Изложба на портрети на американски претседатели во Куманово - Канал 5

Изложба на портрети на американски претседатели во Куманово

Кумановци вчера во Занаетчискиот дом имаа можност да ја разгледаат изложбата „Портрети на американски претседатели" од самостојниот уметник Борче Тодоровски.

Изложба на портрети на американски претседатели во Куманово

Изложбата се реализира по повод 500 години постоење на Куманово, а во чест на успешната соработка на градот со владините и невладините организации од САД во државата.

Портретите на 45-те американски претседатели, од Џорџ Вашингтон до Доналд Трамп, уметникот ги работел последниве две години.

-Ова е прва изложба на американските претседатели пред јавноста. Се инспирирав од нивната демократија, ја проучував нивната историја, животите, борбите за демократија на овие врвни светски претседатели, изјави уметникот Тодоровски.

Градоначалникот на Куманово, Максим Димитриевски на отворањето на изложбата рече дека портретите ги прикажуваат личностите битни за светската историја. Тој во предвечерието на 4-ти јули им го честиташе Денот на независноста на американскиот народ, за кого рече дека е голем пријател на македонскиот народ.

-Голема е чест да се биде домаќин на ваква изложба и се надевам дека ќе ги поттикне младите луѓе да создаваат и творат во стилот на Тодоровски, рече кумановскиот градоначалник.

Тодоровски завршил применета уметност – отсек графика и долги години работел на изработка на дизајни за потребите на прилепската печатница, меѓу нив и на првите македонски банкноти при осамостојувањето на државата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Утре променливо облачно и врнежливо време

Времето утре ќе биде променливо облачно наместа со повремени врнежи од дожд, информира УХМР. 

Утре променливо облачно и врнежливо време

МАКСИМАЛНА ТЕМПЕРАТУРА

10 Лазарополе, 11 Маврови Анови, 12 Попова Шапка, Крушево, 14 Претор, Охрид, 17 Прилеп, 18 Крива Паланка, Берово, Струмица, Пожаране, Ѓуриште, Гевгелија, 20 Битола, Зајчев Рид, Виница, 21 Тетово, Скопје Петровец, 22 Демир Капија, Штип, 23 Кавадарци, 24 Велес.

КОЛИЧИНА НА ВРНЕЖИ за изминатите 9 часа во (l/m2)

2 Лазарополе, Крива Паланка, 1 Маврови Анови.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше променливо облачно со сончеви периоди. Наместа имаше повремени локални врнежи од дожд. Дуваше умерен до засилен ветер од југозападен правец. До крајот на денот ќе има повремени локални врнежи од дожд кои во текот на ноќта ќе престанат.

ВРЕМЕТО УТРЕ

Променливо облачно наместа со повремени врнежи од дожд. Во западните делови врнежите ќе бидат пообилни (над 15 l/m2). Ќе дува умерен до засилен, а наместа во западните делови повремено силен ветер од југозападен правец (над 80 km/h). Минималната температура ќе биде во интервал од 6 до 11, а максималната ќе достигне од 18 до 22 степени.

Во Скопје, променливо облачно со повремени сончеви периоди. Кон крајот на денот ќе има услови за слаб дожд. Ќе дува слаб до умерен, а во делови од котлината повремено засилен ветер од јужен правец. Минималната температура ќе се спушти до 10, а максималната ќе достигне до 20 степени.

ВРЕМЕТО ВО НАРЕДНИТЕ ДЕНОВИ

Во следните денови ќе се задржи променливо облачно време со повремени локални врнежи од дожд со променлив интензитет. Под влијание на јужно воздушно струење до крајот на седмицата ќе биде релативно топло со температури кои ќе бидат над просекот за овој период од годината. Ќе дува умерен до засилен, а наместа во западните делови повремено силен ветер од југозападен правец (над 80 km/h).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хулио Иглесијас под истрага: Две жени тврдат дека биле жртви на сексуално злоставување

Шпанскиот пејач Хулио Иглесијас (83) повторно се најде во центарот на обвинувања за сексуално злоставување. 

Хулио Иглесијас под истрага: Две жени тврдат дека биле жртви на сексуално злоставување

Шпански суд покрена истрага откако две негови поранешни вработени поднесоа пријава, обвинувајќи го за сексуален напад. Пејачот ги негира сите обвинувања, пренесува „The Sun“.

Поранешни вработени тврдат дека биле изложени на закани и насилство

Според британскиот таблоид, две жени кои работеле на имотите на Иглесијас на Бахамите и во Доминиканската Република во 2021 година, го обвиниле пејачот за сексуално злоставување. Во својата пријава, тие опишале работна средина која – според нивните наводи – се одликувала со принуда, закани и насилство.

Тие понатаму тврдат дека однесувањето на Иглесијас создало атмосфера во која злоставувањето се третирало како нормален дел од секојдневието.

Шпанскиот суд отвори истрага врз основа на сомневања за кривични дела против сексуалната слобода.

Иглесијас ги негира обвинувањата

Пејачот негира какво било незаконско однесување. Оваа нова истрага доаѓа по отфрлањето на претходните обвинувања против него. Засега не се објавени дополнителни детали во врска со постапката, можните докази или следните чекори што ќе ги преземат правосудните органи.

Важно е да се нагласи дека станува збор за обвинувања кои моментално се предмет на истрага, а не за судска одлука за вина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Зеленски бара евакуација на повеќе цивили, предлага десет локации под окупација

Украинскиот претседател Володимир Зеленски предложи десет нови операции за хуманитарна евакуација во регионите Херсон и Запорожје.

Зеленски бара евакуација на повеќе цивили, предлага десет локации под окупација

Неодамнешното примирје, кое им овозможи на стотици цивили да го напуштат Олешки – украински град под руска окупација – ќе послужи како модел за овие операции, пренесува „Еуроњуз“.

Во вторникот, Зеленски објави дека за предлогот се разговарало на состанок посветен на исходите од неодамнешните трилатерални преговори во Абу Даби. „Украина предложи 10 дополнителни локации на привремено окупираните територии во регионите Херсон и Запорожје, каде што е потребна слична хуманитарна операција“, напиша тој на социјалните мрежи.

Тој не прецизираше за кои населени места точно станува збор. Украинската дипломатска делегација ќе разговара за овој предлог со американските посредници.

Моделот за евакуација од Олешки

Примирјето во Олешки, кое траеше од 27 октомври до 1 ноември, беше воспоставено на иницијатива на првата дама на САД, Меланија Трамп, и им овозможи на жителите да заминат преку безбеден коридор.

Меланија Трамп изјави дека вкупно биле евакуирани речиси 800 луѓе. Оние што одбрале да преминат на територијата под украинска контрола биле превезени преку Гомел, Белорусија, до регионот Чернигов. Други, наводно, избрале да бидат евакуирани во Русија. Ниту Украина, ниту Русија не објавија точни бројки за ниту една од групите. Киев подоцна тврдеше дека Русија го искористила примирјето за ротација на своите трупи на левиот брег на Днепар, во регионот Херсон.

Паралелни предлози

Комесарот за човекови права при Врховната рада, Дмитро Лубинец, изјави дека се договорил со својата руска колешка Јана Лантратова да упатат апел до првата дама на САД, со цел моделот од Олешки да се примени и во други окупирани населени места.

Рускиот претседател Владимир Путин изнесе паралелен предлог за време на средбата со Трамп и американскиот пратеник Стив Виткоф во Кремљ, на 12 ноември. Тој предложи слична операција во Константинивка, во регионот Доњецк, тврдејќи дека градот е под руска контрола. Советникот на украинскиот претседател, Дмитро Литвин, изјави дека Русија веројатно предлага примирје од истата причина како и во Олешки – за да изврши ротација на своите војници.

Спор околу статусот на Костјантинивка

Извештаи од украинската војска и анализи засновани на отворени извори укажуваат на тоа дека руските сили држат само делови од источниот и југозападниот раб на градот. Значителен дел од градот се наоѓа во зоната на конфликтот, додека остатокот е под контрола на украинските вооружени сили. Путин во повеќе наврати тврдеше дека руските сили веќе го зазеле тој град.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер