Иван Василевски ја доби наградата „Григор Прличев“ - Канал 5

Култура

Иван Василевски ја доби наградата „Григор Прличев“

Во рамките на традиционалната манифестација „Прличеви беседи“ што започна вчера во Охрид, на поетот Иван Василевски му беше доделена наградата „Григор Прличев“.

Иван Василевски ја доби наградата „Григор Прличев“
Василевски ја добива наградата за неговата поема „Азбукословецот“ со која учествуваше на конкурсот за најдобра поема на македонски јазик за 2013 година што го организираат редакцијата на Детска радост-Просветно дело од Скопје и Центарот за култура „Григор Прличев“ од Охрид.

Задоволството од добивањето на престижното признание како што истакна Василевски, е уште поголемо затоа што се совпаѓа со 1150-годишнината од одбележувањето на словенската писменост.

- Посебно ми е драго што оваа награда го носи името на великиот Григор Прличев, еден од најголемите македонски поети и најголем поет во македонскиот преродбенски 19-ти век. Мојата поема „Азбукословецот“ е посветена на еден друг голем гениј кој творел во Охрид, на великиот Свети Климент Охридски кој ја напиша кирилицата и остави огромно дело за македонскиот јазик и книжевност. Поемата му е посветена нему, но и на старомакедонската азбука, рече Василевски.

Писателот Милован Стефаноски, кој беше дел од стручното жири што ги оценуваше пристигнатите поеми, рече дека „Азбукословецот“ го заслужува местото да биде бисер во македонското лирско-епско творештво.

- Поривот на авторот за да го создаде ова дело е ликот, делото и значењето на Свети Климент за Македонскиот народ. Она што на некој начин е загатнато во насловот „Азбукословецот“, се проткајува од првиот до последниот стих на оваа поема и на многу убав начин му прави еден вид поетска вратка за заслугите и делото што го остави за македонскиот народ, изјави Стефановски.

Потсетувајќи на ликот и делото на ловороносецот Прличев, директорката на Центарот за култура „Григор Прличев“ Драгана Боцеска порача да се негува она што го започнал охридскиот преродбеник.

- Неговиот пркос како интелектуалец, уметник, патриот, како човек кој застанал на страната на поробените, како нераскинлив дел од народот и денес предизвикува восхит. „Совршенство или смрт“, е неговата поетска максима. Тоа нека биде инспирација на уметниците што доаѓаат по него, зашто уметноста, убавината и културата им пркосат на сите времиња, рече директорката на Центарот за култура „Григор Прличев“ Драгана Боцеска, најавувајќи го годинешниот конкурс за најдобра поема „Григор Прличев“.

Манифестацијата „Прличеви беседи“се одржува од 1952 година во организација на Центарот за култура и охридската библиотека кои го носат името на Прличев, а со поддршка од Министерството за култура на Република Македонија и Општина Охрид. Чествувањата продлжуваат утре со пригодна програма и полагање цвеќе и ловоров венец пред спомен-бистата и гробот на Григор Прличев. /Извор: МИА/

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Роџер Федерер се враќа на терен- прв противник му е еден од најголемите светски таленти

Роџер Федерер се пензионираше во 2022 година и оттогаш речиси и не играл, но сега реши да направи голем чекор напред.

Роџер Федерер се враќа на терен- прв противник му е еден од најголемите светски таленти

Швајцарскиот тенисер, еден од најдобрите на сите времиња, следниот месец ќе игра во Бразил против локалната надеж Жоао Фонсека. Тоа ќе биде првиот натпревар на Федерер против активен тенисер, играч кој моментално е во пад, а оваа година на Ролан Гарос беше фатален за Новак Ѓоковиќ.

Федерер беше гостин на Отвореното првенство на Австралија и Отвореното првенство на САД оваа година, делејќи ги терените со Агаси и Мекенро, како и други големи тениски легенди.

Федерер неодамна настапи во конкуренција на двојки, играјќи против Марат и Динара Сафин, како и против На Ли.

- Здраво, Роџер! Дали е тоа вистина? Дали доаѓаш во Бразил? - праша Фонсека на социјалните мрежи, по што следеше одговорот на Роџер:

- Здраво Жоао! Точно така, тајната е откриена. Да, конечно доаѓам во Бразил по толку години. Ќе се сретнеме во Сао Паоло во декември. Се гледаме на теренот, пријателе мој - рече Федерер.

Тагови: Роџер Федерер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Диди излегува од затвор порано отколку што беше планирано

Американскиот рапер Шон „Диди“ Комбс треба да биде ослободен од затвор порано од првично планираното. 

Диди излегува од затвор порано отколку што беше планирано

Неговиот датум на ослободување се менуваше неколку пати во последните месеци, а сега е повторно одложен, објавува TMZ.

Според најновите податоци од Федералното биро за затвори на САД, Комбс треба да биде ослободен на 6 февруари 2028 година. Дури минатиот месец, 2 март 2028 година беше споменат како датум на неговото ослободување, а претходно беа споменати и 21 јануари и 5 и 20 февруари истата година.

Имал проблеми во затворот

Промената на датумот доаѓа по низа проблеми што Комбс ги имал додека ја издржувал казната во Федералниот затвор Форт Дикс во Њу Џерси. Поради инцидентите, според TMZ, тој неодамна бил префрлен во затворот Аленвуд во Пенсилванија.

За време на престојот во Форт Дикс, тој наводно завршил во самица поради кршење на затворските правила. Исто така, имаше тврдења дека учествувал во тепачки и користел шверцувани мобилни телефони.

NBC News претходно објави и за наводниот преференцијален третман што Комбс го добил зад решетки. Според овие тврдења, тој им плаќал на други затвореници да го масираат, да му готват и да извршуваат секојдневни домашни работи.

Тој беше осуден на 50 месеци затвор

Да потсетиме дека во 2025 година, Диди беше прогласен за виновен по две точки од обвинението за транспорт на лица преку границите на американските држави со цел проституција, што го прекрши таканаречениот Манов закон.

Сепак, поротата го ослободи од посериозните обвиненија за рекетирање и трговија со луѓе за сексуална експлоатација.

За кривичните дела за кои беше прогласен за виновен, тој беше осуден на 50 месеци, или четири години и два месеци затвор.

Тагови: Пи Диди

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Десетици илјади на антивладини протести во Њу Делхи, бараат оставка од Моди

Десетици илјади луѓе се собраа во Њу Делхи за да протестираат против владата на Нарендра Моди, додека гневот расте низ цела Индија поради сеопфатната ревизија на избирачкиот список со која се отстранети 130 милиони имиња.

Десетици илјади на антивладини протести во Њу Делхи, бараат оставка од Моди

Опозицискиот сојуз на Индија, предводен од Конгресната партија, ги собра поддржувачите од целата земја на митинг во индискиот главен град.

Опозициските лидери велат дека ревизијата на избирачкиот список ѝ дава на владејачката партија Бхаратија Џаната (БЏП) на Нарендра Моди изборна предност и побараа оставка и отстранување на нејзиниот главен изборен службеник, Гјанеш Кумар.

БЏП ги отфрли обвинувањата, објавува Гардијан.

Опозицискиот лидер Рахул Ганди изјави на митингот дека Кумар „го извршил најголемиот злостор со обидот да го замолчи гласот на народот“.

Ганди рече дека обединетата опозиција нема да дозволи „демократијата во земјата да биде уништена“ и му рече на Моди дека „нема каде да бега“.

Најголемиот предизвик за режимот дојде во форма на протести предводени од млади, организирани од движење кое се нарекува себеси „Лебарки“, што доведе до оставка на еден од министрите на Моди, потсетува „Гардијан“.

Опозицијата, предводена од Ганди, ги загуби последните три циклуси општи избори од БЏП, бидејќи опозициските партии во голема мера не успеаја да се спротивстават на силната хинду националистичка реторика на БЏП, објави весникот.

Прашањето за ревидирање на избирачките списоци беше покренато минатата година, но неодамна стана национален скандал откако истрагата на весникот „Индијан експрес“ откри неправилности и несогласувања во рамките на Изборната комисија околу спроведувањето на процесот.

Милиони луѓе кои според сите стандарди треба да имаат право на глас открија дека нивните имиња недостасуваат од избирачките списоци, при што муслиманите и малцинствата се непропорционално погодени.

„Хјуман рајтс воч“ оваа недела изјави дека обвинувањата покренуваат „сериозни прашања за фер однос на идните избори во Индија“. Партијата БЏП се обиде да ги отфрли протестите на опозицијата како анархија.

Тагови: Моди Њу Делхи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер