Италијанска новинарка случајно покажа премногу, снимката е хит (ВИДЕО)

Италијанската новинарка Паола Ферари стана хит на социјалните мрежи кога се проширија снимки од нејзиното известување од еден од натпреварите на Европското првенство.

Имено, 60-годишната новинарка се чини дека не знаела дека ја снима камера, ги прекрсти нозете и за момент го покажа меѓуножјето, слично на Шерон Стоун во филмот „Сурови страсти“.

Инаку, Ферари работи за италијанската телевизија РАИ и е домаќин на специјалната програма по повод Европското првенство, а откако нејзината снимка стана вирална,таа прокоментира.

"Снимката стана вирална и повеќе се зборува за тоа отколку што се случува на теренот. Се случи, ништо страшно", рече таа.

Таа исто така коментираше за споредбите со Шерон Стоун.

"Таа е една од најсексапилните жени на светот. Споредбите се малку претерани затоа што Шерон Стоун не носеше долна облека во таа сцена. Повеќе сакам да си го чувам здравјето и да одржувам хигиена", заклучила таа.

Мицкоски: План за справување со енергетската криза

План за справување со енергетската криза, двојно поевтина струја, за спречување на инфлацијата и зачувување на работни места.

Благодарам најпрво на интересот, денеска со тимот, претставници на највисокото раководство на партијата вклучително и голем дел од градоначалници имавме состанок со раководството на Сојузот на стопански комори на Македонија. Разговаравме за актуелната состојба во државата, предизвиците со кои што се соочува бизнисот и дојдовме до заклучок дека состојбата е алармантна.

Наш заклучок како политичка партија е дека во овој момент работите се некако ставени на стихија. Понижувањата и коленичењето и молењето по околните држави па и тие во поширокиот регион стануваат безмислени и навредувачки за македонските граѓани бидејќи судбината не ја контролираме самите туку е во рацете на други околни држави, па и оние подалеку во регионот. И во име на тоа донесовме заклучок на овие средби со бизнис заедницата дека полека но сигурно оваа безидејност во енергетиката и енергетската криза која што веќе е сеприсутна кај граѓаните и бизнисот полека но сигурно се трансформира во финансиска криза, а доказ за тоа е цунамито финасиско кое што владата вчера ни го приреди со оној заем кој што во наше име го зема друга банка на друга држава, со катастрофални услови.

Во име на тоа изминатиов период разговаравме, планиравме, креиравме решенија, се консултиравме и со останатите стопански комори, можам тука да кажам дека ја консултиравме и нашиот план го претставивме пред раководството на Стопанската комора на Македонија, не само пред денешната Сојуз на стопански комори, предлогот кој што предвидува ставање во функција на сите производни домашни капацитети, а притоа ги ставаме на располагање сите контакти кои што ги имаме надвор од земјата во Европа и пошироко да обезбедат ресурс, доволен да производните капацитети обезбедат електрична енергија која што ќе биде за бизнис заедницата, ќе повторам за стопанството која што ќе биде двојно поевтино, најмалку двојно поевтина потенцирам поевтина од таа која што денеска стопанството ја плаќа споредена со референтната берза HUPX која што милува власта да ја каже, ќе повторам двојно, најмалку двојно поевтино, а воедно да обезбедиме ресурс со кој што корисниците на централното затоплување во градот Скопје нема да добијат покачени сметки за топлината која што ќе користат и со кои што ќе ги затоплуваат своите домови.

Сите контакти кои што ги имаме на располагање, кои што се последица на нашиот животен пат, успеваме да ги исконтактираме изминатиот период и ги ставаме на располагање на бизнисот, а се со цел да помогнеме да најмалку 650.000 наши сограѓани кои што работат во приватниот сектор ги задржат своите работни места имајќи в предвид дека големи производствени капацитети своето производство го ставија во мирување и голем број наши сограѓани ги изгубија своите работни места. Меѓу поголемите тука би ги вбројал Фени комбинатот во Кавадарци, Бучим комбинатот во Радовиш, но и останати комбинати кои што значително учествуваат во зголемувањето на бруто домашниот производ на Македонија.

Ќе повторам ги ставаме на располагање на бизнис заедницата, а индиректно и на Владата во овие тешки времиња кога гледаме дека државата полека но сигурно влегува во амбис, на располагање сите наши контакти, да обезбедиме ресурси со кои што ќе произведеме електрична енергија, која што ќе биде најмалку двојно поевтина од таа која што е на референтната берза – HUPX. И истата да ја користи стопанството, а се со цел да спасиме стотици илјади работни места од губење, во периодот кој што следи. А, граѓаните кои што се корисници но и институциите кои што се корисници на централното затоплување во Градот Скопје да не добијат повисоки сметки за парно.

И вториот предлог кој што исто така јавно сакаме да го соопштиме е предлог закон со кој што ќе бараме измена на Законот за енергетика, кој што ќе биде доставен до крајот на оваа недела или на почетокот на следната недела во собраниска процедура. Со кој што ќе побараме сите претпријатија кои што вршат јавна дејност во делот на комуналните услуги, водостопанството но исто така и објектите во образованието, објектите во јавното здравство да бидат вратени онаму каде што им е местото, на регулиран пазар. Зошто ова го велам? Затоа што доколку продолжат вака да функционираат овие три групи на субјекти тоа ќе значи дека сите оние претпријатија кои вршат јавна дејност, без разлика дали е комунална или водостопанска коишто ќе ги декларираат своите трошоци пред Регулаторната комисија за регулирање на цени за енергија и вода, по сила на правилникот ќе ги зголемат своите цени за најмалку два до три пати, а тој шок ќе го почувствуваат индустријата и граѓаните. Ќе предизвикаат дополнително губење на работни места и дополнително намалување на куповната моќ и стандардот на граѓаните.

Зошто велиме за училиштата, затоа што ние не сме децата да =учат онлајн туку да бидат онаму каде што им е местото, во училишните клупи. На тој начин ќе го олесниме животот и на родителите, кои што денеска мака мачат доколку децата повторно учат онлајн наместо во училишни клупи да најдат кој да биде со нив додека го поминуваат времето во домовите.

И конечно третото, јавните здравствени установи кои тонат во долгови да им го олесниме начинот на функционирање, наместо профитите да завршуваат во компании кои препродаваат електрична енергија, да можат да се ослободат од тој притисок и тие средства да ги искористат за подобрување на здравствените услуги на пациентите и нега на пациентите.

Тоа се двете пораки кои денеска јас ги имам до владата. ВМРО-ДПМНЕ од позиција на опозиција во овие тешки времиња кога државата оди директно во амбис, а имајќи го предвид фактот дека имаме една стихијна и хаотична состојба, нуди решенија како да се ублажат ефектите на оваа енергетска криза, а веќе и финансиска криза.

Христијан Мицкоски, претседател на ВМРО-ДПМНЕ

Талески: ВМРО-ДПМНЕ удира по џебот на прилепчани, зголемени цените на комуналните услуги

ВМРО тендерска ДПМНЕ удира по џебот на граѓаните во време на најголема светска економска криза.

Градоначалникот Борче Јовчевски и советниците од ВМРО-ДПМНЕ во Прилеп ги поскапеа комуналните услуги за дури 67 %, јавниот превоз за 50 % и водта за 23 % во ек на криза .

Повеќе од 11 часа, советничката група на СДСМ и коалицијата се бореше за интересите на граѓаните, преку амандмани и барања за повлекување на точките го бранеше економскиот стандард на жителите на Прилеп.

Но ВМРО-ДПМНЕ со мнозинството во Советот донесе одлука комуналните услуги и јавниот превоз во Прилеп значително да поскапат.

Неспособноста на директорите од редовите на ВМРО-ДПМНЕ кои очигледно брцале со рацете во медот, ги доведе јавните претпријатија до колапс.

Сега, таа неспособност треба да ја плаќаат граѓаните на Прилеп.

Никаква промена нема во ВМРО-ДПМНЕ, партијата предводена од Мицкоски не се грижи за граѓаните, туку важни ѝ се само интересите на одредени бизнис групи.

Градоначалниците од ВМРО-ДПМНЕ се најголемо разочарување за граѓаните.

Прес-конференција, Миле Талески, пратеник на СДСМ

СДСМ

Од оваа недела „WhatsApp“ воведува нова функција која ќе израдува многумина

Марк Закерберг ја најави оваа нова функција на „Facebook“.

Апликацијата сега овозможува поедноставни повици во аудио разговори, а наскоро ќе имплементира видео разговори со најмногу 32 луѓе.

„WhatsApp“ воведува нова опција, која ви овозможува да ја споделите линк за повици. Оваа опција ќе почне да се појавува во програмата подоцна оваа недела. Ако сакате да ја испробате новата функција, ќе ви треба најновата верзија на апликацијата, пишува „Verge“.

Марк Закерберг ја најави опцијата на „Facebook“, наведувајќи дека корисниците на „WhatsApp“ ќе можат да споделат линк до повик „со допир на прстот“.

Можноста да се сподели линк за повик до 32 корисници беше најавена во април како дел од најавата за друга претстојна функција – „WhatsApp Communities“.

Линковите ќе работат за аудио и видео повици, а Закерберг исто така потврдува дека моментално се тестираат видео повици до 32 лица, што е голем чекор напред од сегашните осум.

Зголемениот капацитет го става „WhatsApp“ рамо до рамо со услугите на „Google Meet“, „Microsoft Teams“ и „Zoom“. Овие конкурентни апликации имаат значително поголем капацитет од „WhatsApp“.

Сепак, тие исто така имаат ограничувања, како што е ограничено времетраење на повикот за не-претплатници, што ги прави помалку атрактивни опции за оние кои веќе користат „WhatsApp“. Зборувајќи за тоа, „WhatsApp“ не спомна ограничувања за повици, што, доколку ги нема, може да ја направи апликацијата одлично решение за помалите тимови.

притисни ентер