Технологија

Изгубен е контактот со „Акацуки“- по 15 години заврши мисијата на јапонското вселенско летало

Јапонската агенција за вселенски истражувања (JAXA) го изгуби контактот со вселенското летало „Акацуки“, што на јапонски значи „Зора“, а мисијата на орбитерот е официјално прогласена за завршена.

„Акацуки“ беше лансиран од Вселенскиот центар Танегашима на 21 мај 2010 година, користејќи го лансирното возило H-IIA бр. 17.

Вселенското летало успешно влезе во орбитата на Венера во декември 2015 година, станувајќи првиот планетарен орбитер на Јапонија надвор од Земјата, објави JAXA. Оттогаш, „Акацуки“ континуирано ја набљудува атмосферата на Венера повеќе од осум години.

Научните достигнувања на мисијата се фокусираа на планетарната метеорологија и вклучуваа откривање на најголемиот планински бран (стационарни гравитациски бранови) во Сончевиот систем, разјаснување на механизмот што ја одржува брзата атмосферска циркулација (суперротација) околу Венера и примена на техники за асимилација на податоци (популарни во метеоролошките истражувања на Земјата) на Венера за прв пат.

Комуникацијата со „Акацуки“ беше изгубена за време на операциите кон крајот на април 2024 година, предизвикана од инцидент во режимот за контрола на положбата со помала прецизност во подолг период. Иако беа спроведени операции за обновување за да се воспостави комуникацијата, тие досега не беа успешни.

Со оглед на фактот дека леталото стареше, далеку од својот конструктивен век на траење, и веќе беше во доцните фази на работа, сега е донесена одлука за прекин на мисијата.

Тагови: вселенско летало мисијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Шкотските навивачи ги освоија улиците на Скопје. Не очекува ли жешка атмосфера вечерва на арената Тодор Проески, на дуелот мегу Макеоднија и Шкотска.

Каква беше денеска атмосферата во Скопје, каде видливо беше присуството на таканаречената Тартан арми. Какви се очекувањата на шкмотските навивачи?

Скопје вечерва носи возбудлива атмосфера и поради уште еден настан традиционалната Бела ноќ. Што всушност носи нејзината програма, која најавено е дека ке трае до 3 часот по полноќ?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам.

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес.

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.