Свет

Израел тврди дека е елиминиран шефот на иранската служба за безбедност, Лариџани

Шефот на иранската служба за безбедност и со децении еден од највлијателните луѓе во Иран, Али Лариџани е ликвидиран во воздушен напад, тврди Израел додека Иран ниту ја потврдува, ниту отрфла веста.

Ако се потврди, тоа ќе биде највисоко рангиран убиен ирански функционер, по ајатолахот Хамнеи, иако првично иранските медиуми експресно се обидоа да демантираат, објавувајќи наводна порака со него ракопис на социјалните мрежи. Министерот за одбрана рече дека во нападот е убиен и водачот на паравоените сили Басиџ, Реза Солејмани, близок до иранската револуционерна гарда.

-Израелските безбедносни сили продолжуваат да го ловат раководството на режимот на терор и репресија во Иран и да ја сечат главата на октоподот и да не му дозволуваат да расте. , изјави Израел Кац, министер за одбрана на Израел.

Израел го продолжува бомбардирањето врз Иран и јужен Либан, а Техеран возврати со ракети врз неколку соседни земји. Втор пат мета беше американската амбасада во Багдад, во најинтензивен бран на дронски и ракетни напади досега.

-Порака до претседателот на САД: Исходот од војната не може да се одреди со твитови, туку на теренот. Тоа е местото каде што вие и вашите сили не се осмелувате да одите. Подобро е оваа војна да се нарече „Епски страв“ наместо „Епски бес“. , изјави Ебрахим Золфагари, Портпарол на Иранската револуционерна гарда.

Продолжува и битката за Ормускиот теснец, кој и натаму е блокиран. Трамп вели дека е изневерен од сојузниците, откако остана осамен по апелите да издејствува да се вклучат со бродови во обезбедувањето на клучниот канал. Брисел му порачува дека тоа не е војна на Европа.

-Трошиме трилиони и трилиони долари за НАТО за да ги браниме другите земји, и секогаш велев, ако некогаш дојде време да нè бранат, тие нема да бидат таму.Можеме ли да ја завршиме оваа војна оваа недела? –Да, секако. Ќе ја завршиме ли? Не мислам така, но ќе биде наскоро. Нема да биде долго. , изјави Доналд Трамп, претседател на САД.

-Не бевме консултирани за целите на оваа војна, каде оди? Не е јасно. Чувството е дека ова не е војна на Европа. Ако САД, кои исто така се членки на НАТО, не ги ставаат своите бродови за да ги држат навигациските рути отворени, тогаш прашањето за нашите земји – членки е исто. , изјави Каја Калас, шефица на европската дипломатија.

Обединетите Нации денеска соопштија дека отвориле истрага за нападот врз иранското женскоучилиште во градот Минаб, кога на првиот ден од американско- израелската офанзива загинаа 170 деца, откако објектот го погодиле две ракети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Битола денес беше град на трчањето

Над 1.500 тркачи од 18 земји денес беа дел од 8-мото издание на ТРЧАЈ БЕ 2026, спортска манифестација која од година во година расте и ја зацврстува позицијата на Битола како значајна дестинација за спортски туризам во регионот.

Свежото утро создаде одлични услови за трчање, а годинешното издание донесе и исклучителни спортски резултати. На битолската патека беа постигнати најбрзите времиња досега и соборени рекордите на ТРЧАЈ БЕ. Низ улиците на Битола денес трчаа натпреварувачи од различни земји, бодрени од бројна публика, волонтери и сите оние кои беа дел од организацијата и реализацијата на трката.

ТРЧАЈ БЕ е спортски настан, но и приказна за Битола како отворен и активен град кој преку спортот привлекува гости, создава дополнителна вредност за локалната економија и се промовира надвор од границите на државата.

Општина Битола упатува честитки до организаторите на ТРЧАЈ БЕ, до сите институции, партнери, волонтери и служби вклучени во реализацијата, како и до граѓаните кои со својата поддршка придонесоа за атмосферата долж патеката.

Посебни честитки до победниците и до сите над 1.500 учесници кои денес ја истрчаа Битола.

Уште едно успешно издание на ТРЧАЈ БЕ, уште еден голем спортски ден за Битола.

Општина Битола

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена локална облачност. Ќе дува слаб до умерен ветер од северен правец.

Минималната температура ќе биде во интервал од 7 до 16, а максималната ќе достигне од 23 до 30 степени.

Во Скопје, претежно сончево. Ќе дува слаб до умерен ветер од северен правец. Минималната температура ќе се спушти до 11, а максималната ќе достигне до 28 степени.

До крајот на новата работна седмица ќе се задржи посвежо и претежно сончево време со мала до умерена облачност во текот на денот. Во вторник наместа во северните делови ќе има услови за повремен дожд. До среда ќе дува слаб до умерен ветер од северозападен правец, а потоа ветерот ќе го смени правецот во југоисточен.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожарот на Брач сè уште активен: Евакуирани речиси 700 луѓе

Пожарот е сè уште активен на хрватскиот остров Брач, две лица се повредени, а речиси 700 луѓе се евакуирани, додека населбата Милна е спасена од пожарот, изјави денес началникот на противпожарната служба Славко Туцаковиќ.

Тој рече дека постара жена, која паднала од чамец за време на евакуација и речиси се удавила, е во критична состојба, додека другото повредено лице е млад човек кој вдишал чад.

Туцаковиќ истакна дека ситуацијата на местото на пожарот на Брач утрово била помирна, иако сè уште дува ветер, по тешката ноќ во која пожарникарите ги бранеле куќите од пожарот, и дека, и покрај нивните напори, неколку згради биле оштетени, објави Индекс.

Milna. Bračani dragi, držite se! pic.twitter.com/UCbF18cH9f
— JurMag (@jur_magud) September 12, 2026

Туцаковиќ рече дека четворица канадери учествуваат во гаснењето на пожарот од воздух.

Хрватската противпожарна служба претходно објави дека пожарот се приближил до Милна поради ветер и дека сите расположиви противпожарни сили се ангажирани во гаснењето на пожарот и спречувањето на ширењето на пожарот кон самото населено место. Ветерот влијаел врз ширењето на пожарот кон јужната страна на Брач на тешко пристапен терен покриен со густа вегетација, се вели во соопштението.

Тагови: пожар Брач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.