Живот

Израел и политиката: Зошто се одржуваат најголемите масовни протести во историјата на земјата

Стотици илјадници Израелци излегоа на улиците низ земјата изминатиов викенд, во она што беше опишано како најголемите протести во историјата на Израел.

Би-би-си - Лондон

Стотици илјадници Израелци излегоа на улиците низ земјата изминатиов викенд, во она што беше опишано како најголемите протести во историјата на Израел.

Протестите беа организирани поради плановите на израелската влада да ги ограничи овластувањата на Врховниот суд, за кои критичарите велат дека ја поткопуваат независноста на судството и ја загрозуваат демократијата.

Бранејќи ги плановите на владата, премиерот Бенјамин Нетанјаху рече дека реформите ќе ја вратат рамнотежата меѓу гранките на власта.

Прашањето предизвика длабоки поделби во израелското општество и, како што го опиша лидерот на опозицијата Јаир Лапид, ова е „најголемата криза“ со која се соочува Израел од своето основање.

Организаторите во саботата рекоа дека до 500.000 демонстранти излегле на улиците на градовите низ земјата, во она што дневниот весник Хаарец ги опиша како „најголемите протести во историјата на земјата“.

Само во Тел Авив, наводно околу 200.000 луѓе протестирале во саботата, а во северниот град Хаифа, наводно, имало 50.000 демонстранти.

„Камен-темелник“

Како што објаснува Јоланда Кнел, дописничка на Би-Би-Си од Ерусалим, „промените во правосудниот систем се камен-темелник на политиката на новата израелска националистичко-верска коалиција предводена од Нетанјаху“, која беше формирана во декември.

„Целта на реформите е да и се овозможи на владата да има пресудно влијание врз изборот на судии и да ја ограничи способноста на Врховниот суд да пресудува против извршната власт или да поништува закони“, додава таа.

Според предлозите, политичарите ќе имаат доминантна улога во изборот на судии и ќе му овозможат на парламентот - Кнесетот - да ги поништи одлуките на Врховниот суд со просто мнозинство и целосно да отстрани некои закони од судска ревизија.

Критичарите велат дека ова го загрозува политичкиот систем на контрола и рамнотежа, бидејќи Израел нема устав, туку само Парламент контролиран од владејачката коалиција.

Во центарот на оваа борба е Бенјамин Нетанјаху, кој доминираше во израелската политика во последните две децении.

И покрај тоа што му се судеше по обвиненијата за мито, измама и корупција, што тој ги негира, беше реизбран за премиер во ноември 2022 година по 18 месеци во опозиција.

Ова е негов шести мандат како премиер и сега има мнозинство во Кнесетот (парламентот) на чело на коалициската влада на екстремно десничарски и верски партии.

Откако владата ги претстави плановите за реформи во судството во јануари, десетици илјади луѓе учествуваа во неделните масовни демонстрации против новиот закон, за кој моментално се расправа во Кнесетот.

Анкетите покажуваат дека планот на владата е непопуларен и дека повеќето Израелци се за компромис.

Претседателот на државата Исак Херцог, кој главно има протоколарна улога, се залага за дијалог меѓу власта и опозицијата, предупредувајќи дека земјата е на работ на „уставен и социјален колапс“.

Некои од странските сојузници на Израел, исто така, изразија загриженост поради планираните реформи.

„Забавете малку, можеби сè уште ќе ги соберете луѓето, обидете се да изградите консензус“, рече американскиот амбасадор во Израел Том Нидс на почетокот на март.

Израелската влада, која ги нарече демонстрантите анархисти, е цврсто против протестите, тврдејќи дека тие се поттикнати од политички противници.

Длабоки поделби

Прашањето предизвикува длабоки поделби во израелското општество, па дури и резервистите, столбот на израелската армија, се заканија дека ќе ја одбијат воената служба во знак на протест.

Минатата недела, десетици резервни борбени пилоти во елитната ескадрила на израелските воздухопловни сили рекоа дека нема да се јават на обука, потег без преседан во земјата.

Подоцна, тие малку го променија ставот и се согласија да разговараат со нивните команданти.

„Тоа е сосема невообичаено“, изјави еден резервен офицер за Би-Би-Си. „Ние се стремиме да останеме непристрасни за овие прашања, но ова не е обична политичка дискусија. Тоа е драматична промена. Загрижени сме дека клучните принципи на нашата демократија ќе бидат целосно уништени“.

Вработените во ИТ секторот, адвокатите и банкарите, исто така, изразија загриженост поради потенцијалното влијание на реформите.

Нетанјаху очекува нацрт-законите да бидат усвоени пред крајот на тековната седница на Кнесетот на 4 април.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Цеца за фотките во бикини

Балканската музичка ѕвезда Светлана Цеца Ражнатовиќ ретко споделува провокативни фотографии, но секое нејзино појавување во бикини предизвикува вистински бум во јавноста.

Пејачката откри зошто одлучила да објави фотографија во бикини и како успева да ја одржи својата беспрекорна линија без строги диети. Иако публиката не е често навикната на разголени фотографии, Цеца предизвикува вистинска помпа на социјалните мрежи кога ќе одлучи да го покаже своето витко тело.

Секојпат кога позира на плажа, нејзиното издание предизвикува лавина реакции и воодушевување кај следбениците.

Зборувајќи за фотографите од Кипар кои своевремено предизвика вистински бум на интернет, пејачката ги објасни причините поради кои ја објавила: „Ретко објавувам попровокативни фотографии – не затоа што се срамам од своето тело, туку едноставно зависи од моментот и од тоа што сакам или не сакам во одреден момент. Искрено, најмногу се чувствувам опуштено кога сум закопчана до грло, што е сосема природно. Се трудам, без разлика што носам или што фотографирам, тоа да биде соодветно, бидејќи границата е многу тенка. А и што друго би можеле да фотографирате на море, освен во бикини?“, изјави мегапопуларната Цеца.

Цеца Ражнатовиќ изгледа подобро од кога било, а неодамна откри како ја довела својата линија до совршенство. Пејачката успеа да ослабе дури 8,5 килограми за само еден месец, без строги диети, гладување и опасни препарати.

Наместо опасни „кратенки“, Цеца се одлучи за режим што потсетува на автофагија.

Тагови: Цеца Ражнатовиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Сабаленка ужива во танга

Сабаленка позира во танга, објавата од плажа собра над 300.000 лајкови.

Белоруската тенисерка Арина Сабаленка е на заслужен одмор по исцрпувачката сезона.

По исцрпувачката натпреварувачка година, втората тенисерка во светот, Арина Сабаленка, одлучи да направи пауза од турнирите и да замине на одмор, од каде што редовно ги известува своите фанови.

Нејзината најнова објава од плажа, на која носи танга, предизвика огромна реакција на социјалните мрежи, собирајќи над 300.000 допаѓања во рекордно време.

Во описот на фотографијата, белоруската тенисерка накратко наведе дека слободното време го поминува комбинирајќи релаксација на сонце со повремени тренинзи.

Кон крајот на сезоната, таа ја загуби водечката позиција на ВТА-листата, која ја презеде Елена Рибакина.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Супер дерби на „Алијана арената “во Минхен – Борусија му „украде“ бод на Баерн

Фудбалерите на Баерн и Борусија Дортмунд во германското супер дерби одиграа без победник 2:2 , во рамките на 8. коло од Бундеслигата. Милионерите од Дортмунд успеаја да надоместат негатива во самиот финиш.

Се чинеше дека Баварците ќе го задржат водството, но Фабио Силва го замолкна Минхен во 89-тата минута и му донесе голем бод на Дортмунд.

Првото полувреме го одбележа поништен гол на Џоб Белингем, како и неколку добри шанси на двете страни. Во 34-тата минута, Дортмунд ја затресе мрежата преку англискиот играч за врска, но голот беше поништен по прегледување на снимката (ВАР) поради офсајд.

Четири минути подоцна, Баерн ја казни пропуштената шанса на ривалот, откако Конрад Лајмер најдобро реагираше на одбиената топка и им донесе водство на домаќините.

Дортмунд потоа успеа да возврати. Во 60-тата минута, Карни Чуквуемека ја испрати топката во шеснаесетникот, а Серу Гираси го совлада голманот со прецизен удар во долниот лев агол и го израмни резултатот.

Шест минути подоцна, Баерн повторно поведе. Хари Кејн ја упати топката со глава пред голот, а Дајо Упамекано се најде на вистинското место и погоди за 2:1. Претходно, Англичанецот имаше можност да постигне гол од пенал, но во 56-тата минута ја погоди пречката.

Кејн повторно беше блиску до погодок во 75-тата минута, но неговиот удар заврши во стативата. Кога се чинеше дека Баерн сепак ќе го задржи водството, на сцена стапи Фабио Силва.

Во 89-тата минута, Португалецот ја искористи топката што стигна до него во шеснаесетникот и со прецизен удар во долниот лев агол ги постави конечните 2:2. Баерн имаше уште една голема шанса во судиското надополнување, но ударот на Ленарт Карл заврши во пречката. Така, Дортмунд успеа да избегне пораз во Минхен, додека домаќинот може да жали за пропуштените шанси и испуштеното водство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.