуваат повторно активирање на одбор кој би и овозможил на државата Израел „проактивно“ да откупува земјиште на таа територија – што се опишува како чекор чија цел е обезбедување земјишни резерви за населбите „за генерациите што доаѓаат“.

Организацијата „Мир сега“ во објаснувањето објавено доцна синоќа наведе дека одлуката е насочена кон „пробивање на секоја можна пречка кон масовно присвојување на земјиштето на Западниот Брег“. Посебно е истакнато дека израелските власти ќе имаат можност да рушат објекти во подрачјата под палестинска контрола доколку проценат дека тие го загрозуваат културното наследство или животната средина.

На Палестинците не им е дозволено приватно да продаваат земја на Израелци. Доселениците можат да купуваат домови само на земја под контрола на израелската влада.

Повеќе од 700.000 еврејски доселеници живеат меѓу речиси три милиони Палестинци на окупираниот Западен Брег и во Источен Ерусалим – територии кои Израел ги окупираше во 1967 година, а кои Палестинците ги сакаат за својата идна држава. Меѓународната заедница ја смета изградбата на израелските населби на овие подрачја за нелегална и пречка за мирот.

Тагови: Западниот Брег

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Камерон Дијаз по враќањето на глумата, има нов филм- ќе се појави кон крајот на годината

Камерон Дијаз го продолжува своето враќање кон глумата со новата акциона комедија „Лош ден“, која пристигнува на Нетфликс на 11 декември.

Заедно со датумот на премиерата, стриминг услугата ги објави и првите фотографии од филмот.

Во филмот, Дијаз игра самохрана мајка за која еден обичен ден се претвора во низа проблеми. Додека поминува низ она што може да биде најлошиот ден во нејзиниот живот, таа се обидува по секоја цена да го одржи ветувањето што ѝ го дала на својата ќерка.

Филмот е режиран од Џејк Шимански, познат по својата работа во познатата серија „Должност на жирито“, додека сценариото го пишува Лаура Солон. Бо Бауман е продуцент, а Солон и Марк Моран се извршни продуценти.

Дијаз ја предводи екипата во која се Даниел Брукс, Рензи Фелиз, Џон Хигинс, Марк Дуплас, Џесика Белкин, Ед О'Нил, Роб Кордри, Ајден Мајери, Бен Шварц, Рета, Ема Пирсон, П.Џ. Бирн, Шери Кола, Еди Патерсон и Бек Бенет.

Нетфликс сè уште не откри многу повеќе детали за заплетот, а првите фотографии даваат само краток увид во она што ги очекува гледачите.

Продолжува со враќањето по десетгодишна пауза

За Дијаз, Лошиот ден е уште еден проект по долго отсуство од Холивуд. Актерката, позната по филмовите „Сите се луди за Мери“, „Маската“, „Одмор“ и серијата „Чарлиевите ангели“, не снимала филмови речиси десет години.

Таа се врати на глумата со акционата комедија на Нетфликс „Назад во акција“, во која глумеше заедно со Џејми Фокс. Тоа беше нејзиниот прв филм по „Ени“ од 2014 година.

Сепак, 53-годишната актерка не сака однапред да утврди со кое темпо ќе продолжи нејзината кариера. Во интервју за списанието „Емпајр“, таа објасни дека сака да ја задржи слободата да одлучува за секој иден проект.

„Тешко е да се објасни. Ако кажам нешто, тоа веднаш станува голема приказна“, рече таа.

„Го задржувам правото никогаш повеќе да не снимам филм, но исто така и да прифатам улога доколку сакам. Не однапред одредувам ништо. Отворена сум за она што има смисла за мене и моето семејство во одреден момент“, додаде таа.

„Лош ден“ пристигнува на Нетфликс на 11 декември.

Тагови: Камерон Дијаз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

И натаму многу топло време со температура до 38 степени, утре попладне дожд и грмежи

Утре претпладне времето ќе биде сончево и топло, а попладне и во вечерните часови наместа ќе биде нестабилно со пороен дожд, грмежи и засилен ветер, информираат од УХМР.

МАКСИМАЛНА ТЕМПЕРАТУРА

23 Попова Шапка, 30 Крушево, 31 Маврови Анови, 32 Берово, 33 Претор, 34 Охрид, Крива Паланка, Битола, Прилеп, 35 Тетово, 36 Струмица, Виница, 37 Кавадарци, Демир Капија, Гевгелија, 38 Скопје Зајчев Рид, Скопје Петровец, Штип, Велес.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес претпладне беше сончево и многу топло со мала до умерена локална облачност. Попладнето, во западните и централните делови на Македонија, имаше развој на нестабилност проследена со пороен дожд, град, засилен ветер и грмежи. До крајот на денот наместа ќе има услови за пороен дожд, грмежи и засилен ветер. Во вечерните часови временските услови ќе се стабилизираат.

ВРЕМЕТО УТРЕ

Претпладне времето ќе биде сончево и топло, а попладне и во вечерните часови наместа ќе биде нестабилно со пороен дожд, грмежи и засилен ветер. Локално процесите ќе бидат во форма на невреме со засилен до силен ветер и појава на град. Минималната температура ќе биде во интервал од 15 до 21, а максималната ќе достигне од 32 до 38 степени.

Во Скопје, сончево и топло со мала до умерена облачност, во вечерните часови во делови во котлината ќе има услови за пороен дожд и грмежи. Ќе дува слаб до умерен ветер од јужен правец. Минималната температура ќе се спушти до 20, а максималната ќе достигне до 38 степени.

ВРЕМЕТО ВО НАРЕДНИТЕ ДЕНОВИ

До крајот на работната седмица ќе се задржи сончево и топло време со појава на умерена облачност во текот на денот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пожарите на Жеден и на Китка го обвија Скопје во чад, воздухот во градот меѓу најзагадените во светот

Пожарите во околината на Скопје, го обвија главниот град во густ чад и непријатна миризба...

Скопје попладнево се искачи на самиот врв по загаденост во светот..

Афродита Рамос ја имаме во живо.. Афродита, во претходното издание на вестите се јави од скопско Залениково, каде што гори на Китка.. Сега си на Водно..

Како изгледа главниот град доцна попладнево?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.