КултураИзложба на обредни предмети на западноафриканските народиАвтентични предмети од дрво кои народите од Западна Африка ги користеле во различни обреди ќе бидат претставени на изложба „Духовите на Африка: ритуална западноафриканска уметност“ која утревечер од 20 часот ќе биде отворена во Музејот на Македонија.Над 70 ритуални маски, скулптури и ткаенини кои ќе бидат изложени пред македонската јавност се во сопственост на Музејот на африканската уметност од Белград, кој првпат по четири децении постоење реализира гостување во Македонија. Предметите од дрво се од средината на 20 век и се употребувале за различни ритуали - погребување, иницијации, магии за опастанок поврзани со култовите на плодноста и предците... Нив ги користеле народи во западноафриканските земји: Гана, Буркина Фасо, Нигерија, Гвинеја, Мали, Бегот на Слоновата Коска и Либерија. Скулптурите се најчесто антропоморфни и се олицетворение на предците, починати членови на заедницата, духовите на природата... - Желбата ни беше да ја приближиме скулптуралната уметност која е најкарактеристична за регионот на западна Африка. Обредните предмети на најкомплексен начин го отсликуваат културното наследство, вредностите и погледите на свет на тие заедници кои живееле во некоја традиционална животна рамка се до модернизацијата во средината на 20 век. Некаде се уште се одржуваат тие преданија но, главно, по 1960-тите, по стекнувањето независност на тие африкански земји, тоа почнува да се губи и се менува таа уметничката продукција што била врзана за традицијата, рече попладнево на прес-конференција Александра Продановиќ-Бојовиќ, кустос во Музејот на африканската уметност од Белград. Оригиналните предмети од изложбата се дел од збирката на нивниот музеј која е формирана со донацијата на колекционерите Здравко и Веда Пеќар. Тие повеќе од 20 години биле дипломати на поранешна Југославија во тој дел од Африка во 1960-тите и 1970-тите години и предметите му ги подариле на градот Белград. За легатот на Пеќар и работата на музејот, Продановиќ-Бојовиќ ќе одржи предавање задутре во 12 часот во Музеј на Македонија. Иницијативата за поставување на изложбата во Скопје е на Гоце Наумов, вработен во Музејот на Македонија, кој рече дека покрај тоа што изложбата ќе може да се посети до 17 декември, во врска со неа ќе бидат организирани и неколку предавања, проекции и работилници. Исто така, планираат наредната година да отворат изложба Африка во Македонија. Директорот на Музејот на Макдонија Гордан Николов рече дека идејата за изложбата е од пред една и пол година. Подготвен е и обемен каталог на три јазици (македонски, српски и англиски) отпечатен од Скопски џез-фестивал кој е партнер во организирањето на изложбата. Врската е и симболична зашто, како што рече Костадин Шурбановски од СЏФ, Африка е и кзворот на џезот и воопшто на музиката. На утрешното отоврање на изложбата „Духовите на Африка: ритуална западноафриканска уметност“ ќе присуствуваат и некои од музичарите-гости на Скопски џез-фестивал кој ќе почне задутревечер. Придружен настан по официјалното отоврање на изложбата ќе биде дружење со африканска музика во кафе „Менада“. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиОпштина Пехчево ја отфрли иницијативата за изградба на дата-центар15:00Продолжува судењето за пожарот во дискотеката „Пулс“ во Кочани10:41Средба на министерот Муцунски со министерот за надворешни работи на Израел, Гидеон Саар09:29Случајот„Државна Лотарија“влезе во судница: Груби и уште седуммина на обвинителна клупа15:00Во Кривичнииот суд почна судењето за поранешниот вицепремиер Артан Груби 11:16
ФудбалМурињо со критики до судиите поради Винициус: Тоа ви е како со деца (ВИДЕО)Жозе Мурињо, тренерот на Реал Мадрид, верува дека противничките играчи се однесуваат кон Винисиус Жуниор со прекумерна грубост и побара од судиите да му обезбедат подобра заштита. По неодамнешната победа против Еспањол, Мурињо го спореди третманот на бразилскиот напаѓач со малтретирање, пишува Goal.com. Критика за судењето Пред домашниот натпревар против Реал Сосиедад, тренерот на Реал Мадрид, Жозе Мурињо, јавно го критикуваше третманот на Винисиус Жуниор од страна на судиите и противничките играчи. Тој се потсети на неказнетиот прекршок врз Бразилецот на почетокот на натпреварот против Еспањол, кој Реал го доби со 2:1. Алекс Калатрава, играчот кој го прикри фаулот, постигна гол подоцна, а доби жолт картон дури по уште еден дуел со Винисиус. Мурињо директно ги обвини судиите дека не ги санкционираат сè погрубите стартови врз бразилскиот напаѓач. Споредба со малтретирање Мурињо ги спореди честите и сурови прекршоци врз Винисиус со однесувањето на децата. Тој истакна дека противниците се чувствуваат охрабрени кога судиите не санкционираат нечесна игра на почетокот од играта. „Како со децата. Малите деца одат колку што им дозволувате. Истото е и со играчите“, им рече Мурињо на новинарите. Додаде дека ВАР не реагирал правилно за време на натпреварот со Еспањол и нагласи дека заштитата на играчите од агресија е единствена одговорност на судијата на теренот. Реакции на играчите Мурињо стана за да го заштити својот играч од груби фаули, но исто така призна дека Винисиус може да го подобри своето однесување на теренот. Тој верува дека напаѓачот би можел подобро да реагира на провокациите од трибините и дека вообичаените фудбалски навреди треба да се разликуваат од расизмот. И покрај ова, тој повтори дека физичката заштита на играчите од нападите и фрустрацијата на противниците е единствена одговорност на судиите. Мурињо на шега додаде дека тој самиот, со оглед на неговиот темперамент, веројатно би бил исклучен по само неколку минути ако се третира така на теренот. Статус на тимот во преодниот период Мурињо, исто така, коментираше за состојбата на тимот на крајот од преодниот рок. Откако шест нови засилувања веќе играа на натпреварот против Еспањол, тренерот објави дека тимот е комплетиран. Тој призна дека во фудбалот секогаш има шанси за ненадејни заминувања или големи понуди од други клубови во последните денови од преодниот рок. Сепак, тој нагласи дека е целосно задоволен од постојниот состав пред првиот натпревар од сезоната на стадионот „Сантијаго Бернабеу“.Тагови: Жозе Мурињо Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ЕвропаВатикан на директни разговори со Русија по 5 години: Војната итно да завршиВисок функционер на Светата столица повика на прекин на војната во Украина по средбата во Москва со рускиот министер за надворешни работи Сергеј Лавров, во првите директни разговори меѓу Ватикан и руските претставници за пет години.„Секој ден продолжувањето на четиригодишната руско-украинска војна создава нови жртви и го отежнува идното помирување“, рече надбискупот Пол Галагер, министер за надворешни работи на Ватикан. Повици за прекин на конфликтот „Затоа е итно и неопходно да се прекине конфликтот и да се погледне подалеку од него“, рече тој, зборувајќи заедно со Лавров на заедничка прес-конференција по нивниот состанок. Галагер, исто така, рече дека тој и Лавров разговарале за начините за мир во Украина и дека двајцата претставници се согласиле да соработуваат по хуманитарни прашања, како што е грижата за децата погодени од војната. Претходни состаноци и апели на папата Лав Галагер, вториот највисок дипломатски претставник на Ватикан, последен пат ја посети Русија на разговори со Лавров во 2021 година, пред почетокот на војната. Папата Лав постојано повикува на прекин на конфликтот. Во апелот од 9 август, тој изрази жалење за „зголемениот број цивилни жртви, вклучувајќи ги и децата“. Галагер во вторник изјави дека Ватикан „ќе продолжи да обезбедува силна духовна, дипломатска и хуманитарна поддршка, придонесувајќи и нудејќи простор за дијалог“ за да се стави крај на четири и полгодишната војна.Тагови: Ватикан русија Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаЈанчев: Интервенцијата на депонијата „Мелци“ продолжува со полн интензитетИнтервенцијата на депонијата „Мелци“ продолжува со полн интензитет. Екипите ќе работат во текот на целата ноќ.Екипите ќе работат во текот на целата ноќ, сѐ додека има и најмал знак на чад, со цел целосно локализирање на пожарот и спречување на негово повторно активирање. На терен се ангажирани значителни ресурси и човечки потенцијал: • 1 хермелин • 3 БТР • 3 ПИНЦ • 3 ППВ од ТППЕ Кавадарци • 3 цистерни од ЈП „Комуналец“ • 1 ППВ од ТППЕ Неготино • 1 багер • 2 булдожери • 3 скипа • 1 скип • 4 камиони од 30 м³ за дотур на земја • 30 пожарникари • 20 работници од ЈП „Комуналец“ Сите расположливи сили се на терен и работат координирано. Приоритет е пожарот целосно да биде ставен под контрола, а теренот да биде обезбеден. Општина Кавадарци продолжува внимателно да ја следи состојбата и ќе информира за сите нови околности, објави на ФБ градоначалникот Митко Јанчев. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter