Избран најшарениот град во светот: Европска дестинација со повеќе од 2,6 милиони бои - Канал 5

Живот

Избран најшарениот град во светот: Европска дестинација со повеќе од 2,6 милиони бои

-Европска дестинација со повеќе од 2,6 милиони бои, а на оваа листа се најде и град од Балканот.

Избран најшарениот град во светот: Европска дестинација со повеќе од 2,6 милиони бои

Ирската компанија за патничко осигурување Џаст кавер (JustCover) го прогласи Лисабон за најшарен град во светот, покажува најновата анализа заснована на обработка на фотографии од различни светски дестинации.

Според студијата, од избраните фотографии од португалската престолнина биле идентификувани повеќе од 2,6 милиони различни бои, што го става Лисабон на врвот на листата на визуелно највпечатливи градови.

Истражувањето е направено во време кога патувањата сè почесто се документираат и споделуваат на социјалните мрежи, каде што естетиката и визуелниот ефект имаат сè поголемо значење при изборот на туристичката дестинација, особено кај љубителите на фотографија и дигитална содржина.

Лисабон е препознатлив по своите пастелни фасади и декоративни керамички плочки, кои доминираат во историските квартови како Алфама. Дополнителен визуелен белег на градот се и познатите жолти трамваи кои се движат низ тесните и стрмни улички. На второто место се најде Куала Лумпур во Малезија, кој се издвојува по контрастот меѓу современата архитектура и традиционалните објекти, вклучувајќи ги и богато украсените храмови и светилишта.

Третото место му припадна на Порто, уште еден португалски град, со што Португалија добива значајно место на оваа листа. Карактеристичните покриви од теракота, шарените куќи покрај реката и калдрмисаните улици придонесуваат за неговата препознатлива визуелна слика, додека историските вински подруми нудат дополнително искуство за посетителите.

Четвртата позиција ја зазема Картахена во Колумбија, пристаништен град познат по живописната архитектура. Меѓу неговите најпознати обележја е жолтата кула – часовник на влезот во Стариот град, додека зградите во различни бои и балконите украсени со цвеќиња создаваат впечатлив и урбан поглед. На петтото место се наоѓа Рио де Жанеиро во Бразил, каде што биле регистрирани повеќе од 2,3 милиони уникатни бои на фотографиите. Меѓу најпознатите атракции се скалите Селарон, украсени со плочки во жолта, сина и зелена боја, кои привлекуваат голем број туристи секоја година.

YouTube video

Анализата била спроведена врз основа на репрезентативни дневни фотографии за секоја локација, без употреба на силни филтри. Потоа бил користен специјализиран алат за детекција и пресметка за бројот на бои присутни на сликите, со цел да се утврдат најживописните градови во светот. На оваа листа се најде и еден град од Балканот. Дубровник е рангиран на 11. место, што го става меѓу најшарените туристички дестинации според ова истражување.

Тагови: Лисабон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Рита Ора во секси бикини ги покажа стомачните!

Мегапопуларната пејачка со потекло од Балканот, Рита Ора ги покажа своите извајани стомачни мускули во сребрен бикини, споделувајќи впечатливи фотографии од својот одмор на Миконос на Инстаграм.

Фото: Рита Ора во секси бикини ги покажа стомачните!

35 годишната Рита на фотките позира на луксузна јахта на која уживала заедно со пријателите.

Покрај сребреното бикини, Рита имаше и зелен шал за да ја заштити косата и беше совршено стилизирана.

„Ми треба ресетирање на душата, сонце, бикини и музика“, напиша пејачката во описот на објавата.

Тагови: рита ора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ким Кардашијан во микро бикини го рекламира својот бренд

Најпознатата американска старлета, Ким Кардашијан не престанува да ги промовира различните делови од колекцијата на нејзиниот бренд SKIMS, а тоа значи само едно – нејзините фанови ќе уживаат во атрактивните новитети на старлетата.

Фото: Ким Кардашијан во микро бикини го рекламира својот бренд

Риалити ѕвездата Ким Кардашијан секогаш има свои решенија за привлекување внимание. Откако сите пишуваа за нејзината врска со Луис Хамилтон, која веќе не е тајна бидејќи возачот на Формула 1 редовно ја изјавува својата љубов кон ѕвездата, таа сега го насочи својот фокус кон својот бренд SKIMS.

Уште од самиот почеток, таа имаше провокативни рекламни кампањи во кои се појавуваше таа или нејзините сестри, облечени во многу малку облека, минијатурни бикини и слично.

Сега таа ги почести своите обожаватели со серија фотографии

.

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Ова се најдобрите половни автомобили до 10.000 евра

Ако планирате да купите половен автомобил со цена до 10.000 евра, петте модели што се сметаат за најдобри се VW од седмата генерација, Mazda 6, BMW серија 3, Honda Accord и Volvo S60.

Ова се најдобрите половни автомобили до 10.000 евра

Кои се најдобрите половни автомобили со цена до 10.000 евра?

Покрај самото одржување, важна е и сервисната мрежа во вашиот град или во околината.

Денес, сите производители имаат широка мрежа за сервисирање и набавка на резервни делови, што го става сопственикот во поволна положба; на него останува „само“ да вложува во своето возило, односно редовно да го одржува – да врши мали и големи сервиси и да ги заменува истрошените делови кога ќе дојде време за тоа, пред да настане сериозен дефект.

Ако планирате да издвоите 10.000 евра за купување половен автомобил, на пазарот секогаш се достапни неколку одлични модели кои се многу барани токму поради нивната репутација. Кај нас најчесто се возат дизел-автомобили, но и моделите на бензин се многу достапни и поволни.

1.VW Golf од седмата генерација – за сума до 10.000 евра може да се најде верзија со бензински мотор 1.4 TSI или дизел мотор 2.0 TDI. Достапни се и мануелни и автоматски менувачи, но доколку DSG менувачот нема сервисна историја, подобро е да го избегнете поради скапите поправки.

2.Mazda 6 од втората генерација – возило од средна класа кое нуди добар компромис меѓу удобноста, сигурноста и моќноста. Најразумен избор се дволитарските бензински мотори MZR со околу 147 КС (коњски сили) или 2.5 MZR, додека дизел моторите 2.0 и 2.2 MZR CD нудат помала потрошувачка за оние што возилото го користат главно за возење на отворен пат.

3. BMW Серија 3 – генерацијата F30 се движи во ценовниот опсег до 10.000 евра и обично доаѓа со поголема километража. Најдобар избор е дизел моторот 318d или 320d со мануелен менувач, а ако најдете добро одржуван примерок, нема потреба многу да се двоумите.

4. Honda Accord – ова е еден од најсигурните автомобили во средната класа. Најбарани се бензинскиот мотор 2.0 i-VTEC и дизел моторот 2.2 i-DTEC, при што вториот е малку поскап за одржување од бензинецот.

5. Volvo S60 од втората генерација – ова е веќе премиум возило што може да се најде по цена на „обичен“ половен автомобил.

Најбарани се дизел моторите D3 и D4 доколку планирате да потрошите до 10.000 евра, додека бензинската верзија со мотор T5 нуди подобра динамика на возење, но и малку повисоки трошоци за одржување.

Важно е да се напомене дека ова се модели што се застапени на бројни веб-страници за продажба на половни автомобили и не се единствените квалитетни опции во ценовниот опсег до 10.000 евра; затоа, потребно е темелно да ги истражите сите модели што ве интересираат и внимателно да ја донесете таа важна одлука. Исто така, секогаш одвојте најмалку 500 евра при купување половен автомобил, за случај веднаш да биде потребен некаков сервис или поправка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер