Но, се уште е неизвесно дали пратениците од ВМРО-ДПМНЕ, ќе го поддржат ваквиот предлогот на Комисијата на пленарна, откако нивните гласови изостанаа на денешната комисиска седница, и покрај веќе изнесениот партиски став да се гласа согласно Уставот и Законите.
Пратениците од ВМРО-ДПМНЕ на седницата порачаа дека Груевски не е бегалец туку политички азилант во Унгарија, на кој не му било дозволено изминатите шест месеци да се пријавува за оправдано отсутен од Парламентот.
По денешната седница, од владејачката СДСМ обвинија за лицемерен и лажен став на ИК на ВМРО-ДПМНЕ, порачувајќи дека нивните пратеници повторно застанале во одбрана на криминалот, уште еднаш повикувајќи ги на пелнарнарта седница да го стиснат зеленто копче.
Предлогот за одземање на мандатот доаѓа по шест месеци неоправдано отсуство на Груевски од собраниските клупи откако во ноември лани е во Будимпешта каде доби политички азил. За предлогот на мандатно имунитетната комисија да биде усвоен на пленарна седница, ќе бидат потребни најмалку 80 пратенички гласа.