Итно соопштение од УЕФА – остро удрија по Џани Инфантино: „Доста е со сомнителни зделки и задкулисни игри“ - Канал 5

Фудбал

Итно соопштение од УЕФА – остро удрија по Џани Инфантино: „Доста е со сомнителни зделки и задкулисни игри“

Европската фудбалска асоцијација УЕФА официјално објави дека куќата на светскиот фудбал, ФИФА официјално одлучила да се откаже од планот за продажба на дел од сопственоста на Светското првенство на странски инвеститори. 

Итно соопштение од УЕФА – остро удрија по Џани Инфантино: „Доста е со сомнителни зделки и задкулисни игри“

Европската фудбалска организација сега издаде соопштение во кое ја поздравува таквата одлука. УЕФА беше таа што го покрена отпорот против овие планови на Џани Инфантино.

Сите 55 членки на УЕФА изјавија дека нема да учествуваат во тој проект и дека воопшто не размислуваат за настап на Светското првенство.

Ова ја поттикна КОНКАКАФ да го стори истото, па така проектот за продажба на Светското првенство сега е стопиран.

Во соопштението, кое го пренесуваме во целост, УЕФА упати остри критики кон ФИФА и, пред сè, кон Џани Инфантино, кој е директно спомнат, критикуван и повикан на одговорност.

Соопштението на УЕФА:

„УЕФА ја поздравува одлуката на ФИФА да се повлече од планот за продажба на удел во своите натпреварувања, вклучително и Светското првенство, на приватни субјекти. Предлогот беше едногласно отфрлен од фудбалските асоцијации членки на УЕФА, како и од многу други асоцијации и федерации ширум светот чија задача е да го штитат фудбалот.

УЕФА им се заблагодарува на навивачите, лигите, клубовите, играчите, истакнатите личности, асоцијациите и федерациите кои се спротивставија на ова, како и на премиерите и шефовите на држави кои му покажаа на претседателот на ФИФА дека фудбалот не е на продажба. Не можеме да продолжиме со вакви тајни договори, подготвувани од анонимни поединци и туркани насила, кои не носат никаква непосредна корист. Треба да ги идентификуваме одговорните и да ги повикаме на одговорност.

Правилно е УЕФА во наредните денови и недели тесно да соработува со своите асоцијации и со другите федерации за да разбере како дошло до ова и да изготви план за да се спречи тоа да се повтори. Анализата на ситуацијата мора да биде сеопфатна и не смее да се отфрли ниту едно можно решение. Актуелното раководство на ФИФА не само што ја изгуби довербата на УЕФА и на многу други...

Кога Џани Инфантино побара доверба за да биде избран за претседател во 2016 година, тој рече: „Се разбира дека ќе бидеме транспарентни. Поминав 15 години во УЕФА и човек мора секојдневно да биде дел од животот на ФИФА. Парите на ФИФА се ваши пари, а не пари на претседателот на ФИФА. Националните сојузи и вие мора да ги користите парите на ФИФА за развој на фудбалот, и за ништо друго“. Тој не исполни ниту едно од тие ветувања. Нетранспарентните договори зад затворени врати, како и чудните зделки што ги склучуваше и се обидуваше да ги наметне, беа сè друго освен транспарентни. И покрај резервите од 5 милијарди долари, тој не ги искористи средствата за да придонесе кон развојот на фудбалот. УЕФА веднаш ќе започне соработка со партнери ширум светот за да предложи нов начин на трошење на ресурсите. Мораме да почнеме да ги користиме парите од сметката на ФИФА за соодветни инвестиции во 211-те земји-членки на ФИФА. Не мораме да го распродаваме семејното сребро за да го платиме тоа. Ова е победа за целиот спорт. Но, приказната не смее да запре тука. Предлогот беше отфрлен, но трансформацијата на ФИФА штотуку започна“, се наведува во опширното соопштение на УЕФА.

Тагови: УЕФА ФИФА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Навивачка акција во Мадрид- низ целиот град е пречкртан бројот 19 (ФОТО)

Навивачите на Атлетико Мадрид очигледно немаат трпение со Хулијан Алварез. 

Навивачка акција во Мадрид- низ целиот град е пречкртан бројот 19 (ФОТО)

Од утрово, околината на клупскиот тренинг центар во Мајадахонда беше облепен со пораки насочени против една од најголемите ѕвезди на тимот. На столбовите околу тренинг центарот се појавија натписите „Хулијан фуера“, односно „Хулијан, замини“, како и симбол на сообраќаен знак со вкрстениот број 19, кој Алварез го носи на дресот на Атлетико Мадрид.

Фотографиите ги објавија и шпанските медиуми, меѓу нив и Мундо Депортиво. Дел од навивачите многу јасно ставија до знаење што мислат за неговата желба да го напушти клубот ова лето. Реакцијата не дојде ненадејно. Односот меѓу Алварез и дел од навивачите беше нарушен за време на Мундијалот, кога Аргентинецот јавно објави дека сака да го напушти Атлетико.

