Израелски министер влезе во комплексот џамии во Ерусалим- танцуваше и мавташе со знаме (ВИДЕО) - Канал 5

Свет

Израелски министер влезе во комплексот џамии во Ерусалим- танцуваше и мавташе со знаме (ВИДЕО)

Израелскиот министер за национална безбедност Итамар Бен-Гвир денеска повторно влезе во комплексот на џамијата Ал-Акса во Ерусалим за да ја одбележи израелската окупација на Источен Ерусалим.

Израелски министер влезе во комплексот џамии во Ерусалим- танцуваше и мавташе со знаме (ВИДЕО)

Ова е негово второ влегување во тоа свето место за помалку од една недела.

Бен-Гвир со знамето во кругот на Ал-Акса

Се појави видео на кое се гледа како Бен-Гвир крева израелско знаме и танцува со група десничарски доселеници во комплексот, со џамијата Купола на карпата во позадина. Бен-Гвир постапил слично во неделата, кога во придружба на доселеници во дворот на џамијата, тој изведувал талмудски молитви.

Друго видео го прикажува членот на Кнесетот Јицак Кројзер од крајно десничарската партија на Бен-Гвир, Оцма Јехудит (Еврејска моќ), кој исто така влегол во комплексот и кренал израелско знаме.

Најавен е масовен марш со знамиња

Неименуван функционер на Исламскиот вакф во Ерусалим изјави дека во четврток 620 израелски доселеници влегле во комплексот под полициска заштита. Според извештаите на израелските медиуми, околу 50.000 доселеници планираат да учествуваат во Маршот на знамињата низ Источен Ерусалим во четврток за да ја прослават окупацијата на градот во 1967 година.

Ваквите маршеви често се придружени со напади врз палестински имот и извици „Смрт за Арапите“. Џамијата Ал-Акса е третото најсвето место во исламот, додека Евреите ја нарекуваат областа Храмова Гора, тврдејќи дека во древно време таму се наоѓале два еврејски храма.

Редовен влез во комплексот

Од 2003 година, израелската полиција им дозволува на доселениците да влегуваат во комплексот речиси секој ден, освен во петок и сабота. Според палестинското Министерство за вакуфи и верски работи, израелските доселеници влегле во комплексот 30 пати во текот на април.

Палестинците тврдат дека Израел со децении ги интензивира напорите за јудаизација на Источен Ерусалим, вклучително и Ал-Акса, и бришење на арапскиот и исламскиот идентитет на градот. Тие бараат Источен Ерусалим да биде главен град на нивната идна држава, повикувајќи се на меѓународни резолуции кои не ја признаваат израелската окупација на градот во 1967 година, ниту неговата анексија во 1980 година.

Тагови: Ерусалим знаме

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Власта си игра со здравјето на луѓето - Водата во Гостивар не е ниту за капење, а камоли за пиење

Во над 50 населени места водата не е исправна за пиење.

СДСМ: Власта си игра со здравјето на луѓето - Водата во Гостивар не е ниту за капење, а камоли за пиење

Народот се труе а одговорни нема за тоталниот колапс на институциите.

Вчера и официјално беше соопштено дека водата во Гостивар сѐ уште не е за пиење.

Продолжува хиперхлорирањето. Во повеќе примероци сѐ уште се пронаоѓаат бактерии.

Ова е скандалозно.

Хиперхлорираната вода не е наменета за постојана употреба. Додека концентрацијата на хлор е висока, водата не смее да се користи ниту за капење.

Високото ниво на хлор предизвикува иритација на кожата, очите и дишните патишта.

Особено е опасно при топол туш.

А што најавуваа досега?

Мицкоски најави дека водата ќе биде технички исправна и врз основа на таа изјава граѓаните ја користат водата за капење.

Министерот Клековски најави дека до крајот на минатата недела водата ќе биде безбедна за пиење.

Пред два дена Мицкоски повторно изјави дека „за првпат по многу години“ водата ќе биде бактериолошки исправна.

