Италијанското одделение за борба против мафијата отвори истрага за подметнатата бомба под автомобилот на новинарот Ранучи - Канал 5

Свет

Италијанското одделение за борба против мафијата отвори истрага за подметнатата бомба под автомобилот на новинарот Ранучи

 Италијанското одделение за борба против мафијата отвори истрага за експлозијата на автомобилот на истражувачкиот новинар Зигфрид Ранучи.

Италијанското одделение за борба против мафијата отвори истрага за подметнатата бомба под автомобилот на новинарот Ранучи

Автомобилот на ќерката на Ранучи синоќа експлодира пред нивниот дом, што се наоѓа на околу 20 километри од Рим. Во нападот никој не е повреден.

Ранучи кој е дел од истражувачката мрежа „Репорт“ на италијанската државна телевизија РАИ 3, е под полициска заштита од 2021 година и повеќе пати е обвинет за клевета.

Ранучи изјави дека експлозијата претставува ескалација на долгогодишните закани против него и оти верува дека нападот е поврзан со истрагите на „Репорт“ за поврзаноста на италијанската мафија и десничарските криминални групи.

- Секој што мисли дека може да ја условува работата на „Репорт“ правејќи нешто вакво, ќе има спротивен ефект, посочи Ранучи.

Премиерката на Италија, Џорџа Мелони експлозијата ја оцени како „сериозен чин на заплашување“ и го осуди нападот.

Слободата и независноста на информациите се суштински вредности на нашите демократии, кои ќе продолжиме да ги браниме, истакна Мелони.

Неколку италијански новинарски здруженија и политичари изразија солидарност со Ранучи.

Експлозијата се случи на осмата годишнина од убиството на малтешката новинарка Дафне Каруана Галиција, која загина во многу сличен напад.

Тагови: Бомба Ранучи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. Ќе дува слаб до умерен ветер од северен правец. 

Утре сончево и топло со мала до умерена облачност

Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 10 до 21, а максималната ќе достигне од 32 до 39 степени.

Во Скопје, сончево со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи. Минималната температура ќе се спушти до 18, а максималната ќе достигне до 37 степени.

Во следните денови времето ќе биде сончево и топло со мала до умерена облачност. Во попладневните часови ќе има услови за локална појава на нестабилност со пороен дожд, грмежи и засилен ветер. Особено топло ќе биде во петок и за време на викендот кога температурите секаде ќе бидат над 32 степена.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ ја менува долгогодишната традиција: Новиот „iPhone“ добива промена што никој не ја сака

„Apple“ со години избегнуваше да се натпреварува со конкурентите на „Android“ во капацитетот на батеријата, но со доаѓањето на серијата „iPhone 18“, работите драстично се менуваат.

„Apple“ ја менува долгогодишната традиција: Новиот „iPhone“ добива промена што никој не ја сака

Иако неколку месеци не делат од официјалната премиера на новата генерација телефони на „Apple“, веќе циркулираат инсајдерски информации. Според податоците од кинеската регулаторна база на податоци „3C“, објавени од познатиот типстер „Digital Chat Station“, „iPhone 18 Pro Max“ ќе има значително поголема батерија, но затоа ќе биде значително подебел и потежок.

Поради зголемените барања за вештачка интелигенција (Apple Intelligence), компанијата е принудена да ја промени својата филозофија за тенок дизајн. Новиот „iPhone 18 Pro Max“ наводно доаѓа со масивна батерија со капацитет од дури 5.567 mAh (во eSIM верзијата). За споредба, претходниот „iPhone 17 Pro Max“ имаше батерија од 5.088 mAh. Помалиот „iPhone 18 Pro“ исто така ќе добие сериозно подобрување, чиј капацитет се зголемува на 4.288 mAh.

Отстранувањето на слотот за физичка SIM картичка ослободува вреден простор во куќиштето за дополнителни милиампер-часови. Кога овој хардверски скок ќе се комбинира со новата генерација енергетски ефикасни чипови „A20 Pro“ (направени на 2nm процес), аналитичарите предвидуваат дека „iPhone 18 Pro Max“ би можел да понуди најдобра автономија во историјата на паметните телефони, што би можело да им конкурира на „Android“ телефоните со батерии од дури 7.000 mAh.

Фото: ВИ

Извор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер