Зачувувањето на уставното име и изнаоѓањето на решение кое нема да предизвика уставни промени, во никој случај не е насочено против интеграцијата на Република Македонија во Европската унија и НАТО.
Склучувањето на меѓународен договор содржан во еден или повеќе поврзани меѓусебни документи треба да биде во согласност со уставот на Република Македонија, а не да предвидува негова измена, се вели во соопштението од кабинетот на Иванов.
Оттаму на вчерашната изјава на премиерот дека евентуалното отфрлање на договорот со Грција ќе ги загрози перспективите на Република Македонија за влез во ЕУ и НАТО и зголеми внатрешните опасности „претставува очаен обид за манипулација на јавноста и наведување на македонските граѓани во пресрет на евентуално референдумско изјаснување.
„Несериозно и неодговорно е прашањето за името, кое е исклучително важно прашање за граѓаните на Република Македонија, и наметнати технички барања, да се решаваат телефонски и по пат на личен договор меѓу премиерите на двете држави“, велат од кабинетот на претседателот.
На повикот од премиерот за поддршка на евентуалниот договор од страна на сите политички чинители, Иванов уште еднаш укажува дека е потребен широк национален консензус за изнаоѓање решение кое нема да го наруши достоинството на македонскиот народ и граѓаните.
На ставовите на Иванов Заев денеска одговори граѓаните се тие кои ќе одлучат на референдум а политичарите треба да помогнат а, не да одмагаат.
Ние политичарите треба да им служиме на граѓаните и треба да градиме соработки, да ја унапредуваме Македонија во сите нејзини перспективи. Во таков случај, јас верувам дека ние ќе имаме состаноци, таму можеме да ги вадиме сите аргументи, секој да постапува согласно своите надлежности и да не заборавиме дека сме поставени од граѓаните. Тие не поставуваат, тие не менуваат и согласно за вака важно прашање одлучивме референдумското изјаснување да биде многу важно, истакна Заев.
Заев повтори дека се надева дека може да се реши 25-годишниот спор што ќе овозможи да се направи чекор кон ЕУ и чекор кон НАТО.