Изложба на Оливер Мусовиќ и Десислава Унгер во Австрија - Канал 5

Изложба на Оливер Мусовиќ и Десислава Унгер во Австрија

Македонскиот уметник Оливер Мусовиќ и бугарската уметница Десислава Унгер, која живее во Виена,  ќе имаат заедничка изложба насловена „По сѐ изгледа“ во  галеријата „Кунстраумаркаде“ во Модлинг, Австрија.

Изложба на Оливер Мусовиќ и Десислава Унгер во Австрија

Изложбата ќе биде отворена денеска и ќе може да се посети до 11 ноември. Куратор е Давид Комари, раководител на галеријата „Штадпарк“ во Кремс на Дунав и куратор на уметничката резиденцијална програма на Долна Австрија (AIR – ARTIST IN RESIDENCE Niederösterreich), исто така во Кремс на Дунав каде Мусовиќ престојува извесно време.

Оливер Мусовиќ на изложбата ќе претстави две нови дела - фотографски серии насловени „Обраснато“ и „Рудерален хербариум“, реализирани на престојот во Кремс на Дунав.

Кураторот Комари за изложбата вели дека претставува две уметнички позиции кои споделуваат теми за место и не-место. -Делата на Оливер Мусовиќ се втемелени во културно-антрополошки и социополитички перспективи, додека Десислава Унгер има поетско-асоцијативен и сценско-наративен пристап кон нејзините графики и цртежи... Оливер Мусовиќ ја разгледува природата суштински „од внатре кон надвор“, приближувајќи се кон местото и пејзажот од речиси ботаничка гледна точка. Фотографиите на Мусовиќ ги истражуваат местата и областите на градот каде урбаното се среќава со неконтролираното - растенија и вегетација кои латентно, но незапирливо се размножуваат и шират во урбаните простори помеѓу зградите и плоштадите, наведува кураторот Комари.

Оливер Мусовиќ (Скопје, 1971) имал самостојни изложби во земјава, како и во Швајцарија, Словенија, Србија, Австралија и Црна Гора. Учествувал на голем број групни изложби на современа уметност низ светот.

Учествувал и на резиденцијални престои во Словенија, Германија, Чешка, Швајцарија, Кореја, САД и Франција. Негови дела се застапени во повеќе јавни колекции и се објавени во повеќе публикации - прегледи на современа уметност од најзначајните светски издавачи на уметничка литература. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Украински дронови погодија голем петрохемиски комплекс во Русија

Украина извршила напад со беспилотни летала врз еден од најголемите руски петрохемиски комплекси во Нижнекамск, град во Република Татарстан, објавија украинските медиуми.

Украински дронови погодија голем петрохемиски комплекс во Русија

Во нападот биле повредени три лица, соопшти регионалното министерство за здравство. Властите не објавија детали за тоа кој индустриски објект бил погоден. Снимки од голем пожар се проширија на социјалните мрежи во Русија и Украина. Според тие извештаи, пожарот избувнал во фабриката „Нижнекам-Сне-Фтехим“, во чиј состав има и рафинерија за нафта. Поради оштетувањето на објектот што снабдува со електрична енергија и дел од железничката мрежа, железничкиот сообраќај бил привремено прекинат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Маж загина во пожар во барака во скопски Жданец

Маж загина во пожар што доцна синоќа избил во барака во скопската населба Жданец.

Маж загина во пожар во барака во скопски Жданец

Од МВР информираат дека бараката, сопственост на 56-годишен скопјанец целосно изгорела, а дека откако огнот бил изгаснат, во објектот биле пронајдено тело на починато машко лице. Од Центарот за управување со кризи информираат дека во гасење на пожарот кој избил половина час пред полноќ, интервенирале 19 пожарникари од Скопската противпожарна бригада со седум противпожарни возила. Засега не се познати причините за пожарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кедев се впиша во Гинис како највозрасен човек во светот што ги искачил сите 14 врва над 8 000 метри

Македонскиот кардиолог и планинар Сашко Кедев влегува во гинисовата книна на рекорди како највозрасен човек кој стигнал до највисоката точка на сите 14 планини во светот повисоки од 8 000 метри.

Кедев се впиша во Гинис како највозрасен човек во светот што ги искачил сите 14 врва над 8 000 метри

Кедев имал 63 години и 14 дена кога на 20 јули 2025 година се искачил на „Гашербрум 1“ во Пакистан. Со искачувањето на овој врв, висок 8 080 метри, стана и првиот Македонец што ги искачил сите 14 врва над 8 000 метри. Прв на неговата листа беше највисокиот врв на светот, Монт Еверест, на кој Кедев се искачи во мај 2009-та година.

Во јули 2022 година, во растојание од само една недела, ги искачи Ка-2 и Броуд Пик. Искачувањата на Кедев ги потврдил Еберхард Јургалски, консултант на Гинис за планинарски рекорди. Гинис му припишува на Кедев уште едно постигнување. Тој е и највозрасниот човек кој ги исполнил двата планинарски предизвика – ги искачил сите 14 врва над 8 000 метри и највисокиот врв на секој од седумте континенти. Континенталната седумка ја заокружи уште во 2011 година, со искачувањето на Пунчак Џаја во Океанија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер