Ивана ја расплака Македонија со својата храброст: „Сè уште паметам како ми кажаа дека починал. Тоа беше хорор кој не се заборава“ - Канал 5

Живот

Ивана ја расплака Македонија со својата храброст: „Сè уште паметам како ми кажаа дека починал. Тоа беше хорор кој не се заборава“

Ивана Лескароски вчера успеа за само неколку минути да го расплаче целиот тим на Канал 5, но и многу гледачи пред малите екрани. Нејзината животна борба ги допре срцата на сите, а сè низ што поминала ја направило уште посилна.

Ивана ја расплака Македонија со својата храброст: „Сè уште паметам како ми кажаа дека починал. Тоа беше хорор кој не се заборава“

Во утринската програма на телевизија Канал 5, во емисијата „Здраво Македонијо“, вчера гостуваа Силвана Муциќ Плевнеш и Влатко Плевнеш од Силви бенд, Петре Ламески и Ивана Лескароски.

Гостите зборуваа за темите поради кои дошле во емисијата, но кога Ивана ја започна својата исповед – сите замолкнаа.

„Би започнала од моето детство, единствениот период во кој немаше турбуленции. Родена сум во Прилеп и израснав во љубов и хармонија. Моите родители денес се мој пример како да го воспитувам моето дете. Моите браќа се мојата лева и десна рака“ ,започна Ивана, па продолжи:

„Но само на 15 години, животот за првпат ми зададе тежок удар. Се соочив со здравствен проблем за кој беа потребни години за целосно закрепнување. Сè заврши добро, фала му на Бога. На 20 години го сретнав човекот на мојот живот, а веќе на 21 станав негова сопруга. Петнаесет години сме во успешен брак. Нашиот сон беше да станеме родители и тоа брзо се оствари. Но среќата траеше кратко – неколку дена по раѓањето на нашиот прв син Паоло, тој почина од респираторен дистрес. А кога едно дете од 21 година го загуби своето дете – нема зборови што можат да го опишат тоа чувство,“ раскажа Лескароски.

Таа призна дека во тој период била во тешка состојба и дека сè ѝ било како во магла, вистинско бунило, кое траело сè додека повторно не забременила. Со вториот син, Аритон, верувала дека со сопругот почнуваат ново поглавје и дека Господ им подарил нов почеток – но ни тоа не било онака како што се надеваа.

„По раѓањето на Аритон мислевме дека сè ќе биде добро, но по неколку месеци го загубивме и него. Ако со дијагнозата на Паоло се помиривме, причината за смртта на Аритон – никогаш. До ден-денес не се помиривме, а единствената грижа на совест ми е што тоа не го истерав до крај,“ сподели Ивана.

Кога водителката Милена ја праша која била причината за смртта на второто дете, Ивана имаше само еден одговор:

„Причината беше од страна на лекарите, но ние веруваме дека се работеше за лекарска грешка.“

Таа вели дека тешко го прифатила губењето на вториот син. Иако Аритон бил роден предвреме, се подготвувала да го донесе дома, но тој почнал да отекува во стомакот и починал.

„Сè уште паметам како ми кажаа дека починал. Тоа беше хорор кој не се заборава,“ раскажа Ивана низ солзи.

„Веќе тогаш во главата си зацртав дека никогаш повеќе нема да се остварам како биолошка мајка и нашиот следен чекор беше посвојување дете. Но Божјите патишта се чудни – останав бремена со моето чудо, Роман,“ рече Ивана со светлина во гласот.

Иако Роман по раѓањето бил 35 дена на интензивна нега, преживеал. Ивана тврди дека тие 35 дена биле најдолгите и најтешките во нејзиниот живот – не само затоа што детето ѝ било во болница, туку и затоа што била сама. Во тој период нејзиниот сопруг морал да оди на две тешки операции, па таа секој ден одела од клиника до клиника. На крајот, успеала истиот ден да ги земе и сопругот Дејан и синот Роман од болница.

„Чувството тој ден не можам да го опишам – тоа само се доживува. Но траумите од тогаш останаа – до ден-денес, секоја ноќ проверувам дали дишат. Тоа се трауми,“ искрено призна Ивана.

„И денес повторно минувам низ тежок период, бидејќи пред две години на мојот син Роман му беа дијагностицирани пет дијагнози. Од здраво, весело дете – изгуби осум килограми. Нашето патешествие започна тогаш, во Србија му ги поставија дијагнозите и сега ја водиме таа битка,“ раскажа Ивана, додека студиото на Канал 5 не можеше да ги сокрие емоциите.

Втор дел од „Здраво Македонијо“ можете да го погледнете тука.

YouTube video

Тагови: животот Здраво Македонијо фамилија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мечки влегуваат во дворови во Русија: 16 лица загинаа за еден месец

Според анализата на „CNN“ на извештаите од руските медиуми, само во септември најмалку 16 лица загинале во напади од мечки низ Русија.

Мечки влегуваат во дворови во Русија: 16 лица загинаа за еден месец

Најтешко погоден е огромниот регион Краснојарск во централен Сибир, каде што оваа година седум лица ги загубиле животите во напади од мечки.

Руското Министерство за природни ресурси и животна средина наведува дека во земјата годишно вообичаено се регистрираат меѓу 20 и 30 напади од мечки врз луѓе. Оваа година, мечките навлегле во населени места во повеќе од 40 руски региони.

Жена нападната веднаш откако излегла од својот дом

Минатата недела во регионот Краснојарск, мечка убила 51-годишна жена откако таа излегла од својата куќа. Два дена претходно, еден чувар загинал во напад на паркинг за камиони во шумска област.

Претходно во септември, биле пронајдени и телата на две постари жени кои одделно отишле да берат печурки, нивните повреди укажувале на напад од мечка.

Смртоносни напади се случиле и на други места во Сибир. Во Тува, таткото на рускиот НХЛ-играч Андреј Кузменко загинал во напад од мечка додека рибарел кон крајот на септември. Во август, во регионот Алтај, мечка искинала шатор, одвлечкала 29-годишна жена во шумата и ја убила.

Зошто се приближуваат до луѓето?

Експертите со кои разговараше „CNN“ наведуваат неколку можни причини за порастот на опасните средби во одредени делови на Сибир.

Зоолозите како клучен фактор го посочуваат исклучително слабиот род на борови јатки и шумски плодови, што им го отежнува наоѓањето храна на мечките пред зимскиот сон. Големите шумски пожари исто така уништиле делови од нивното природно живеалиште.

Во есенскиот период, мечките интензивно бараат храна за да натрупаат доволно масни резерви за зимскиот сон. Доколку нема доволно храна во дивината, тие сè почесто се приближуваат до населби, депонии за отпад и други локации каде што храната е лесно достапна. Експертите исто така предупредуваат дека ширењето на индустриските активности во претходно оддалечени природни предели ја зголемува веројатноста за средби меѓу луѓето и мечките.

Полициски часови и затворање на паркови

Во текот на изминатите два месеца, властите во најмалку десет региони низ Сибир и рускиот Далечен Исток ги предупредија жителите за зголемена активност на мечките.

Во делови од регионите Алтај и Бајкал се воведени ноќни ограничувања на движењето, додека властите во Краснојарск го затворија Националниот парк „Краснојарски столбови“ и популарната планинарска патека на гребенот Торгашински.

Регионалните власти исто така формираа мобилни ловни тимови и нудат парични награди за убивање мечки. Во регионот Краснојарск се нуди награда од над 35.000 рубљи – приближно 420 долари – за нивно отстрелување.

По смртта на еден турист во регионот Алтај, убиени се повеќе од 50 мечки, а издадени се дозволи за отстрел на уште 157. Властите во регионот Краснојарск најавија отстранување на повеќе од 180 животни кои се сметаат за потенцијално проблематични.

Експерти: Масовниот отстрел нема да го реши проблемот

Зоологот Сергеј Колчин смета дека, иако отстрелот на агресивна мечка што навлегува во населено место понекогаш е неопходна итна мерка, сепак предупредува дека масовното убивање животни нема да го намали бројот на инциденти на долг рок.

Според него, суштинскиот проблем е лесно достапниот отпад што ги привлекува мечките кон населбите. Ако се убие една мечка во близина на депонија, друга може едноставно да го заземе нејзиното место.

Како долгорочни решенија, експертите ги наведуваат подоброто обезбедување на отпадот, едукацијата на жителите за тоа како да се однесуваат во живеалиштата на мечките, како и употребата на електрични огради и други средства за одвраќање.

Извор: Индекс.хр

Тагови: мечки русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и релативно топло

Утрото ќе биде ведро и студено, а преку денот сончево и релативно топло. 

Утре сончево и релативно топло

Ќе дува слаб ветер од северен правец. Минималната температура ќе биде во интервал од -3 до 8, а максималната ќе достигне од 20 до 28 степени.

Во Скопје, сончево и релативно топло со слаб ветер од северен правец. Минималната температура ќе се спушти до 3, а максималната ќе достигне до 26 степени.

Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и услови за локален дожд, a утринските температури ќе бидат во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Не е само „Volkswagen“: И моделите на овој бренд исто така може да имаат сериозен технички проблем

Германската управа за моторни возила (KBA) во петокот предупреди дека, покрај милиони возила на „Volkswagen“ и „Audi“ ширум светот, и околу 1,7 милиони возила на Шкода може да имаат потенцијално опасен дефект.

Не е само „Volkswagen“: И моделите на овој бренд исто така може да имаат сериозен технички проблем

Предупредувањето се однесува на потенцијално слаб шраф во механизмот за управување, кој е подложен на корозија. Во најлош случај, шрафот би можел да пукне, соопшти „KBA“.

Минатата недела, агенцијата објави дека сопствениците на 2,16 милиони возила на „Volkswagen“ – конкретно моделите „Tiguan“, „Touran“, „Golf Variant“, „Caddy“ и „Golf“ произведени помеѓу 24 септември 2013 и 1 јули 2024 година – треба да контактираат со сервисен центар за да се изврши проверка и евентуална замена на проблематичниот дел, пренесува „DPA“.

Истото важи и за моделот „Audi Q3“ произведен помеѓу 31 октомври 2017 и 23 мај 2024 година.

Истиот ден, групацијата „Volkswagen“ упати повик до сопствениците на овие возила да ги донесат на технички преглед.

Се чини дека и возилата на Шкода – кои исто така се дел од групацијата „Volkswagen“ – се погодени од истиот проблем со дефектниот шраф.

Истото важи и за засега неутврден број возила од шпанскиот бренд „SEAT“.

Меѓу моделите на Шкода, под лупа се „Kodiaq“, „Karoq“, „Octavia“ и „Superb“, соопшти „KBA“, без да прецизира датуми на производство.

Ова опфаќа околу 1,7 милиони возила ширум светот, вклучително и околу 370.000 во Германија.

Извор: Б92

Тагови: Volkswagen

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер