Излезни анкети на парламентарните избори во Албанија: Триумф на Еди Рама - Канал 5

Балкан

Излезни анкети на парламентарните избори во Албанија: Триумф на Еди Рама

Излезните анкети од денешните парламентарни избори во Албанија говорат за изборен триумф на актуелниот премиер и лидер на Социјалистичката партија, Еди Рама. 

Излезни анкети на парламентарните избори во Албанија: Триумф на Еди Рама

-Социјалистите освоија 51,8 проценти од гласовите на денешните парламентарни избори во земјата, покажуваат податоците од излезните анкети објавени од „Албениан пост“, објави Топ чанел.

Ова ѝ обезбедува на партијата 79 мандати во парламентот со 140 пратеници.

На второто место, според излезните анкети, е коалицијата предводена од главната опозициска партија – Демократската партија (ДП) на Албанија, на поранешниот премиер и претседател Сали Бериша – Коалицијата „Алијанса за величествена Албанија“. Се предвидува дека оваа коалиција освоила 38 проценти од гласовите, што ѝ носи 54 пратенички места.

Социјалдемократската партија (СДП) на Албанија, предводена од Том Доши, освои 2,2 проценти, што ѝ обезбедува три пратенички места.

Партијата „Можност“ на поранешниот член на ДП, Агрон Шехај, освои 3,6 проценти, но ќе има само двајца пратеници поради концентрацијата на нејзините гласови главно во Тирана и нивното расцепканост во другите региони.

Движењето „Заедно“ на Арлинд Ќори едвај го помина изборниот праг и ќе добие еден мандат, но самиот Ќори нема да влезе во парламентот.

Евроатлантската коалиција на Ендри Хаса и поранешниот лидер на ДП, Љуљзим Баша, се предвидува да освои 1,4 проценти од гласовите, при што Баша ќе стане пратеник.

Коалицијата „Иницијатива Албанија станува“ (ИАС) на Адриатик Љапај и Ендрит Шабани освои 1,8 проценти на национално ниво, но нема да има пратеници во парламентот.

Според новата изборна формула, секоја партија учествува на изборите со 186 кандидати за пратеници, поделени на затворени листи (подредени од партијата) со по 46 кандидати и отворени листи (каде се гласа со преференции) со по 140 кандидати.

Претседателот на ЦИК Илирјан Целибаши на прес конференција изјави дека Изборниот процес минал во согласност со сите регулативи.

-Денешниот изборен процес мина во согласност со сите регулативи. Регистрирани се неколку помали инциденти, за што ќе бидат преземени соодветни мерки. Граѓаните гласаа достоинствено, а партиите ги замолувам со смиреност и трпение да ги чекаат резултатите, порача Целибаши.

Тој додаде дека првичните резултатите од неколкуте општини каде имаше електронско гласање ќе бидат објавени во текот на утрешниот ден. Вкупните првични, неофицијални, резултати, додаде, ќе бидат објавени според законските одредби.

Тагови: Албанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Американска пливачка собори два светски рекорда во ист ден

Американската пливачка Кејт Даглас собори два светски рекорда во ист ден на Првенството во пливање „Пан Пацифик“ во Ирвин, Калифорнија.

Американска пливачка собори два светски рекорда во ист ден

Во финалето на трката на 50 метри слободен стил, Даглас дополнително го подобри рекордот што го постави само неколку часа претходно во квалификациите.

Во финалето, Даглас ја заврши трката за 23,19 секунди, надминувајќи го сопствениот резултат од 23,49 секунди од утринските квалификации за дури 30 стотинки.

Со тоа, таа повторно го презеде светскиот рекорд во оваа дисциплина од својата сонародничка Гречен Волш.

Волш претходниот светски рекорд од 23,55 секунди го постави на 28 јуни на митингот „Сет Коли Трофи“ во Рим, но Даглас двапати го собори светскиот рекорд во текот на истиот ден.

Американката претходно учествуваше во соборувањето на светскиот рекорд во штафетата 4x100 метри мешано на првата вечер од натпреварувањето, заедно со Гречен Волш, Ван Матијас и Вил Модглин. Даглас е освојувач на пет олимписки медали.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Поплави во Шпанија, загинаа две жени, седум региони се под предупредување.

Две постари жени загинаа, а две бебиња се повредени во поплави и одрони предизвикани од обилни врнежи во рурална област во северозападна Шпанија.

Видео: Поплави во Шпанија, загинаа две жени, седум региони се под предупредување.

Локалните власти ја потврдија информацијата.

Поради најавените невремиња и обилни врнежи, во недела е на сила жолто предупредување за временските услови во седум региони, пренесува Ројтерс.

Службите за итни интервенции во автономната заедница Кастиља и Леон соопштија дека загинатите жени имале приближно 60 и 80 години. Несреќата се случила доцна во саботата вечерта во селото Манзанедо де Валдуеза, недалеку од Понтеведра. Надлежните исто така објавија дека две доенчиња се здобиле со нагмечувања и им била укажана лекарска помош.

Шпанската агенција за цивилна заштита издаде предупредувања за невреме и обилни врнежи од дожд за недела, кои опфаќаат седум региони во централните и северните делови на земјата.

Овие поплави доаѓаат по повеќенеделен период на рекордно високи температури, за време на кој земјата беше погодена и од серија големи шумски пожари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Подигнати авиони на НАТО – добиена дозвола за напад

Романското Министерство за одбрана денеска соопшти дека рано утринава во неделата, авион на НАТО соборил беспилотно летало што нелегално навлегло во романскиот воздушен простор.

Подигнати авиони на НАТО – добиена дозвола за напад

Беспилотното летало било уништено од пилотите на авионите Ф-18 на шпанското воено воздухопловство, распоредени во Романија, пренесува порталот Digi24.ro.

„Во текот на ноќта меѓу 15 и 16 август, во 4:44 часот наутро, системите за надзор на воздушниот простор на романското Министерство за одбрана регистрираа навлегување на воздушна цел во националниот воздушен простор од правец на Република Молдавија, на околу 24 километри северно од Галац“, се наведува во соопштението на романското Министерство за одбрана.

Авион Ф-18 на шпанското воено воздухопловство, кој извршуваше борбена задача во рамките на мисијата за воздушно патролирање од воздухопловната база „Михаил Когалничану“, успешно го собори дронот, а како можна локација за падот на неговите остатоци е идентификувана ненаселена област меѓу местата Балени и Кудалби, во округот Галац. Според соопштението, воздушната тревога за округот Галац заврши во 5:20 часот наутро.

Тагови: авиони дрон НАТО Романија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер