Култура

Италијански археолози пронашле човечки костур, по ерупцијата на Везув во 79 година н.е. (ВИДЕО)

Археолозите пронашле скелет на древен човек во јужна Италија, кој починал во катастрофалната вулканска ерупција на Везув во 79 година од нашата ера, пишува агенцијата ДПА.

„Очекуваме многу од тој пронајдок“, рече Франческо Сирано, директор на Археолошкиот парк Ерколано, јужно од Неапол.

Според него, пронајдокот треба да даде вовед во последните часови на закопаниот град Херкуланеум, кој во тоа време се наоѓал на местото на денешниот Ерколан.

Ерупцијата на Везув во 79 година, ја уништи и Помпеја. Во времето на ерупцијата, околу 20.000 луѓе живееле во Помпеја, од кои повеќето умреле од отровните гасови и од вулканските карпи.

Скелетот на човекот е пронајден со главата свртена кон морето, а се верува дека тој бил на возраст меѓу 40 и 45 години, изјави Сирано, пренесува АНСА.

Научниците шпекулираат дека тој бил во бегство кога бил обземен од блескав облак од вулканска пепел. Додека паднал на грб, лесно е можно да ги видел последните сцени како облакот од пепел го стигнува.

Древниот човек е пронајден на местото каде што археолозите последен пат ископувале пред 25 години.

Досега, остатоци на повеќе од 300 луѓе се пронајдени на местото на песочната плажа во времето на ерупцијата.

Наводно, тие бегале во потрага по засолниште и чекале флотата на Плиниј Постариот да ги спаси.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 06.07.2026 до 10.07.2026 зема 196 примероци за физичко-хемиска и 196 примероци за микробиолошка анализа на вода за пиење од 50 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Тагови: Водата во Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Изолацијата не е достоинство – европската иднина се гради со резултати, а не со лаги

ВМРО-ОКГ повторно се обидува да ја претстави својата изолација како „достоинство“.

Но достоинството не се гради со празни фрижидери, со реформи кои не постојат и со европски пат кој е целосно запрен.

Мицкоски ветуваше подобри преговарачки позиции со Европа. Две години подоцна, резултатот е јасен: целосна блокада, нула поместување и длабока изолација.

Ова не е подобра позиција. Ова претставува национален пораз за сите граѓани на Македонија.

Ветуваше дека Реформската агенда ќе биде исполнета до 1 јуни. Денес повеќе не го споменува тој рок.

Европската иднина што ја ветуваше се претвори во изолација и чекање „покана од Европа“.

СДСМ не загрози никакви национални интереси. Тоа го потврдија самиот Мицкоски, претседателката Сиљановска и Тимчо Муцунски. Националниот интерес е заштитен. Затоа нивниот наратив за „отстапки“ е чиста пропаганда за внатрешна употреба.

Ова што сега го прават Мицкоски и организираната криминална група ВМРО, претставува загрозување на националниот идентитет преку изолација на земјата, како и загрозување на иднината на граѓаните и на идните генерации во Македонија.

Особено е цинично кога за патриотизам и национален идентитет зборува влада во која министри, пратеници и нивните семејства имаат бугарски државјанства, европски пасоши и фирми во Бугарија. Тие си обезбедиле приватна Европа за себе и за своите семејства, а на граѓаните им продаваат лажно достоинство и лажен патриотизам.

Мицкоски дојде на власт со лаги и со лаги владее. Сега, кога нема пари за криминалните тендери, прави реконструкција на Владата само за да ја замаи јавноста и да купи време.

Мицкоски преку создавање политички кризи, измените на Изборниот законик и неисполнувањето на Реформската агенда се обидува да создаде алиби за предвремени избори, бидејќи повеќе не може да го крие фактот дека нема резултати во ниту една област, дека буџетот е празен, а економијата е во катастрофална состојба.

Во таа игра му помагаат и партнерите од тендер-коалиција и сателитските партии.

СДСМ нема да учествува во оваа претстава. Нема да му бидеме алиби за изборите што ги бара поради паника од падот на рејтингот и празниот буџет.

Народот веќе знае. Лагите и пропагандата повеќе не поминуваат.

Народот победува! Европска Македонија ќе победи!

Скопје, 13.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Луѓето на Трамп за смртта на Греам: „Беше отруен од Иран или Русија“

Американскиот сенатор Линдзи Греам почина во саботата по „кратка и ненадејна болест“, се наведува во соопштението од неговата канцеларија.

Два дена пред оваа вест, републиканскиот сенатор беше виден во Киев, Украина, каде што се сретна со претседателот Володимир Зеленски и повика на крај на војната со Русија.

Посетата на Греам на Украина пред неговата смрт поттикна бран шпекулации на интернет, при што неколку истакнати личности од движењето „MAGA“ тврдат дека американскиот сенатор можеби бил отруен од Русија.

Теориите беа дополнително поттикнати откако Греам повика на поголеми санкции против Русија и вети поголема поддршка од САД за Украина во услови на тековната војна. Од друга страна, многумина се сомневаа дека Иран е вмешан во смртта на Греам. Поранешната продуцентка на „Фокс њуз“, Кајли Џејн Крамер, ги истакна заканите кон американски сенатор од ИРГК.

„ИРГК се закани дека ќе ја убие сенаторката Линдзи Греам пред само пет дена. Потребна е целосна истрага за неговата смрт“, напиша таа на X.

Можната иранска врска ја спомена и Лаура Лумер, која беше меѓу првите од кампот на MAGA што изрази загриженост поради смртта на Греам. „Пред 5 дена, сенаторот Линдзи Греам објави дека ИРГК се заканила дека ќе го убие. Тие се заканија дека ќе ме убијат мене, како и претседателот Трамп, а на погребот на Хамеини, оперативците на ИРГК држеа исти постери со нашите ликови, на кои повикуваа да ни паднат главите“, напиша Лумер на X, додавајќи дека неговата смрт не изгледа како случајност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.