„Мислам дека трансферот би бил најдобар за сите. Сакам да го остварам мојот сон“, изјави тогаш Алварез. Тој не го кажа името на Барселона, но во Шпанија немаше многу сомнеж за кој клуб станува збор. Веќе еден ден по неговата изјава, Мундо Депортиво пишуваше за навивачите на Атлетико кои се снимаа како го палат неговиот дрес.

Тој ја сака само Барселона, а Атлетико нема да го пушти таму

Сага оттогаш стана една од најголемите зделки во овој преоден рок. Барселона го сака 26-годишниот аргентински напаѓач, Алварез ја сака Барселона, но Атлетико одбива да преговара за негова продажба на директен ривал.

Според информациите на Кадена СЕР, понудата на Барселона била околу 100 милиони евра. Атлетико не го прифати, а извршниот директор Мигел Анхел Гил Марин во текот на летото јавно објави дека клубот нема да прифати 100, 150 или 200 милиони евра за Алварез. Неговата откупна клаузула изнесува 500 милиони евра, а договорот му трае до 2030 година.

Дополнителен проблем за сите инволвирани се појави изминативе денови. Во петокот, AS ја опиша ситуацијата како „неповратна“ и објави дека Алварез ја отфрлил можноста за преселба во Арсенал. Се вели дека спортскиот проект на англискиот шампион и финалист во Лигата на шампионите од минатата сезона е привлечен за него, но Алварез не сака повторно да живее во Англија.

Според АС, важна причина е неговото семејство и проблемите што би ги имале неговите членови со визите и подолг престој во таа земја. Тој имаше слични тешкотии за време на неговиот престој во Манчестер Сити. Неговата желба е Барселона. Проблемот е што ова е единствениот клуб на кој Атлетико категорично одбива да го продаде.

Тој не одби да тренира

Шпанскиот AS донесува важен детал поврзан со однесувањето на Алварез во текот на целата сага. Наспроти тврдењата кои се појавија во дел од странските медиуми, Аргентинецот не се декларира како незадоволен играч кој одбива да ги исполни своите обврски.

АС наведува дека по Светското првенство се вратил во клубот токму кога било договорено и дека немало бојкот на тренинзите или бунт. Тој во изминатите 11 дена тренира нормално во Мајадахонда, иако шпанскиот весник го опишува неговото расположение како сериозно и прилично мрачно.

Алварез разговарал и за својата ситуација со Диего Симеоне. Кадена СЕР извести дека средбата била мирна. Напаѓачот му повтори на тренерот дека би сакал да си замине доколку се отвори можност за трансфер, додека Симеоне одговори дека клубот смета на него и дека стручниот штаб ќе му помогне во спортскиот дел.

Тој претходно имаше сличен разговор со спортскиот директор Матеу Алемани. Одговорот беше ист: Атлетико смета на него, а вратата на Барселона останува затворена. Кадена СЕР нагласува дека Алварез нема намера да предизвика конфликт за да изнуди трансфер.

Соиграчите се со него, но сметаат дека треба да им се извини на навивачите

Интересно е и расположението внатре во соблекувалната. Кадена СЕР објави дека Алварез има поддршка од соиграчите, но и дека дел од тимот смета дека треба јавно да им се извини на навивачите поради начинот на кој започна целата приказна за време на Мундијалот.

Алварез веќе им призна на соиграчите дека направил грешка во начинот на кој се справил со целата приказна околу Барселона и им порача дека се додека е член на Атлетико ќе биде целосно посветен на тимот. Првиот вистински тест за неговиот однос со трибините допрва доаѓа. Алварез не беше во составот за победата од 2-0 против Малага во првото коло од Ла Лига, но причината, според Симеоне, не бил пеналот.

Нему му треба уште малку тренинг за да биде во најдобра состојба. Тој е нашиот најдобар офанзивен играч“, изјави Симеоне пред натпреварот. По Светското првенство, Алварез подоцна се приклучи на подготовките и се уште не беше доволно подготвен за игра. AS пренесува дека тој би можел да биде во тимот во недела против Виљареал на Метрополитен.

Доколку игра, тоа ќе биде негова прва средба со навивачите на Атлетико од летото на која јавно побара да си замине. Пораките што се појавија околу тренинг центарот во петокот даваат прилично добар показател за тоа каков дочек би можел да го чека.

Тагови: Мадрид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Сите мислеле дека е безвредна глава од лисица, а тој ја платил 73.000 евра: Ова е изумрен лав! (ВИДЕО)

Колекционер од Есекс верува дека го спасил она што го нарекува „Светиот Грал“ откако на аукција купил препариран примерок од одамна изумрено животно .

Сите мислеле дека е безвредна глава од лисица, а тој ја платил 73.000 евра: Ова е изумрен лав! (ВИДЕО)

Необичната препарирана глава била понудена за само 58 евра минатата недела и била опишана како „стара лисица“. Сепак, Џејмс Кренфилд знаел дека е нешто „многу повредно“ и го повикал својот пријател да му помогне да ја обезбеди добитната понуда од 73.000 евра!

„Не кријам ништо“

„Никогаш нема да најдам ништо подобро“, рекол 38-годишникот, кој планира да го изложи примерокот во својот музеј „Cranfield's Curiosity Cabinet“.

„Сакам да биде достапен за академици и луѓе од научната заедница. Исто така, би сакал да биде изложен, во соодветни институции или музеи. Не кријам ништо. Го спасив од заборав“, додаде тој.

Дури по подетален поглед, Кренфилд сфатил што има пред себе, објавува Би-Би-Си.

Крај на еден вид во зоолошката градина

Ова е препарирана глава на тасмански тигар (Thylacinus cynocephalus), животно кое изумрело пред околу 90 години.

Видот бил доведен до истребување поради лов, болести и уништување на живеалиштата, а последниот познат примерок умрел во зоолошката градина во Хобарт во 1936 година.

Кранфилд првично планирал да го додаде примерокот во својата колекција од 200 препарирани глави од лисици, сè додека не погледнал подетално.

„Помислив: „Тоа не е лисица“, а потоа, како гром од ведро небо, ме погоди“, рече тој.

Морал да ги изброи секачите!

За време на десетдневното истражување пред аукцијата, забележал дека на главата ѝ недостасува заб од секачот карактеристичен за лисици, кучиња или чакали.

Откритието го натерало него и неговата свршеница да патуваат три и пол часа до аукциската куќа во Бристол, каде што сакал да направи последна проверка - да ги изброи секачите.

Шест секачи би биле разочарување, додека осум би укажувале дека станува збор за тасмански тигар!

„Ѝ дадов знак на Франческа дека е вистински. Влеговме во автомобилот и реков: „Ова е неверојатно, ова е Светиот Грал, мора да го освоиме“, откри тој.

Дали има уште една глава?

Кога аукционерот го спушти чеканот, Кренфилд вели дека „речиси се онесвестил“. Тој и денес останува емотивен кога зборува за поддршката што ја добил од неговата свршеница Франческа и пријателите.

„Како човек кој не е особено богат, одеднаш помислив: „Тоа се многу пари“. Но, знаев дека го направив правилното“, рече тој.

Кренфилд тврди дека постои уште една препарирана глава од ова изумрено животно, но никој не знае каде е.

Тагови: лисица

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Турција му се нафрли на Нетанјаху- бара за него црвена потерница од Интерпол

Турција денеска објави дека ќе побара од Интерпол да издаде црвена потерница за израелскиот премиер Бенјамин Нетанјаху.

Турција му се нафрли на Нетанјаху- бара за него црвена потерница од Интерпол

Овој потег е дел од домашен кривичен случај поради напади врз активисти кои се обидоа да достават хуманитарна помош во Газа, објави Ројтерс.

Турција, членка на НАТО, остро ги критикуваше нападите на Израел врз Газа и претходно издаде домашни потерници за Нетанјаху поради војната во енклавата. Анкара постојано повикуваше на меѓународна акција против Израел за она што го нарекува кршење на човековите права и меѓународното право, обвинение што Израел го отфрла.

Новиот правен чекор беше поттикнат од инцидентот во мај кога израелските сили отворија оган врз најмалку два брода од флотилата „Глобал Сумуд“ во меѓународни води. Тоа беше уште еден обид за доставување хуманитарна помош во Газа откако Израел претходно блокираше слични мисии.

Турскиот министер за правда Акин Гурлек потврди на социјалната мрежа X дека се издадени потерници за Нетанјаху и уште еден осомничен. Како дел од постапката против вкупно 35 лица за пресретнување бродови во меѓународни води, тие се обвинети за геноцид, злосторства против човештвото и тортура.

„Врз основа на издадените налози за апсење против Бенјамин Нетанјаху, нашето Министерство за правда побара од Министерството за внатрешни работи да издаде црвени потерници на Интерпол за нив, за да можат да се бараат на меѓународно ниво“, рече Гурлек. Тој исто така рече дека Турција ќе ги искористи сите законски механизми за да го повика Израел на одговорност за неговите злосторства во Газа.

Црвената потерница е барање до полициските сили ширум светот да лоцираат и привремено да притворат лице во исчекување на екстрадиција. Интерпол го разгледува секое барање од земја-членка пред да одлучи да издаде потерница.

Израелски одговор

Кога беше прашан за изјавата на Гурлек, кабинетот на Нетанјаху рече: „Патетичниот обид на турскиот претседател Таип Ердоган да ги заплаши лидерите и војниците на Израел, единствената вистинска демократија на Блискиот Исток, нема да успее“.

И Сирија се заострува

Односите меѓу Турција и Израел се затегнаа и оваа недела поради Сирија. Израел изврши воздушни напади врз воздухопловна база каде што, според израелските тврдења, би можеле да бидат распоредени турски сили. Тој напад беше осуден од Анкара и критикуван од САД. Сирија објави дека не планира да стационира турски војници во таа база.

Израел е вознемирен од турското влијание во Сирија, каде што Анкара е сојузник на претседателот Ахмед ал-Шара, кој го собори долгогодишниот лидер Башар ал-Асад во 2024 година. Од друга страна, Анкара тврди дека реториката и потезите на Израел во Сирија се мотивирани од претстојните парламентарни избори во Израел, закажани за октомври.

Тагови: Бенјамин Нетанјаху турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер