Здравје

Италијански доктор: Чудно воспаление на белите дробови кружеше на северот од Италија уште во ноември

Доктор од Италија го шокираше светот со своето тврдење дека уште во ноември  лани во Ломбардија се појавило чудно воспаление на белите дробови.

Чудно воспаление на белите дробови кружеше на северот од Италија уште во ноември", неколку недели пред докторите да станат свесни за избивањето на новиот коронавирус во Кина, изјави еден од водечките медицински стручњаци во Италија, докторот Џузепе Ремуци.

„Тие(лекарите од општа пракса“ се сеќаваат дека виделе необична пневмонија, многу тешко воспаление на белите дробови, посебно кај повозрасните лица во декември, дури уште во ноември“, изјави директорот на Институтот „Марио Негри“ за фармаколошки истражувања во Милано , докторот Џузепе Ремуци во интервју за Националното јавно радио на САД.

-Тоа значи дека вирусот циркулирал, барем во Ломбардија, и пред ние да станеме свесни дека оваа епидемиј се случува во Кина.

Оваа изјава на докторот Ремуци доаѓа во време кога научниците се уште истражуваат за потеклото на коронавирусот. Кинескиот стручњак за респираторни болести Зонг Наншан претходно изјавил дека иако Кина прва пријавила патоген, се уште не е сигурно откаде вирусот всушност доаѓа.

Докторот Ремуци истакнал дека дури неодамна ги слушнал изјавите на италијанските доктори за чудната пневмонија во ноември, што значи дека вирусот се ширел претходно без знаење на луѓето.

Во Италија досега има повеќе од 63000 потврдени случаи на заразени со коронавирус.

Свет

Невреме со грмотевици и силен ветер во западна, централна и јужна Турција

Невреме со грмотевици денеска ја зафати западна и централна Турција. Силен дожд врне во многу турски окрузи, вклучувајќи ги Истанбул, Анкара и Анталија.

Жолто ниво за опасно време придружено со невреме и обилни врнежи за денеска објави Турската метеоролошка служба за вкупно 45 окрузи во земјата.

Во Анкара врне обилен дожд, придружен со силен ветер.

Во Истанбул, поради силниот ветер, откорнати се дрвја, а причинета е материјална штета на автомобилите паркирани наоколу, јавува турската телевизија НТВ.

Во морето кај Измир се формираше торнадо.

Брзината на ветрот достигна 118 км/ч во туристичкото место Кемер во Анталија, каде во невремето паднаа дрвја, јави ТВ НТВ.

Ситуацијата во округот Анталија останува сложена. Во морето се формираа големи бранови, а во голем број населени места во околината обилниот дожд предизвика проблеми во сообраќајот. /МИА

Свет

Иранскиот министер за надворешни работи повика на смирување на тензиите на Блискиот Исток

Иранскиот министер за надворешни работи Хосеин Амир Абдолахиан се заложи за намалување на тензиите на Блискиот Исток кои дополнително ескалираа по меѓусебните напади меѓу Иран и Израел, јави ДПА.

- Војната и воената тензија никому не му користат во регионот, затоа мора да се најде решение. Сите страни треба да се фокусираат на изнаоѓање политичко решение, изјави за иранските медиуми Абдолахиан кој престојува во Њујорк.

Според него, „Израел мора да престане да врши воени злосторства во регионот, за да стане стане возможна хуманитарната помош и размената на заложници за затвореници во конфликтот во Газа“.

За време на престојот во Њујорк, каде што учествуваше на неколку седници на Обединетите нации, иранскиот министер за надворешни работи, нагласи дека Иран нема да одговори на нападите врз воени цели во централната иранска провинција Исфахан, за кои се верува дека ги извршил Израел.

- Немаше штета или жртви по нападот со мало беспилотно летало соборено во близина на Исфахан, рече Абдолахиан.

Тој ги опиша нападите како обид на произраелските медиуми да ја истакнат воената супериорност на Израел.

- Малите соборени дронови беа повеќе како играчки со кои си играат нашите деца, рече Абдолахиан, но предупреди дека Иран ќе одговори „жестоко и цврсто“ на вистински напад од Израел./МИА

Свет

Ердоган во Истанбул се сретна со лидерот на Хамас, Ханија

 Турскиот претседател Реџеп Таип Ердоган денеска во палатата „Долмабахче“ во Истанбул го прими Исмаил Ханија, лидерот на палестинската исламистичка група Хамас, јавија турските медиуми.

Не се соопштуваат повеќе детали за средбата која се одржува зад затворени врати во претседателската резиденција.

Турскиот министер за надворешни работи Хакан Фидан пред неколку дена се сретна со Ханија во Доха, каде разговараа за последните случувања во конфликтот во Газа, соопштија дипломатски извори.

Фидан и Ханија, заедно со неговата делегација, разговараа за теми поврзани со хуманитарната помош во Појасот Газа, напорите за прекин на огнот и прашањето за заложниците, велат изворите. /МИА

притисни ентер