Италијанските стрип автори Рекиони и Акарди гости на вториот „Стрип трип“ - Канал 5

Култура

Италијанските стрип автори Рекиони и Акарди гости на вториот „Стрип трип“

Во кино „Фросина“ во МКЦ денеска ќе биде отворен дводневниот втор фестивал „Стрип трип“ на кој земја во фокусот годинава е Италија.

Италијанските стрип автори Рекиони и Акарди гости на вториот „Стрип трип“

Со поддршка на Амбасадата на Италија во Скопје, ќе гостуваат двајца познати стрип автори - Роберто Рекиони и Андреа Акарди кои ќе учествуваат на трибина на која ќе биде промовирана книга со првите две епизоди од македонскиот превод на стрип-серијалот „Чанбара“ што за нашата публика ги објавува стрип-издавачот „Бункер“.

Сценаристот Рекиони и цртачот Акарди заедно работат на серијалот „Чанбара“ - термин од јапонската култура за кодекс на самураите во 17 век. „Бункер“ ги откупил правата од италијанскиот издавач за превод на целиот серијал, а во оваа пригода во една книга ќе бидат промовирани првите две епизоди. Во план е во иднина да биде покриен целиот серијал со девет епизоди.

Рекиони е познат по работата на многу стрип-серијали во Италија, од кои кај нас најпознат е Дилан Дог за кој потпишал неколку познати епизоди. Десет години бил и главен уредник на италијанскиот гигантски издавач на стрипови „Серџо Бонели“.

Стрип цртачот Андреа Акарди, пак, работи на повеќе серијали и е познат по вестерн стрипот „Текс Вилер“ - најдолговечниот и најпопуларен стрип во Италија кој излегува од 1949 година.

Пред трибината и промоцијата на „Чанбара“, во рамки на „Стрип трип“ ќе бидат презентирани дела од македонски стрип автори и ќе бидат доделени награди.

Наградата „Македонско стрип наследство“ ќе му биде врачена на дојаенот на македонскиот стрип Миле Топуз, а ќе биде доделена и награда „Македонска стрип иднина“ од конкурсот „Самураи во твојот град“ на кој пристигнале над 60 дела од млади автори од десет градови.

За оваа награда ќе одлучува тричлено жири, во состав: Корнелија Коневска од галерија „Остен“, италијанскиот амбасадор Андреа Силвестри. и Здравко Гиров од Здружението МакСтрипови.

На изложбите кои се отворени на фестивалот ќе има и комбинирање на стрип со театар односно сценски подготвени ликови на Дилан Дог и самураи кои се главните теми на второто издание на „Стрип трип“.

Фестивалот утре ќе продолжи со промоции на дела од македонски стрип автори – Владимир Богојевиќ, Гаја Смилевска, Дамјан Михаилов, промоција на „Стрип квадрат“, поткаст „Дебели Гикови“ и ќе заврши со две трибини. На хартија ќе бидат објавени и дела создадени од одржаната Стрип школа за средношколци, а напладне на платото пред МКЦ ќе има и работилница за млади стрип таленти.

За второто издание на фестивалот „Стрип трип“ е подготвен постер на авторот Гоце Илиевски. „Стрип трип“ првпат се одржа минатата година кога земја во фокусот беше Србија./MИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Страшна несреќа во Бразил: Најмалку 22 мртви

Најмалку 22 лица загинаа во судир помеѓу минибус и камион на автопат во бразилската држава Парана, соопшти денес Федералната сообраќајна полиција.

Страшна несреќа во Бразил: Најмалку 22 мртви

Уште пет лица се повредени во несреќата, која се случи рано утрово, објави „CNN“. Повеќето од загинатите биле патници во минибус кој припаѓал на здравствената служба на општината Имбитува.

Возачот на камионот, исто така, починал. Повредените се однесени во болниците во Понта Гроса. Минибусот патувал од Имбитува до болниците во пошироката област Куритиба, додека камионот патувал од Карамбеј до Прудентополис.

На местото на несреќата интервенирале членови на Федералната сообраќајна полиција, цивилната полиција, брзата помош, противпожарната служба и екипи од концесионерот Виа Араукарија, кој управува со делницата.

Фото: X

Тагови: Бразил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Иран до земјите од заливот: Секоја помош за американската армија ќе ја сметаме за учество во војната

Иран ги предупреди земјите од заливот да не даваат никаква помош на американската војска, нагласувајќи дека тоа ќе го смета за поддршка на  воените операции на Вашингтон против Исламската република.

Иран до земјите од заливот: Секоја помош за американската армија ќе ја сметаме за учество во војната

„Сакаме да предупредиме: секоја помош или соработка што и се дава на агресорската американска армија е еднаква на учество во воените операции на САД“, изјави началникот на генералштабот на иранските вооружени сили, Али Абдолахи.

Во меѓувреме, Иран ги негираше обвинувањата дека вчера вечерта испалил ракети врз Обединетите Арапски Емирати, опишувајќи ги како „целосно неосновани“, јави ДПА. Претходно, министерството за одбрана на емиратите објави дека биле пресретнати две балистички ракети лансирани од Иран.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Вашингтон им ја мери „лојалноста“ на НАТО сојузниците

Администрацијата на американскиот претседател Доналд Трамп испратила до земјите членки на НАТО прашалник со кој, со цел да ја оцени нивната лојалност со американската политика..

Вашингтон им ја мери „лојалноста“ на НАТО сојузниците

Како што објави Блумберг, прашалникот навлегува токму во темите што го делат Вашингтон од дел од европските сојузници, како американските воени активности против Иран и односот кон Николас Мадуро.

Земјите требале да одговорат и за европските набавки на оружје и дали тие ги насочуваат кон домашни или кон американски компании..Белата куќа, според медиумите, поставила и директни прашања за американската надворешна политика и од членките се бара да наведат дали јавно ги поддржале позициите на Вашингтон. Прашалникот стигнува и до американското воено присуство во Европа. Земјите исто така треба да наведат какви ограничувања поставиле за користењето на нивните бази од американските сили.. Извори од нато ваквите чекори ги доживуваат како обид за наметнување идеолошка линија. Според нив, политичката усогласеност се става во равенка со американската воена заштита.. Дел од сојузниците сметаат дека пристапот „безбедност преку лојалност“ ги поткопува темелите на трансатлантските односи воспоставени по Втората светска војна., пишува Блумберг..

Тагови: НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер