Избори за нов ректор на УКИМ на 28 април, кандидати се Биљана Ангелова и Дарко Данев - Канал 5

Македонија

Избори за нов ректор на УКИМ на 28 април, кандидати се Биљана Ангелова и Дарко Данев

По две недели, на 28 април, на единиците во состав на Универзитетот „Св. Кирил и Методиј“ - Скопје, од 12 до 14 часот, со тајно гласање, ќе се избира ректор на УКИМ за мандатниот период 16 септември 2026 - 15 септември 2029 година.

Избори за нов ректор на УКИМ на 28 април, кандидати се Биљана Ангелова и Дарко Данев

Во трка се двајца кандидати - актуелната ректорка, проф. д-р Биљана Ангелова, која е редовен професор на Економскиот институт во Скопје, и проф. д-р Дарко Данев, редовен професор на Машинскиот факултет во Скопје. Тие се пријавени на огласот за нов ректор на УКИМ и поднеле комплетна документација со која се докажува дека ги исполнуваат условите од јавниот оглас.

Утре е последниот ден од рокот за поднесување приговори за листата на кандидати за избор на ректор, утврдена на 8 април, по завршувањето на огласот за пријавување кандидати, кој траеше од 16 март до 7 април.

Од Универзитетската изборна комисија (УИК) за МИА велат дека активностите се одвиваат според роковникот и оти и понатаму ќе се работи според временската рамка за спроведување на потребните дејства за избор на ректор на УКИМ. Не очекуваат приговори по утврдената листа со кандидати, а ако евентуално стигнат, по нив ќе се одлучува во наредните три работни дена (16, 17 и 20 април) и потоа, на 21 април, на веб-страницата на УКИМ ќе бидат објавени програмите за работа, биографските и библиографските податоци на кандидатите за ректор.

До денот на изборите ќе биде утврден единствен избирачки список и технички ќе бидат подготвени гласачките материјали и гласачките ливчиња. Ден пред гласањето на единиците на составот на УКИМ изборните комисии ќе го подигнат изборниот материјал од УИК. Според роковникот, резултатите од тајното гласање треба да бидат објавени на крајот од денот на изборите (28 април), а потоа ќе следува тридневниот рок за приговори по резултатите - од 29 април до 5 мај.

Според временската рамка, предвидени се и термини за евентуално прегласување заедно со рок за приговори и нивно разгледување, а на 14 мај ќе бидат објавени конечните резултати за избор на ректор на УКИМ.

Проф. д-р Дарко Данев беше декан на Машинскиот факултет во два мандата (2016 - 2023). Во својата кандидатура тој најави визија за УКИМ како модерен, отворен и меѓународно конкурентен универзитет, со фокус на дигитализација, унапредување на квалитетот на наставата, поврзување со индустријата и поголема поддршка за студентите и младите истражувачи.

Според Данев, УКИМ има капацитет да биде двигател на развојот на државата и негова цел е Универзитетот да биде препознатлив по знаење, иновации и вредности и да ги задржува и развива најдобрите млади кадри.

Проф. д-р Биљана Ангелова е актуелна ректорка на УКИМ, кадар од Економскиот институт, која на 16 септември 2023 ја презеде функцијата од нејзиниот претходник, проф. д-р Никола Јанкуловски. Во нејзиниот досегашен мандат стратешки проект што почна да се реализира лани е дигитализација на сервисите за студентите, а приоритети ѝ беа и интернационализација, модернизирање, евалуирање и унапредување на наставните програми, со цел УКИМ да прерасне во отворен универзитет со европски вредности и видлив на меѓународниот високообразовен и научноистражувачки простор.

Во интервју за МИА минатата година Ангелова истакна дека Универзитетот се „позиционира како водечка институција во земјата и регионот со силна меѓународна вмреженост и потенцијал за иновации“.

УКИМ денес стои како пример за отворен, инклузивен и активен универзитет, кој не само што ги следи европските вредности туку активно учествува во нивното дефинирање и промовирање преку образование, истражување и иновации, изјави Ангелова за МИА лани во јуни.

Програмите за работа, биографските и библиографските податоци на кандидатите за ректор ќе бидат објавени наредниот вторник, 21 април, на веб-страницата на Универзитетот „Св. Кирил и Методиј“ - Скопје.

Изборот на новиот ректор на најстариот и најголем универзитет во државата се совпаѓа со донесувањето нови закони - закон за високо образование и закон за квалитет во високото образование (заедно со законот за научноистражувачка дејност), кои содржат многу новини и заострени критериуми во високообразовната дејност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 4. јули 2026 година

Дневен хороскоп за сабота, 4. јули 2026 година. 

Дневен хороскоп за 4. јули 2026 година

Рак 22.6-22.7.

Љубов

Може да очекувате уште еден ден со побогат друштвен живот , што ќе го помнинете со кого вие сакате.

Кариера

Лесно ќе излегувате на крај со луѓето . Многумина во вас ќе препознаваат пример , а вие ќе бидете поотворени од вообичаено.

Здравје и совет

Уривате рекорди.

Лав 23.7-22.8.

Љубов

Денеска ќе се занимавате со мисла дали да се впуштите во нешто позначајно со личноста што ја среќавате низ работната средина.

Кариера

Работите за кои се бара емоционален ангажман добро се поставени. Некои ќе се преоптеретени со работи.

Здравје и совет

Не мора да се брзате.

Девица 23.8.-23.9.

Љубов

Ќе играте на карта на заведување и на глумење еротика. Вистина е дека во тоа ќе имате стил , па и успехот е веројатен.

Кариера

Можните преговори околу едно спонзорство се приведуваат до крајот. Нема да го имате главниот збор , но ќе се договорите.

Здравје и совет

Ќе имате пријатни сништа.

Вага 24.9.-23.10

Љубов

Продолжувате со својата сензуална фаза на заведување , кога многу личности од спротивниот пол ви паѓаат под нозе.

Кариера

Ќе влијаете на настани , луѓе и работа повеќе отколку што мислите. Не сте свесни колку ве имитираат.

Здравје и совет

Немојте да си го расипете карактерот.

Шкорпија 24.10-22.11.

Љубов

Веројатно ќе потрошите повеќе пари од планираното , а сето тоа со цел некого да импресионирате. Љубовта нема цена.

Кариера

Вашите сојузници се засилуваат , а и вие со нив. Денеска станувате се посвесни за тоа , а вашата самодоверба расте.

Здравје и совет

Не знаете до каде може да стигнете.

Стрелец 23.11.-21.12.

Љубов

Ќе се согласите на сите барања од саканата личност , зашто и вие исто ќе мислите. Ќе бидат тоа мали , слатки грижи.

Кариера

Ќе покажете доза на попустливост во деловните договори. Би можеле да бидете малку построги за да постигнете поголема контрола.

Здравје и совет

Ќе бидете фокусирани на други.

Јарец 22.12.-20.1.

Љубов

Освен опуштениот изглед со кој зрачите, денеска ќе покажете и малку поголема страст. Другата страна тоа добро ќе го прифати.

Кариера

Извесен е мал трошок поврзан со луксуз или подобрување на работните услови. Можете тоа да сиго дозволите.

Здравје и совет

Некои имаат духовни искуства.

Водолија 21.1.-19.2.

Љубов

Ќе бегате во својот свет на сништата пред незадоволителната љубовна реалност. Тоа ќе биде вашиот вентил.

Кариера

Можеби некои ваши идеи нема веднаш да бидат прифатени , едноставно зашто се неспроведливи во реалните услови.

Здравје и совет

Помирете се со реалноста.

Риби 20.2.- 20.3.

Љубов

Во комуникацијата со саканата личност , се поголема улога ќе игра фантазијата и интересните идеи кои како да не се од овој свет.

Кариера

Тешко дека некој ќе ве стави денеска во некаков калап. Ќе бидете навистина посебни во секој поглед.

Здравје и совет

Имате право кога ја негувате натуралноста.

Овен 21.3-20.4.

Љубов

Љубовта од работното место ќе ве збунува. Нема лесно да се поставите во таквата ситуација. Не ви е лесно зашто немате јасно поставен став.

Кариера

Креативните работи ќе се одвиваат без проблем. Промените што се случуваат на работното место ќе ги прифатите без двоумење.

Здравје и совет

Издржете.

Бик 21.4- 20.5.

Љубов

Пред вас е ден полн со емотивни фрустрации. Што и да правите, ќе излезе задоволително.Имајте трпение.

Кариера

Незадоволните од работата , ќе се засилат за да ги менуваат работите. Задоволните ќе мечтаат за да биде уште подобро.

Здравје и совет

Работете го она што го сакате.

Близнаци 21.5.-21.6.

Љубов

Веројатно денеска ќе бидете малку почувствителни од вообичаено, а поради слабите љубовни шанси , ќе се појават и фрустрации.

Кариера

Ќе бидете сигурни во сопствените резултати и ќе настојувате планот да го изведете до крај. Сепак , тоа ќе биде доста напорно.

Здравје и совет

Ви треба кус одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џастин Бибер ќе настапи на финалето на Светското првенство?

Се наведува дека Џастин Бибер е во преговори да настапи на полувремето од финалето на Светското првенство.

Џастин Бибер ќе настапи на финалето на Светското првенство?

Извори од ФИФА велат дека официјалните лица размислуваат да го вклучат во спектаклот што ќе се одржи на 19 јули на стадионот „МетЛајф“ во Њу Џерси, објавува „TMZ“.

Веќе импресивен список на изведувачи

Бибер на тој начин би се придружил на веќе импресивниот список на изведувачи, кој, според најавите, ги вклучува Мадона, Шакира и популарниот јужнокорејски бенд „BTS“. Ангажирањето на канадската ѕвезда за ФИФА би имало смисла и поради неговата неодамнешна поврзаност со турнирот.

Забележан на церемонијата на отворањето

Џастин и неговата сопруга Хејли Бибер беа во центарот на вниманието на церемонијата на отворањето на Светското првенство во Инглвуд пред неколку недели. Во таа прилика, Џастин ги изненади ВИП гостите со интимен настап зад сцената, каде што ја изведе својата песна „Yukon“.

Единствен настап наместо турнеја

Можниот настап на финалето носи интересен пресврт во летото на Бибер. Неодамна беше објавено дека, и покрај шпекулациите, пејачот во моментов не планира турнеја. Сепак, еднократен настап на најголемата фудбалска сцена во светот е сосема друга приказна.

Во медиумите веќе се шпекулира дека би било интересно да се види Бибер како го завршува турнирот, особено ако репрезентацијата на САД продолжи со добрите резултати. Иако Бибер е Канаѓанец и покажа симпатии кон Мексико на церемонијата на отворањето, неговиот настап би бил во согласност со идејата за Светското првенство - собирање на целиот свет на едно место.

Извор: Б92

Тагови: Џастин Бибер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Бајден го номинира Трамп за Нобелова награда?

Синот на поранешниот американски претседател, Хантер Бајден, наводно објавил на социјалните мрежи дека го номинирал американскиот претседател Доналд Трамп за Нобелова награда за мир, што некои медиуми го опишаа како „обид за провокација“.

Бајден го номинира Трамп за Нобелова награда?

Како што објави „Хафпост“, Бајден ја претставил својата објава како номинација со иронично објаснување кое се толкува како критика на претходните тврдења на Трамп дека тој ја заслужува Нобеловата награда.

Белата куќа официјално не коментираше за наводното соопштение, а некои извори блиски до администрацијата наводно реагирале со саркастичен тон.

Трамп јавно го изразува своето верување со години дека ја заслужува Нобеловата награда за мир, истакнувајќи ги неговите дипломатски иницијативи за време на неговиот мандат.

Тој, исто така, постојано ги критикуваше одлуките на Нобеловиот комитет, особено откако наградата им беше доделена на други политички лидери.

Објавата на Бајден предизвика широки реакции на социјалните мрежи, при што корисниците ја толкуваа на различни начини, од политичка сатира до обид да се привлече вниманието кон претходните изјави на Трамп за Нобеловата награда.

Нобеловиот комитет не коментираше за поединечните номинации, кои генерално се доверливи.

Тагови: Доналд Трамп Нобелова награда Хантер Бајден

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер