Свет

Италијански свештеник е осомничен за мистериозна смрт на новороденче во црква

Непозната жена оставила бебе во парохиски инкубатор во црквата Сан Џовани Батиста во Бари, Италија.

Новородено бебе било пронајдено мртво, што поттикнало истрага, која се фокусира на повеќе траги.

Првата е проверка на снимките од надзорните камери околу црквата, не само на денот кога бебето било пронајдено мртво, на 2 јануари, туку и проверка на болниците, особено меѓу жените кои се породиле во декември.

Како што пренесува Corriere Della Sera, ова не се едноставни истраги: прегледувањето на снимките од камерата е комплицирано поради фактот што точниот датум кога новороденчето било оставено во црквата е непознато, а проверките во болниците може да се покажат бескорисни. Можно е бебето да е родено дома или, можеби, надвор од градот и донесено во Бари.

Сите овие патеки на истрага ги спроведува мобилната единица од Бари, координирана од заменик-обвинителот Чиро Ангелилис и обвинителката Ангела Мореа, врз основа на една потврдена информација: бебето починало од смрзнување.

Истрагата се води на два фронта. Првиот се однесува на напуштање дете, за што засега се осомничени непознати лица. Вториот се однесува на убиство од небрежност, за што под истрага се парохискиот свештеник Дон Антонио Рука и мајсторот Винченцо Нанокио, кои на 14 декември го замениле грејното напојување на инкубаторот во кој било оставено бебето поради неколку прекини на струја во црквата. Инспекторите треба да утврдат зошто алармниот систем на термо лулката, кој бил поврзан со телефонот на парохискиот свештеник, не работел и не го пријавил присуството на бебето. Затоа ќе се изврши стручна проценка на лулката.

Бебето можело да умре во црквата или, како што тврдел парохискиот свештеник од самиот почеток (иако без докази), бебето можеби веќе било мртво кога го ставиле во лулката. Во меѓувреме се чекаат одобренија од Обвинителството за продолжување на подготовките за погребот на бебето.

Бебето тежело 2,8 килограми и имало помалку од еден месец. Роберто Саварезе, сопственикот на погребалното претпријатие и првиот човек што го пронашол бебето тоа утро, ќе го погреба новороденчето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Поранешен истражувач алармираше дека вештачката интелигенција е закана за човештвото

Шефовите на водечките компании за вештачка интелигенција сè погласно предупредуваат на ризиците од трката во развојот на сè помоќни AI системи.

Дел од нив отворено повикуваат на поголема претпазливост и безбедносни механизми, додека политичари и експерти бараат и построга регулација. Дарио Амодеи, извршниот директор на Anthropic, директно повикува да се забави темпото на развојот.

-Мојата прва загриженост е што, од приближно летово, вештачката интелигенција напредува драматично побрзо, пред сè поради сè поголемата способност на AI да ја гради следната генерација на AI. Ако не се контролира, овој процес би можел да ја надмине нашата способност да ги разбереме и контролираме овие системи. Затоа, со него мора да се постапува исклучително внимателно — доколку воопшто продолжи.

На ризиците од брзиот развој претходно предупредуваа и други влијателни имиња од технолошкиот сектор, меѓу нив и Сем Алтман, извршниот директор на OpenAI, како и Илон Маск, кој со години предупредува дека напредната вештачка интелигенција може да носи сериозни ризици доколку не биде соодветно контролирана.

Предупредувањата не доаѓаат само од технолошкиот сектор. Американскиот сенатор Берни Сандерс бара уште порадикален чекор – пауза во развојот на напредната вештачка интелигенција, додека не се воспостават јасни безбедносни правила.

-Ако лидерите на големите АИ компании признаваат дека губат контрола над нивната екстремно оасна технологија, според мене е неодговорно за општеството да им дозволи да продолжат д аги прават овие продукти дури многу понапредни и многу поопасни. Неопходно е да се стави на „пауза“ овој напреден развој и трајна забрана на супер-разузнавањето и вештачките умови попаметни од секој човек способен да работи независно надвор од нашата контрола. – Берни Сандерс

Поранешниот американски претседател Барак Обама повикува на јавна регулација и надзор, за AI да не биде во корист само на неколку богати корпорации, туку на луѓето пошироко.

-Важно е да постои јавна регулација која ќе го насочува развојот на оваа технологија, за таа да не им користи само на неколку богати корпорации, туку на луѓето пошироко. Тоа ќе помогне и да се спречат негативните последици од вештачката интелигенција, како дезинформациите и дипфејк-содржините. - Барак Обама – Поранешен претседател на САД

Во меѓувреме, трката продолжува. OpenAI, Anthropic, Google и другите технолошки гиганти инвестираат милијарди во развој на нови и помоќни модели, додека истовремено расте притисокот врз владите да воспостават правила за нивна безбедна употреба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.