Итен апел од белгиските власти: Подгответе храна и вода за три дена, батериска лампа и радио - Канал 5

Европа

Итен апел од белгиските власти: Подгответе храна и вода за три дена, батериска лампа и радио

Белгискиот национален кризен центар ја започна кампањата „Подгответе се заедно“, со која официјално ги повикува граѓаните да подготват комплет за итни случаи што содржи храна и вода за три дена, батерија и радио за итни случаи.

Итен апел од белгиските власти: Подгответе храна и вода за три дена, батериска лампа и радио

Кампањата има за цел да ја зајакне отпорноста на општеството и да поттикне поголемо вклучување на граѓаните во реагирањето на кризи што можат да се појават „насекаде и во секое време“, соопшти Националниот кризен центар, според VRT.

„Свеста и подготвеноста на самите граѓани се клучни за што е можно поефикасно реагирање на итни случаи. Секако нема потреба од паника, но секогаш е добро да се биде подготвен“, нагласи белгискиот министер за внатрешни работи, Бернар Кентин, во емисијата „De Ochtend“ на Радио 1.

Тој додаде дека во Белгија недостасува „култура на безбедност“.

„Мора да разбереме дека не живееме во истиот свет како пред 20 години. Го видовме тоа во Газа, во Украина, но ова важи и за природните катастрофи. И се надеваме дека ова никогаш нема да биде потребно“, рече тој.

Кризниот центар нагласува дека целта не е да се предизвика страв, туку да се подигне свеста.

„Со години даваме совети за вонредни ситуации, за да можат сите да бидат што е можно подобро подготвени и службите за итни случаи да се концентрираат на оние на кои им се најпотребни“, велат од Центарот.

Посебен акцент се става и на навремените информации, а на граѓаните им се препорачува да користат официјални канали како што се системот за предупредување BE-Alert, локалните медиуми и веб-страницата на Кризниот центар, за да можат брзо да пристапат до сигурни информации во кризни ситуации.

„За време на катастрофи, секој треба да знае каде да бара проверени информации. Во такви времиња, лажните вести брзо циркулираат, а некои дури и профитираат од нив“, изјави портпаролот на Кризниот центар.

Планот на кампањата предвидува постепено проширување на темите, вклучувајќи ги и потенцијалните нуклеарни ризици.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Силен земјотрес ги погоди Филипините

Земјотрес со магнитуда од 5,4 степени ги погоди Филипините денес, соопшти Европско-медитеранскиот центар за предупредување од земјотреси и цунами (EMSC).

Силен земјотрес ги погоди Филипините

Епицентарот на земјотресот бил на море, на длабочина од 35 километри.

Нема веднаш извештаи за повредени или штети.

Не е издадено предупредување за цунами.

Покрај честите земјотреси во областа неодамна, Филипините се справуваат и со обилни дождови предизвикани од силна бура, во која загинаа 15 лица во лизгање на земјиштето на југот од земјата.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Димитриевски за Изборниот законик: Подобро е да донесете нешто отколку ништо

Подобро е да се донесе нешто, отколку да не се донесе ништо, оцени лидерот на ЗНАМ, Максим Димитриевски.

Димитриевски за Изборниот законик: Подобро е да донесете нешто отколку ништо

Тој даде одговор на новинарско прашање дали може да се очекува скоешно усвојување на нов Изборен законик.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Работник загина при пад од височина на градилиште во Скопје

Педесет и двегодишен работник од Куманово загина при изведување градежни работи на објект во изградба во скопската населба Гази баба, соопшти Министерството за внатрешни работи.

Работник загина при пад од височина на градилиште во Скопје

Според информациите од МВР, несреќата била пријавена вчера попладнето на 10 јули околу 14:05 часот, кога тој паднал од височина додека работел на градилиштето. Лекар од Итната медицинска помош констатирал смрт на местото на настанот. Според здружението за заштита при работа, лани во земјава загинале 31 работник, што е речиси двојно повеќе во однос на 2024-та, кога биле регистирани 17 жртви.

Тагови: градилиште

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер