Издадени се налози за апсење на поранешниот претседател на Сирија, Башар ал Асад - Канал 5

Свет

Издадени се налози за апсење на поранешниот претседател на Сирија, Башар ал Асад

Француски суд издаде налози за апсење на поранешниот сириски претседател Башар ал-Асад, заедно со уште шест други високи поранешни сириски функционери.

Издадени се налози за апсење на поранешниот претседател на Сирија, Башар ал Асад

Француски суд издаде налози за апсење на поранешниот сириски претседател Башар ал-Асад, заедно со уште шест други високи поранешни сириски функционери, поради убиството на двајца новинари за време на бомбардирањето на град под контрола на бунтовниците во 2012 година, објавија француските медиуми.

Мари Колвин (56), Американка која работеше за „Сандеј тајмс“ во Велика Британија, и францускиот фотограф Реми Ошлик (28), беа убиени во експлозија во источниот град Хомс на 22 февруари 2012 година.

Нападот беше насочен кон прес-центар каде што работеа и британскиот фотограф Пол Конрој, француската новинарка Едит Бувие и сирискиот преведувач Ваел Омар, објави „Џерусалем пост“.

„Издавањето на седум налози за апсење е одлучувачки чекор што го отвора патот за судење во Франција за воени злосторства и злосторства против човештвото извршени од режимот на Башар ал-Асад“, изјави за „Ле Монд“ Клеманс Бехтарт, адвокат на Меѓународната федерација за човекови права (FIDH) со седиште во Париз и родителите на Реми Ошлик.

„Истрагата јасно утврди дека нападот врз импровизираниот прес-центар бил дел од експлицитната намера на сирискиот режим да ги таргетира странските новинари со цел да го ограничи медиумското покривање на неговите злосторства и да ги принуди да го напуштат градот и земјата“, додаде Мазен Дарвиш, адвокат и директор на Сирискиот центар за медиуми и слобода на изразување.

Покрај Асад, налозите се насочени и против неговиот брат Махер ал-Асад, поранешниот шеф на разузнавањето во Сирија, Али Мамлук и тогашниот началник на Генералштабот Али Ајуб.

Обвиненија за воени злосторства и хемиско оружје

Врховниот суд во Франција веќе пресуди во јули дека налогот за апсење на Асад е неважечки бидејќи е издаден додека тој сè уште бил на функција, но рече дека сега може да се издаде нов бидејќи тој повеќе не е сегашен шеф на државата.

Француските истражни судии го издадоа налогот во ноември 2023 година по француската истрага за нападите со хемиско оружје во сирискиот град Дума и регионот Источна Гута во август 2013 година, во кои загинаа повеќе од 1.000 луѓе.

Владата на Асад во тоа време негираше дека користела хемиско оружје за време на граѓанската војна во земјата што започна во 2011 година. Асад беше соборен од власт минатиот декември од исламистичките бунтовници, чиј лидер, Ахмед ал-Шара, сега е вршител на должноста претседател.

Тагови: Сирија Башар ал Асад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Кривичнииот суд почна судењето за поранешниот вицепремиер Артан Груби

По пола година од враќањето во земјава, денеска во Кривичниот суд почна судењето за поранешниот вицепремиер Артан Груби денеска ќе седне на обвинителна клупа за злоупотреба на службената положба за Државна лотарија. 

Во Кривичнииот суд почна судењето за поранешниот вицепремиер Артан Груби

Освен правните перипетии што го следат случајот, судењето го привлекува вниманието на јавноста и поради политичките импликации што може да произлезат од процесот..

Во кривичниот суд е Михајло Видимлиски..

Во видеото погледнете го целиот извештај.

YouTube video

Тагови: Груби кривичен суд Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НУ Драмски театар Скопје со „Гидионовиот јазол“ гостува на фестивалот РУТА на Бриони

 НУ Драмски театар Скопје со претставата „Гидионовиот јазол“ вечерва (24 август) ќе гостува на Бриони во Хрватска каде што театарот „Улисис“ е домаќин на фестивалот на Регионалната унија на театри (РУТА). 

НУ Драмски театар Скопје со „Гидионовиот јазол“ гостува на фестивалот РУТА на Бриони

Претставата ќе биде изведена во Летното кино во 21 часот.

„Гидионовиот јазол“ на режисерката Драгана Милошевски-Попова е претстава работена по текст на авторката Џона Адамс. Драматург на претставата е Викторија Рангелова-Петровска, а улогите ги играат актерките Биљана Драгиќевиќ-Пројковска и Ања Митиќ.

Гостувањето на Бриони ќе биде дваесетта изведба на претставата, која досега гостувала на неколку фестивали низ Македонија, како и во регионот на сцените на театрите членки на РУТА. На минатогодишниот 33. Меѓународен фестивал на камерен театар „Ристо Шишков“ актерката Биљана Драгиќевиќ-Пројковска за улогата на Корин Фел ја доби наградата за високо актерско достигнување.

Режисерка Драгана Милошевски-Попова во програмската белешка истакнува дека: „Претставата ‘Гидионовиот јазол’ е моќна и вознемирувачка приказна за вината, одговорноста, тагата и сложениот однос во комуникацијата, како и состојбите во образовниот систем, проблемите со кои се соочува детето низ периодот на детството. На училишна средба меѓу мајката Корин и наставничката Хедер, кој се случува по еден трагичен настан, преку деликатен, емотивно исполнет/напнат дијалог, се отвораат прашањата за детската креативност, слободата на изразување, за уметноста, за одговорноста на наставниците и за родителите, за социјалните мрежи, за врсничкото насилство, за осаменоста, преку кои постепено се разоткрива длабоката болка и се бара, па и се посочува можниот виновник“.

Авторката Џона Адамс е претставничка на новата генерација американски драмски автори. Таа е авторка на 20 драмски текстови во кои драмската структура ја гради преку исклучително јаки и богато нијансирани карактери и ги поставува во сложени меѓусебни психолошки ситуации. Друштвото на американските театарски критичари ѝ ја доделува наградата „Стинберг“ (Steinberg Award) за делото „Гидионовиот јазол“.

Претставата „Гидионовиот јазол“ е на редовниот репертоар на Драмски театар од премиерата која се одржа во мај минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Денеска нови цени на нафтените деривати

Регуалаторната комисија за енергетика денеска треба да донесе нова одлука за малопродажните цени на горивата.

Денеска нови цени на нафтените деривати

Со претходната одлука бензините поскапеа за 4,5 денари, а дизелот поскапи за 6,5 денари по литар. Во последната пресметка на регулаторна продолжена беше и примената на намелените акцизи и тоа за 2 денари кај бенизните и за 4 денари по литар кај дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер