Изберете крилја на ангел и откријте го вашиот најголем благослов - Канал 5

Изберете крилја на ангел и откријте го вашиот најголем благослов

Одберете ги омилените крилја и дознајте нешто повеќе за себе!

Изберете крилја на ангел и откријте го вашиот најголем благослов

Секој човек има свои скриени таленти и квалитети, но многумина не се ни свесни дека ги поседуваат. А токму тие можат да бидат водечка сила во нивниот живот. Затоа и постојат овие тестови! Иако изгледаат обично, тие можат да ви помогнат да откриете нешто навистина моќно во себе.

Крилја на душата

Сини и подигнати, овие крилја претставуваат интелигентна, стара и смирена душа. Ако сте ги одбрале токму нив, имате душа што долго лута ширум светот и го познава животот како никој друг. Сте минале низ добро и лошо, но никогаш не сте дозволиле вашата невиност да умре. Вие сте навистина благословена душа со добро срце.

Крилја на правдата

Непристрасни и фер, вие имате необично силно чувство за правда. Кога мора да донесете одлука, вие заземате балансиран став, дури и ако се коси со мислењето на најблиските. Лесно ви е да изберете страна, како и да останете непристрасни, и многу сте горди на тоа. Вашето чувство за правилно и погрешно ви е најголемиот благослов и секогаш го правите најдоброто за сите.

Крилја на љубовта

Жестоко, грижливо и бескомпромисно, вие имате срце полно љубов. Затоа и љубите безусловно и никогаш не барате ништо за возврат. Некои луѓе можат да ја искористат оваа ваша особина, но ништо не може да го спречи вашето срце да љуби. За вас љубовта е вистинска благослов и нејзината големина ги надминува сите граници.

Крилја на успехот

Желбата за успех, поривот за напредок и неуморната желба да бидете на врвот е тоа што ве чини личноста што сте. Вие имате сè што е потребно за да бидете успешни. Постојано сакате да бидете најдобрата верзија од себе, а кога ќе стигнете на врвот, нема да ги заборавите своите корени. Желбата за успех ви е најголемиот благослов, што постојано ве тера да одите напред.

Крилја на вистината

Бидете искрени и вашето срце никогаш нема да се плаши. Откријте ја вистината и вашите раце никогаш нема да затреперат. Вие живеете искрен живот, автентично, поставувајќи им пример на другите. За жал, вашата праведност не им се допаѓа на сите, па ќе ги изгубите оние луѓе што не можат да ја поднесат вистината. Тоа е добро, бидејќи ќе останете само со оние на коишто навистина им значите.

Крилја на надежта

Вие сте оптимистични и полни со живот. Имате способност во светот да најдете нешто добро дури и кога го нема. Вие сте љубезна личност што мрази негативност и токсични луѓе. Вашата надеж и нескршливата вера претставуваат светло на крајот од тунелот за сите ваши пријатели. Надежта и подоброто утро се вашиот најголем благослов.

Крилја на борците

Во срцето сте борци, а во душата сте светци. Смиреноста и нежноста ја отсликуваат вашата вистинска природа, но поседувате и гнев што се буди кога се чувствувате загрозени. Вие сте заштитниците на саканите, чувари на оние што ги сметате за најблиски. Со вашиот дух на борец и мотото „Никогаш не вели никогаш“ не постои граница што не можете да ја надминете.

Крилја на соништата

Вие постојано мечтаете и живеете во сопствен свет. Понекогаш знаете да бидете навистина интровертни и целосно да се изгубите во сопствените мисли. За вас најважно е да имате приватност и мир за да можете да размислувате. Имате способност и да создадете нешто од ништо. Сонувачи, творци и мислители – вие сте едни од најретките луѓе на оваа планета.

Крилја на желбите

Разорни, сирови и страсни, вие сте личности што се составени од желби. Овие желби се толку големи, што се дури и поголеми од самиот живот. Имаат моќ да ве туркаат напред, па затоа и постигнувате сè што ќе посакате. Токму оваа непопустлива потрага кон вашите тежнеење ве издвојува од останатите и ве прави навистина посебни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Припадниците на Баталјонот на специјални сили евакуираа тешко повреден алпинист од непристапен терен во реонот на Демир Капија

Од редовна обука во вистинска спасувачка акција: Припадниците на Баталјонот на специјални сили евакуираа тешко повреден алпинист од непристапен терен во реонот на Демир Капија.

Припадниците на Баталјонот на специјални сили евакуираа тешко повреден алпинист од непристапен терен во реонот на Демир Капија

Припадниците на Баталјонот на специјални сили (БСС) успешно реализираа сложена спасувачка акција за евакуација на тешко повреден алпинист од непристапен терен во реонот на Демир Капија.

За време на изведувањето на редовна напредна обука за планински операции, припадниците на БСС беа алармирани за несреќа што се случила во непосредна близина, при која цивилно лице – алпинист, во текот на качувањето по карпи, паднало на исклучително стрмен и непристапен терен, при што се здобило со тешки телесни повреди.

Веднаш по добивањето на информацијата, припадниците на специјалните сили пристапиле кон организирање и спроведување на спасувачката акција. На повреденото лице му била укажана прва медицинска помош на местото на несреќата, по што, со употреба на специјализирана алпинистичка и спасувачка опрема, било извршено безбедно извлекување од непристапниот терен и транспорт преку реката.

По успешно извлекување до пристапна точка, повредениот алпинист бил предаден на екипите на Итната медицинска помош за понатамошно згрижување и лекување.

Оваа успешна интервенција уште еднаш ја потврдува високата обученост, професионалноста, подготвеноста и способноста на припадниците на Баталјонот на специјални сили за дејствување во сложени и ризични услови. Воедно, таа е потврда за нивната пожртвуваност, решителност и подготвеност за ангажирање во најпредизвикувачки ситуации, во служба на граѓаните и заштита на човечките животи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Сообраќај по суви коловози

Сообраќајот на државните патишта се одвива непречено, по претежно суви коловози, со умерен интензитет надвор од градските средини.

Сообраќај по суви коловози

Сообраќајот на државните патишта во Македонија се одвива непречено, по наместа влажни коловози, а интензитетот на сообраќај надвор од градските средини е умерен, на граничните премини од македонска страна нема подолги задржувања за влез и излез од државата, информира Автомото сојузот на Македонија (АМСМ).

Возачите се предупредуваат на зголемена внимателност на патиштата низ котлините, речните долини и клисурите, каде постои можност од појава на одрони. Посебно внимание се препорачува на делниците Катланово – Велес, Маврово – Дебар – Струга, Виница – Берово и Кочани – Делчево.

Од АМСМ потсетуваат дека веќе една недела, поточно од 15 ноември возачите имаат законската обврска во возилата задолжително да имаат зимска опрема, без оглед на моменталната временска состојба. Оваа обврска ќе важи до 15 март наредната година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Променливо облачно со сончеви периоди и температура до 19 степени

Според УХМР времето денес ќе биде променливо облачно со сончеви периоди. Во вечерните часови и во текот на ноќта претежно во западните делови ќе има повремени врнежи од дожд. 

Променливо облачно со сончеви периоди и температура до 19 степени

МИНИМАЛНА ТЕМПЕРАТУРА (во 0С)

-3 Берово, -1 Лазарополе, Битола, 0 Попова Шапка, Струмица, Скопје – Петровец, 1 Демир Капија, Крива Паланка, Тетово, Маврови Анови, 2 Прилеп, Штип, Велес, Охрид, Крушево, Претор, Скопје-Зајчев Рид, Кавадарци, 4 Виница, Гевгелија.

КОЛИЧИНА НА ВРНЕЖИ за изминатите 24 часа до 07 часот во (l/m2)

6 Маврови Анови, 5 Охрид, 4 Попова Шапка, Прилеп, 3 Крушево, Лазарополе, 2 Битола, Струмица, Претор, Берово, 1 Пожаране, Гевгелија.

ВРЕМЕТО ДЕНЕСКА

Променливо облачно со сончеви периоди. Во вечерните часови и во текот на ноќта претежно во западните делови ќе има повремени врнежи од дожд. Ќе дува умерен, а попладне наместа повремено засилен со силен ветер претежно од јужен правец. Максималната температура ќе биде во интервал од 15 до 19 степени.

Во Скопје, променливо облачно со сончеви периоди. Во вечерните часови и во текот на ноќта ќе има услови за слаб дожд. Ќе дува слаб до умерен ветер од јужен правец.

Максималната температура ќе достигне до 15 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер