Избрани финалистите за поетскиот фестивал „Литературни искри 2020" - Канал 5

Избрани финалистите за поетскиот фестивал „Литературни искри 2020"

Организаторите на Меѓународниот поетски фестивал „Литературни искри 2020" во Гостивар ги објавија имињата на поетите кои влегоа во финалето и ќе конкурираат за фестивалските награди.

Избрани финалистите за поетскиот фестивал „Литературни искри 2020"

По конкурсот за годинашното седмо по ред, издание на манифестацијата, во конкуренција влегоа 146 автори во категориијата над 18 години и 29 автори во возрасната категорија до 18 години.

– Годинава пристигнатите песни на конкурсот ги оценуваше жири комисија во состав: претседател, Бранко Цветковски (поет, литературен критичар, есеист, преведувач, публицист, издавач) и членовите: Весна Ацевска (поетеса, раскажувач, преведувач) и Габриела Петроска (професорка по македонски јазик, лектор), наведуваат од организацискиот одбор на фестивалот.

Финалисти на „Литературни искри 2020" се Надица Тренчева (Кавадарци), Милчо Мисоски (Струга), Славица Урумова Марковска (Скопје), Емељ Туна (Скопје), Антим Атанасоски (Битола), Наталија Георгиева Иванова (Бугарија), Ведрана Петрова (Скопје), Иван Клариќ (Хрватска), Миле Лисица (Република Српска), Аида Ораховац (Црна Гора), Каја Панчиќ Миленковиќ (Србија) и Дилјан Димитров (Бугарија).

Овие финалисти конкурираат за наградите: Гран при, Прва, Втора и Трета награда, Награда за најдобар странски автор и Најуспешна млада поетска искра.

Наградите се плакети и комплети со книги.

Претседателот на жири комисијата Бранко Цветковски за избраните финалисти вели:

– Во песните од категоријата над 18 години, се среќаваат остварувања со стилска и јазична уверливост, со инвентини пристапи во ритмичката и семантичката димензија при градбата на поетското писмо, со еридираност достојна за почит, оценува Цветковски.

Жирито наведува дека во оваа категорија има песни во кои е видлива разновидноста како во поглед на темите, мотивите и стилските белези на авторите, така и во однос на квалитетот на доставените творби.

Оценката на Весна Ацевска за творбите во категоријата до 18 години, напоменува дека се тоа песни со јасни пораки и повик за поддршка на хуманите вредности и за промена на погрешните приоритети.

– Има и личноисповедни песни со љубовни чувства или со елегичен тон заради неостварена љубов и разочараност, песни во кои се опеваат мајката, татковината, родниот крај или значајни личности од историјата. Песните се движат во рамките на почетнички поетски обиди, кои се потпираат на дидактичност или користат наративен пристап кон мотивите и темата, потенцира Ацевска.

Годинешното издание на фестивалот ќе се одржи „он лајн" заради мерките кои се спроведуваат во земјава во насока на спречување на пандемијата.

Организаторите на Меѓународниот поетски фестивал „Литературни искри" напоменуваат дека поетското читање и соопштување на наградените ќе се одвива на 24 мај (недела) на фејсбук страницата на фестивалот.

Деновиве се очекува да бидат објавени и имињата на авторите од двете категории кои според оценувањето на жирито ќе бидат застапени во заедничката поетска збирка„ ЛИТЕРАТУРНИ ИСКРИ 2020"

Поетскиот фестивал се одржува во чест на Денот на сесловенските просветители, светите Кирил и Методиј. /MИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Денеска пресуда за случајот со палење на дипломатски возила пред бугарската амбасада

Денеска треба да се донесе пресуда за случајот со палење на двете дипломатски возила на бугарската амбасада во Скопје инцидентот што се случи на 15 јуни  годинава .

Денеска  пресуда за случајот со палење на дипломатски возила пред бугарската амбасада

За кривично дело насочено против безбедноста на лицата и објектите под меѓународноправна заштита 44-годишниот скопјанец претходно ја призна вината за делото, изјавувајќи пред судот дека сам ја донел одлуката да ги полее со бензин и да ги запали возилата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Охридско лето“ со впечатлив концерт во Македонската филхармонија, Патира и Курек ја воодушевија публиката

Виртуозниот полски виолинист Мариуш Патира и истакнатиот пијанист Радослав Курек синоќа приредија впечатлива музичка вечер во Камерната сала на Македонската филхармонија, во рамките на концертната дејност на НУ „Охридско лето“ .

„Охридско лето“ со впечатлив концерт во Македонската филхармонија, Патира и Курек ја воодушевија публиката

Виртуозниот полски виолинист Мариуш Патира и истакнатиот пијанист Радослав Курек синоќа приредија впечатлива музичка вечер во Камерната сала на Македонската филхармонија, во рамките на концертната дејност на НУ „Охридско лето“ надвор од редовната фестивалска сезона.

Публиката имаше можност да ужива во внимателно одбран репертоар, кој понуди дела од различни стилски периоди и ја истакна виртуозноста и музичката интерпретација на двајцата уметници.

Со својата извонредна техника, музикалност и сценска енергија, Патира и Курек ја воодушевија публиката, која нивната изведба ја награди со долги и громогласни аплаузи.

Особено внимание предизвика музичката комуникација меѓу двајцата уметници, чии изведби се надополнуваа во впечатлива целина, оставајќи силен впечаток кај присутните.

Мариуш Патира во 2001 година ја освои главната награда на престижниот Меѓународен виолински натпревар „Николо Паганини“, како прв полски виолинист кому му припаднало ова признание. Настапувал на престижни концертни сцени во Европа, Јапонија, САД и Мексико.

Радослав Курек е истакнат пијанист и камерен музичар, добитник на повеќе меѓународни признанија, а неговата концертна кариера опфаќа настапи во Европа, Америка, Азија и Африка.

Со овој концерт „Охридско лето“ ја продолжува својата концертна дејност и надвор од редовните фестивалски денови, традиција започната минатата година.

Овој концерт се реализираше со поддршка на Амбасадата на Република Полска во Скопје, а влезот за посетителите беше бесплатен како израз на благодарност за поддршката и довербата на публиката, но и како придонес кон создавање достапни и квалитетни културни содржини.

По синоќешниот концерт, концертната програма продолжува на 4 декември во Музејот на македонската борба за самостојност, со настап на извонредната корејско-американска сопранистка Јуна Ли и пијанистот Кенет Клецјен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Си Џинпинг го нарече Путин „стар пријател“ пред средбата со Трамп

Кинескиот претседател Си Џинпинг го нарече рускиот претседател Владимир Путин „стар пријател“ на средбата во Кина, пред Самитот на Азиско-пацифичките лидери.

Си Џинпинг го нарече Путин „стар пријател“ пред средбата со Трамп

Двајцата разговараа за војната во Украина, енергетската соработка и односите со САД. Си се обидува да одржи деликатна рамнотежа меѓу односите со Москва и Вашингтон.

Во четврток, Си и Путин треба да имаат историска трилатерална средба со американскиот претседател Доналд Трамп.

Руските медиуми средбата веќе ја оценуваат како дипломатска победа за Путин. Трамп денеска ќе отпатува за Кина од Филипините, каде присуствуваше на Самитот на Азиско-пацифичкиот регион.Таму се сретна со индискиот премиер Моди, австралискиот премиер Албанезе и јапонската премиерка Такаичи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер