Бекот на Универзитетот во Тенеси, Кион Џонсон, забележал скок од неверојатни 48 инчи, или 122 сантиметри, со што го собори 20-годишниот рекорд на овој настан и го изедначи неофицијалниот светски рекорд на Мајкл Џордан.
Џонсон е висок 195 см, што значи дека во моментот на одраз, врвот на главата му е 12 сантиметри над обрачот.
Претходниот рекорд на Draft Combine го држел Кени Грегори од Универзитетот во Канзас во 2001 година со 45,5 инчи, што значи дека Џонсон го надминал за повеќе од шест инчи (1 инч = 2,54 сантиметри).
Податоците од Draft Combine не биле достапни пред 2000 година, вклучувајќи го и Мајкл Џордан, но во 1984 година, исто така во годината на неговиот драфт, тој се одразил 48 инчи на тестовите за олимпискиот тим на САД на Игрите во Лос Анџелес, што се смета највисоко во историјата, а 19-годишниот Џонсон синоќа се изедначи со него.
Според прогнозите на американските аналитичари, Џонсон треба да биде избран меѓу првите десет во драфтот.
Ноќта од вторник кон средата се одржа лотарија, со што се утврдил редоследот на избор во драфтот, што ќе се одржи на 29 јули во Њујорк. Најпрво ќе избираат Детроит Пистонс, а потоа следуваат Хјустон Рокетс, Кливленд Кавалирс и Торонто Репторс.
Првиот избор на драфтовите се очекува да биде Кејд Канингам, 19-годишен плејмејкер од Државниот универзитет во Оклахома.