Во исто време, додека министерот најавуваше вода за пиење, Мицкоски рече дека не може - затоа што се појавила нова бактерија.

Ова се случува кога нестручни лица даваат објаснувања.

Секој ден различни упатства.

Граѓаните се збунети, а последиците по здравјето можат да бидат катастрофални.

Сѐ што прават е за политички поени. Резултати нема - само медиумска пропаганда.

Сѐ уште не знаеме кој потпишал дека водата е технички исправна и безбедна за капење.

Ако некој го потпишал тоа, а сега се докаже дека водата не била ни технички исправна, тој мора кривично да одговара.

Тоа што Владата деновиве не го покажува официјалниот документ, наведува на сомнеж дека документ воопшто нема.

Сѐ се работи по налог на Мицкоски, во служба на неговата кампања, а на штета на здравјето на граѓаните на Гостивар.

Не можете да си играте со здравјето на граѓаните.

Сите ќе одговарате!

Прес конференција на СДСМ, Маја Борозан, Форум на жени

YouTube video

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Возиња пристигна во својот нов клуб, навивачите создадоа незаборавна атмосфера

Возиња пречекан како ѕвезда во новиот клуб .

Возиња пристигна во својот нов клуб, навивачите создадоа незаборавна атмосфера

40 годишниот голман на Зеленортските Острови, Возиња е нов член на чилеанскиот клуб Коло-Коло.

Возиња пристигна во својот нов клуб, навивачите создадоа незаборавна атмосфера. Извонредните одбрани на Светското првенство го исфрлија во преден план во светот на спортот.

Искусниот голман од Зеленортските Острови, Возиња, доживеа спектакуларен пречек во Чиле, каде што ќе ја продолжи кариерата во дресот на локалниот гигант Коло-Коло.

По неговите импресивни настапи на Светското првенство во 2026 година, 40-годишниот голман стана вистинска светска сензација и икона – како во својата татковина, така и низ целиот свет.

Неговите брилијантни одбрани на Светското првенство го лансираа во самиот врв на спортскиот свет, а неговиот профил на Инстаграм доживеа невиден раст, скокајќи од скромни 50.000 следбеници на речиси 30 милиони.

Навивачите на „Коло-Коло“ во огромен број излегоа да го пречекаат на аеродромот, приредувајќи му ентузијастички пречек каков што обично им е резервиран на најголемите светски ѕвезди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Израелскиот министер Кац во судир со воениот врв

 Израелскиот министер за одбрана Израел Кац го разреши командантот на Централната команда на Израелските одбранбени сили (ИДФ), генералот Ави Балут.

Израелскиот министер Кац во судир со воениот врв

Промената уследи по спорот предизвикан од одлуката на тој офицер да изрече административна мерка против израелски доселеник осомничен за напади врз Палестинци, пишува денеска израелскиот весник „Марив“, повикувајќи се на извори кои ја оцениле одлуката како политички мотивирана, бидејќи Балут наводно не ја спровел политиката на Кац.

Весникот наведува дека конфликтот меѓу военото раководство и министерот за одбрана бил предизвикан од одлуката на Балут – кој е надлежен за окупираниот Западен Брег – да спроведе административна мерка против доселеници обвинети за насилство врз Палестинци.

Кац ја објави одлуката за замена на Балут во телевизиска емисија на „Канал 14“, наведувајќи дека на негово место ќе биде назначен Дадо Бар Калифа. Според весникот „Марив“, овој потег предизвикал незадоволство во израелската армија, каде што дел од офицерите сметаат дека одлуката е политички мотивирана.

Началникoт на Генералштабот на ИДФ, генерал Ејал Замир, изјави дека одлуката на Кац не е во согласност со неговите планови и дека тој нема намера да врши промени на командантите на клучни позиции во овој период. „Марив“, повикувајќи се на воени извори, наведува дека ниту Балут, ниту неговиот наследник не биле однапред информирани за одлуката на министерот, туку за неа дознале дури по јавното соопштување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер