Претседателката Гордана Сиљановска-Давкова го врачи признанието, кое во соработка со Македонија 2025, се доделува на истакнати личности од дијаспората за нивниот придонес во економскиот развој, здравството, социјалната сфера, образованието, науката, културата и во други области.

Оценувајќи ја работата на Македонија 2025 како обединувачка, плодна, успешна и корисна, таа информираше за процесот на формирање Совет за дијаспора како институционален облик на соработка и постојана комуникација со дијаспората, којашто ќе овозможи нејзина интеграција во македонските работи.

За исклучителна научна работа признание доби д-р Светлана Мојсов, светски позната професорка на Универзитетот Рокфелер во Њујорк, која остави длабок и траен белег врз модерната медицина.

Признание за извонредната поддршка и медицинска помош доби Хуманитарното здружение „ЛецКер а.с,б.л.“ (LetzCare a.s.b.l) од Луксембург, а наградата ја прими неговиот претседател Сафет Алили.

За претседателката хуманоста и солидарноста се вградени во нашиот код и крунисани со животната приказна и дело на Мајка Тереза. „Очекува“, рече таа, „ова признание да инспирира и многу други нашинци на правење хумани дела, особено важни за најранливите сограѓани“.

Сиљановска-Давкова истакна дека давањето признание на личности и организации од дијаспората е етички и морален чин на вреднување на добрите дела и докажување на нераскинливото заедништво со нив.

На средбата со Бордот на директори, по успешните, но и емотивни приказни на врвни бизнисмени и истакнати претставници на дијаспората се потенцираше важноста на негувањето и пренесувањето на чувството на припадност од генерација на генерација, како неопходно во зачувувањето на националниот идентитет.

Таа истакна дека со „Македонија 2025“ споделуваме иста визија: да станеме компетитивен регионален економски играч, да имаме енергетска сигурност, да бидеме држава со успешен образовен и научен систем, поврзан со вештачката интелигенција и дигитализацијата, да градиме еколошка и правна држава, со силно граѓанско општество и демократска јавност.

Укажувајќи на светскиот и европскиот амбиент на неизвесност од секаков тип, од мировен до еколошки, таа ја нагласи потребата од соработка, единство и зацврстување на односите со дијаспората во сите сфери, интегрирајќи ја во македонското општество.

Во продолжение интегрален текст од обраќањето на претседателката Гордана Сиљановска-Давкова:

Почитувани членови на „Македонија 2025“,

Почитувани припадници на македонската дијаспора,

Почитувани гости,

Дами и господа,

Оваа церемонија е во пресрет на почетокот на традиционалниот самит „Македонија 2025“ на којшто ќе дебатираат премиерот, министри, еминентни бизнисмени, експерти, претставници на државни органи и на институциите, членови на академската заедница, со цел да споделат знаења, видувања, искуства и вештини, како и да промовираат идеи и визии.

А, визијата на „Македонија 2025“ е и наша визија: да бидеме компетитивен регионален економски играч со просперитетна економија, што се развива во амбиент на енергетска сигурност, да бидеме држава со добар образовен и научен систем, поврзан со вештачката интелигенција и дигитализацијата, да бидеме еколошка држава, правна држава, потпрена како што јас понекогаш потсетувам, на Веберовиот модел на стручна и компетентна државна и јавна администрација, со почитувана епистемолошка заедница којашто, за жал, денеска заминува надвор, да имаме развиено граѓанско општество и демократска јавност.

Зачекоривме во 2025 и оваа година е вистинскиот момент за евалуација на резултатите и на дострелите на „Македонија 2025“, во предвечерието на Сизифовската работа којашто нè очекува во остварувањето на Реформската агенда и Планот за раст.

Во светски и европски амбиент на неизвесност од секаков тип, од мировна до еколошка, логичен императив е да си го обединиме сиот социјален капитал, да избегнуваме меѓусебни конфликти, да стимулираме соработка и единство, да ги зацврстиме односите со дијаспората во сите области, да ја интегрираме во македонското општество и во неговото ткиво во областите во коишто е најнеопходна, најстручна, но и најзаинтересирана.

За реформи е потребен домашен политички договор, но и договор со ЕУ и со нашите стратешки партнери, како и со дијаспората заради нејзината докажана креативност и капацитет во острата конкуренција во меѓународниот економски поредок, но и во културниот натпревар на државите, нациите и на поединците.

Се разбира, наша најголема национална обврска е да си го чуваме, браниме и негуваме националниот идентитет и неговиот интегритет и дигнитет. Да не се откажуваме од етичките вредности и принципи, да ги почитуваме, ако сакаме да се повикуваме на нив, кога другите ги кршат кон нас. Да не го забораваме општото добро – res publica и да не го жртвуваме за личните и за колективните интереси.

Верувам дека признанието оди во вистински раце, кај заслужни добитници кои персонифицираат врвно, меѓународно валоризирано знаење и успех, но и посветеност, хуманост, солидарност и патриотизам.

Драги пријатели,

Сакам да испратиме јасна порака дека давањето признание е чин на признавање дека ги чувствуваме и ги препознаваме лауреатите како наши, ги цениме и вреднуваме нивните дела, остварувања и успеси и кога не се постојано до нас, зашто секогаш се со нас, каде и да се.

Ние сме во нераскинлива врска со нашата дијаспора, од која генерација и да е: прва, втора, трета, следната.

Како мала држава, со повеќе луѓе надвор, одошто дома, енергетски зависна и економски упатена кон регионалниот, европскиот и светскиот пазар, имаме насушна потреба од динамични и блиски врски со нашинците во странство. Веќе реков, без разлика за која генерација станува збор, врските мора да се негуваат, да се шират и да се продлабочуваат. На генерациите родени и школувани далеку од земјата на нивните предци, не е доволно да им се доближи татковината како историја, како мит или како легенда, туку како вистинска, жива, реална приказна со светла и сигурна иднина. Се разбира, не треба да западнеме во илузионизам и да забораваме дека нашинците имаат две татковини, ниту да негуваме стереотипи: позитивни или негативни.

Реалноста покажува дека заемната соработка дава плодови тогаш кога придобивки од неа имаат сите инволвирани и засегнати страни и субјекти.

На крајот, би сакала да ви предочам дека Кабинетот е во процес на формирање Совет за дијаспора како институционален облик на соработка со неа, како мост и канал за постојана комуникација со дијаспората. Јас, лично, но и мојот Кабинет ви стоиме на располагање за промоција, поврзување, посредување, презентирање, консултирање, информирање, поддржување, интегрирање со домашните субјекти од различен тип и во различни области.

Сакам да ја споменам нашата работа на Дигиталниот регистар на најуспешните во дијаспората, како неопходна алатка за поврзување, вмрежување и стратешко вклучување на дијаспората во развојните процеси во татковината. Со неа целиме кон мапирање на научниците и експертите, политичките и бизнис-лидерите, културните и спортските дејци како вреден потенцијал и извор на ум, знаење, вештини и искуство, неопходни за креирањето програми и политики.

Се разбира, соработката со „Македонија 2025“ ќе продолжи во започнатите проекти, како што е традиционалниот „Охрид камп за високотехнолошка извонредност“, којшто е доказ дека соработката е можна, корисна и посакувана од најраната возраст, оти младите се нашата иднина во која треба да инвестираме.

Со ум и од срце, ви благодарам за поддршката, ви честитам на признанијата од „Македонија 2025“ и ве охрабрувам за понатамошна соработка и успеси!, се наведува во соопштението.

„Нема смисла убиствата да продолжат. И ќе го чекам Путин во Турција во четврток. Лично. Се надевам дека овој пат Русите нема да бараат изговори“, напиша Зеленски, кој повторно спомена дека од денеска очекува „целосен и траен прекин на огнот“.

Украинскиот претседател го изјави ова откако американскиот претседател Доналд Трамп синоќа ѝ порача на Украина „веднаш да се согласи“ на разговорите бидејќи по нив Западот „барем ќе знае за што се залага“, иако самиот изјави дека „почнува да се сомнева“ дека е можен договор со Путин, пренесе Индекс.

Кремљ е воздржан во своите коментари

Кремљ сега коментираше за сè прилично нејасно

„Општо земено, ние сме посветени на сериозна потрага по начини за постигнување долгорочно мирно решение“, изјави портпаролот на Кремљ, Дмитриј Песков.

Засега нема потврда дека Путин ќе се појави на преговорите во четврток, но Песков потсети дека Путин „во изјавата во која ги сумираше прославите во чест на 80-годишнината од Победата и бројните средби со странски колеги, јасно и недвосмислено го искажа ставот на Москва за продолжување на директните преговори со Киев без никакви предуслови“.

„Овој пристап наиде на разбирање и поддршка од лидерите на многу земји, вклучително и партнерите во ЗНД и БРИКС“, додаде Песков.

Песков се осврнува на Трамп

Тој истакна дека американскиот претседател Доналд Трамп, исто така, го поканил Киев веднаш и без никакви услови да учествува на предложениот состанок.

Турскиот лидер Реџеп Таип Ердоган, исто така, ја потврди својата подготвеност да стори сè за да организира преговори во телефонски разговор со Путин, додаде Песков.

За време на концертот во Лос Анџелес, пред илјадници обожаватели и познати гости, неочекуван гаф со робот накратко го засени шоуто. Наместо гламурозен момент каде што робот ѝ сипува пијалок во чашата, технологијата откажа - и тоа пред сите.

Направи мала грешка

Концертот трае речиси три часа и вклучува дури 36 песни, со интересни сценски ефекти – Бијонсе јава механички бикови, пее на летачки автомобил за време на песната „16 кочии“, а ѝ се придружуваат и нејзините ќерки Блу Ајви и Руми.

Но, додека нејзините ќерки ја збогатија изведбата, друг „сценски партнер“ не стана познат. За време на последната вечер од серијата од пет концерти во Лос Анџелес, Бијонсе, облечена во бел вестерн костум со светки и реси, седна на голем златен трон за да одглуми момент на опуштеност. Планот беше роботска рака да ѝ сипе пијалок во нејзината чаша.

@beyonceaccess ROBOT IS GETTING FIRED! 🤖 Alguém vai perder o emprego kkkk #beyonce #cowboycarter #beyhive #cowboycartertour ♬ som original - Beyoncé Access 🇧🇷

Видеото стана вирално

Сепак, роботот го навали шишето прерано, а пијалокот се истурил врз златниот престол наместо во чашата. Бијонсе, не знаејќи што се случило, ја крена чашата, но брзо ја спушти сфаќајќи дека е празна. За момент, на лицето ѝ се појави насмевка, но брзо се собра и продолжи со своите планирани движења.

Видеото од несреќата брзо стана вирално на социјалните мрежи. „Роботот ја промаши чашата?!! Тој уред беше веднаш активиран, нејзиното лице е сè“, „Бијонсе сакаше толку многу да се распука од смеа, го гледаше роботот како да не е робот“, се само дел од коментарите.