Клубот од „Сан Сиро“ се прости од човекот кој беше срцето и душата на „росонерите“ и кој целата своја професионална кариера ѝ ја посвети на црвено-црниот дрес.

Како долгогодишен капитен, Барези стана симбол на Милан и предводник на еден од најдоминантните тимови во историјата на фудбалот. Со клубот и со италијанската репрезентација, тој го одбележа златното доба на италијанскиот фудбал и остана пример за генерации одбранбени играчи ширум светот.

Познатиот капитен на Милан беше подложен на операција во август 2025 година, откако при рутински преглед му бил откриен јазол на белите дробови, кој бил отстранет со минимално инвазивна метода. Операцијата била успешна, по што му била препорачана имунотерапија.

Во декември истата година, Барези се појави на стадионот „Сан Сиро“ за да го следи натпреварот на Милан, каде што публиката го поздрави со силни овации.

Неговото последно јавно појавување беше на церемонијата на отворањето на Зимските олимписки игри „Милано-Кортина“, кога го носеше олимпискиот факел заедно со својот пријател Џузепе Бергоми.

Во својата проштална порака, Милан наведе дека тоа се случило само неколку месеци пред неговата смрт. Инаку, Франко Барези е роден на 8 мај 1960 година во Траваљјато, во провинцијата Бреша, а целата своја професионална кариера ја помина во Милан. Тој настапуваше за младинските категории на клубот од 1974 до 1978 година, додека член на првиот тим беше од 1978 до 1997 година.

Во црвено-црниот дрес одигра 717 официјални натпревари и се наоѓа на второто место на вечната листа на клубот, зад Паоло Малдини.

Тој беше дел од тимот што го освои Светското првенство во Шпанија во 1982 година, иако не настапи за време на турнирот.

Учествуваше на светските првенства во 1990 и 1994 година, како и на европските првенства во 1988 и 1992 година.

Еден од најнезаборавните моменти во неговата репрезентативна кариера се случи на Светското првенство во САД во 1994 година.

Барези го повреди менискусот за време на групната фаза, беше подложен на операција, а потоа во рекордно време се врати на теренот за финалето против Бразил.

Иако не беше целосно подготвен, одигра маестрален натпревар во одбраната, но сепак беше еден од италијанските фудбалери кои не реализираа пенал во одлучувачката серија, по што Бразил стана светски шампион.

Франко Барези остана запаметен како еден од најголемите одбранбени играчи во историјата, симбол на лојалност кон еден клуб и вечен капитен на Милан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Голем шумски пожар во близина на „Областа 51“ (Area 51) – таен објект на Военото воздухопловство на САД во Невада – брзо се шири, а засега е ставен под контрола само седум отсто од пожарот, соопшти американското Биро за управување со земјиштето (BLM).

Пожарот, наречен „Квејл Спрингс“ (Quail Springs), настанал од удар на гром и гори веќе речиси една недела. Досега се зафатени повеќе од 54,6 квадратни километри. Неговото ширење е поттикнато од непристапниот терен, високите температури и сувите ветрови. За ова подрачје сè уште е на сила предупредување за екстремни горештини, кое ќе важи најмалку до недела, а во блиска иднина не се очекуваат врнежи.

Од BLM соопштија дека пожарот во моментов не претставува закана за домовите или јавните површини, иако жителите на малото место Рејчел се предупредени за чадот.

Пожарот се шири низ Полигонот за тестирање и обука во Невада (NTTR) – воена зона затворена за јавноста, пренесува Би-би-си.

Овој воен комплекс се наоѓа во близина на „Областа 51“ (Area 51), која била формирана за време на Студената војна меѓу САД и Советскиот Сојуз како објект за тестирање и развој на воздухоплови. Она што се случува внатре во „Областа 51“ и денес останува строго чувана тајна.

Пристапот за јавноста е забранет, а забраната се спроведува преку предупредувачки знаци, електронски надзор и вооружени чувари. Токму таа таинственост со децении поттикнува бројни теории на заговор – од кои најпозната е тврдењето дека во базата се чуваат вонземјани чии вселенски летала наводно се урнале на Земјата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Нивниот концерт се одржа во рамки на традиционалната Француска вечер на „Охридско лето“, поддржана од Амбасадата на Франција во РС Македонија и Францускиот Институт во Скопје.

Младите но зрели во својата интерпретација уметници Омер Буше, Елисе Лиу, Лоу Јунг Хсин Чанг и Јан Левиноа донесоа исклучително деликатна и сложена програма за изведување, која иако таква, наиде на големо воодушевување и прием кај публиката која уживаше во секој отсвирен тон од страна на француските музичари.

-Ова е првпат да дојдеме овде и навистина беше задоволство да ја откриеме оваа прекрасна црква и нејзината извонредна акустика, изведувајќи програма која е многу деликатна и сложена, како за нас, така и за публиката. Беше вистинско задоволство што можевме да придонесеме луѓето да го откријат Квартетот на Форе – француско дело што со задоволство го изведовме годинава. А тука беше и Гудачкиот квартет бр.14 од Бетовен, чие дело за нас претставува апсолутно ремек-дело, изјавија членовите на „Хермес“ кои веднаш по завршувањето на концертот заминаа во Франција зашто како што најавија, летово им претстојат многу концерти.

Квартетот „Хермес“, именуван според познатиот гласник од грчката митологија, својата музичка уникатност ја градат преку тоа што се обидуваат да бидат „проводници“ на музичките идеи на композиторите и нив да ги спојат со сензибилитетот на публиката. Нивниот идентитет го градат преку бројните патувања и настапи насекаде низ светот. „Карнеги хол“ во Њујорк, Забранетиот град во Пекинг, „Вигмор хол“ во Лондон се само некои од местата во кои настапиле и кои суштински влијаеле врз нивниот развој како ансамбл.Виолончелистот Јан Левионоа свири на инструмент изработен од Давид Течлер во 1703 година кој му е даден на користење од страна на приватни донатори.

Вчерашниот концерт на квартетот „Хермес“ го проследија претседателката на РС Македонија, Гордана Сиљановска-Давкова која е покровител на фестивалот и заменик-амбасадорот на Франција во земјава, Филип Маршето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.