Израелската војска: Нападнат е командниот центар на Хамас, сместен во болница во Газа - Канал 5

Свет

Израелската војска: Нападнат е командниот центар на Хамас, сместен во болница во Газа

Израелските одбранбени сили (ИДФ) соопштија дека нападот извршен во текот на ноќта во северниот дел на Појасот Газа бил насочен кон команден центар на Хамас лоциран во болница во Газа.

Израелската војска: Нападнат е командниот центар на Хамас, сместен во болница во Газа

„ИДФ и Шин Бет нападнаа комплекс за команда и контрола во северниот дел на Појасот Газа во болницата Ал-Ахли што ја користи терористичката организација Хамас“, соопшти израелската војска, според Тајмс оф Израел.

Во соопштението се додава дека комплексот го користеле терористите за планирање и извршување терористички напади против силите на ИДФ и граѓаните на државата Израел.

Војската соопшти дека презела чекори за намалување на цивилните жртви пред нападот, вклучително и рано предупредување во областа, користење на прецизно оружје и воздушно набљудување.

„Терористичката организација Хамас систематски го крши меѓународното право, додека брутално ги експлоатира цивилните згради и цивилното население како жив штит за терористички операции“, соопшти израелската војска, повикувајќи ја палестинската милитантна група да престане да ги користи медицинските установи како покритие.

Израелските сили извршија повеќе напади врз централниот дел на Појасот Газа во текот на ноќта, погодувајќи ја болницата Ал-Ахли во градот Газа, соопштија палестинските лекари.

Лекарите рекоа дека нема повредени, но дека две израелски ракети погодиле зграда во болницата и го уништиле одделот за итни случаи и канцеларијата за прием.

Пациентите биле евакуирани од болницата откако едно лице изјавило дека добило повик од израелските безбедносни сили непосредно пред нападот.

Израелската војска претходно предупреди неколку населени места во областа Нусејрат во Газа да се евакуираат откако од областа беше лансирана ракета врз Израел, објави Тајмс оф Израел.

Ал Џезира објави дека Израел бомбардирал и уништил или оштетил 35 болници, вклучувајќи ја и болницата Ал-Ахли, од почетокот на војната во Појасот Газа во октомври 2023 година.

Тагови: Газа Хамас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Рајна падна на рекордно ниско ниво, Романија минираше карпа на Дунав заради подобар проток

Реката Рајна падна на рекордно ниско ниво на неколку локации во Германија и Холандија, додека долгите топлотни бранови продолжуваат низ Европа.

Рајна падна на рекордно ниско ниво, Романија минираше карпа на Дунав заради подобар проток

Нивоата измерени во Келн во западна Германија и во Лобит, каде што Рајна преминува од Германија во Холандија, се најниски откако се водат евиденции. Минатата недела, водостојот на Дунав падна на најниско ниво во последните 30 години во неколку земји, вклучувајќи ги Србија и Романија, оставајќи ја единствената нуклеарна централа во унгарија на работ на затворање. Сушата на Дунав, исто така, предизвикува сериозни прекини во снабдувањето со електрична енергија во Србија и Романија. Со контролирана експлозија на голема карпа на брегот на Дунав, Романија се обиде да го зголеми протокот на вода до нуклеарната централа чернавода.

Тагови: Дунав Рајна

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Ова е последна шанса иранскиот режим да потпише добар документ

Ова е последна шанса за иранскиот режим да потпише добар документ, изјави американскиот претседател Доналд Трамп, алудирајќи на потенцијален договор меѓу Иран и САД.

Трамп: Ова е последна шанса иранскиот режим да потпише добар документ

За време на обраќањето пред новинарите во Белата куќа, синоќа, Трамп рече дека преговорите „се во тек“ и дека тие „се движат брзо, на еден или друг начин“. Трамп потенцираше дека САД, се подготвени да го нападнат Иран „посилно од кој било воен напад од Втората светска војна“, пред синоќа да и нареди на војската да прекине со нападите. Трамп, исто така, изјави дека Иран нема да наплаќа патарини во Ормуската теснина.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски и Клековски ја отруја и болницата во Гостивар

Кризата со водата во Гостивар премина во здравствена катастрофа.

СДСМ: Мицкоски и Клековски ја отруја и болницата во Гостивар

Пациентите од Гостивар се пренесуваат во Тетово за операции и породување.

Стерилизаторите не работат поради загадената вода.

Операции, ортопедија, гинекологија, урологија - сѐ е блокирано.

Здравјето и животите на граѓаните се директно загрозени.

Мицкоски и Клековски сѐ уште одбиваат да ја кажат вистина.

Нема официјален документ со кој се потврдува дека водата е чиста - затоа што никој не сака да потпише и да преземе кривична одговорност.

Водата беше прогласена за „технички исправна“ само затоа што Мицкоски тоа го рече.

Сакаше да изгледа како спасител.

Резултатот: граѓаните се капеа и ги миеја садовите со вода во која има опасна бактерија.

Три цистерни вода за град од 50.000 жители.

Тоа е сѐ што понудија.

Сега ја отруја и болницата.

Го загрозија целото население.

Одговорноста е јасна: Христијан Мицкоски и министерот Клековски.

Обвинителството мора веднаш да реагира.

Ова повеќе не е само неспособност.

Ова е загрозување на здравјето и животите на илјадници граѓани.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер