Италијани покренаа истрага против Google

Италијанскиот регулатор на конкуренцијата денеска објави дека покренал истрага против американскиот софтверски гигант Гугл под сомнение за злоупотреба на својата доминантна позиција на пазарот за онлајн рекламирање.

Инспекторите вчера извршиле претрес во канцелариите на Гугл во Италија со финансиската полиција, се вели во соопштението.

Според регулаторот, постои сомневање дека методите за собирање податоци на Гугл во Италија ја злоупотребиле својата доминантна позиција на пазарот, што можело да ја ослаби конкуренцијата и да влијае на интересите на потрошувачите.

Случајот се однесува на дешифрирање на лични податоци и собирање на податоците за луѓето кои читаат статии на Интернет, опкружени со реклами.

Регулаторот ќе испита дали Гугл ги злоупотребува своите технички можности и големината, проценувајќи дека минатата година генерирал над 3,3 милијарди евра мрежно рекламирање во Италија.

Со помош на „колачиња“ што собираат податоци, рекламните агенции и посредниците во продавницата за рекламирање биле во можност да соберат важни информации за потрошувачките одлуки на корисниците и потоа да ги искористат за да создадат персонализирани кампањи, објасни италијанскиот регулатор.

Гугл, исто така, има и други алатки кои можат да помогнат во утврдувањето на профилот на корисникот, додаваат тие.

Историски ден за Лигата на шампионите- за прв пат ќе суди жена

Лигата на шампионите ја пишува историјата.Французинката Стефани Фрапар в среда ќе влезе во историјата на Лигата на шампионите како прва судијка во тоа натпреварување.

Таа ќе биде првиот судија на натпреварот од петтото коло во групната фаза од Лигата на шампионите помеѓу Јувентус и Динамо Киев, кој во среда ќе се игра во Торино.

Фрапар (36) е судија во машкиот фудбал веќе подолго време. Таа била главен судија на Суперкупот во 2019 година, кога се сретнаа Ливерпул и Челси.

Во 2014 година, таа стана првата жена што суди во втор ранг на француското фудбалско натпреварување, а една година подоцна и во Лига еден.

Судела во Лигата на Европа, каде беше судија на натпреварот помеѓу Лестер и Зорја.

Првата жена што судела на европските натпревари беше Никол Петиња од Швајцарија. Помеѓу 2004 и 2009 година, таа судела на три квалификациски натпревари за тогашниот Куп на УЕФА.

Регистрирани се 336 нови случаи на Ковид -19 од 1181 тестирани ,починале 32 заболени

Министерството за здравство информира дека во последните 24 часа се направени 1181 тестирања, а регистрирани се 336 нови случаи на ковид-19 .

Во: Скопје-95, Куманово-10, Штип-12, Прилеп-27, Тетово-11, Струга-1, Велес-30, Битола-34, Охрид-1, Кавадарци-7, Гостивар-41, Гевгелија-7, Струмица-7, Крива Паланка-3, Радовиш-10, Крушево-1, Пробиштип-1, Демир Хисар-1, Берово-3, Валандово-1, Виница-3, Делчево-1, Кратово-1, Свети Николе-6, Кичево-14, Ресен-2, Неготино-6.

Денеска Институтот за јавно здравје регистрира 544 оздравени пациенти од: Скопје-235, Штип-42, Прилеп-72, Тетово-26, Струга-1, Велес-54, Кавадарци-21, Гевгелија-10, Крива Паланка-6, Радовиш-4, Крушево-1, Кочани-25, Пробиштип-2, Пехчево-1, Берово-9, Виница-2, Делчево-10, Кратово-2, Свети Николе-7 и Неготино-14.

Починати се 32 лица, дванаесет пациенти од Скопје (66, 59, 81, 69, 57, 68, 73, 80, 85, 67, 77 и 82г), двајца од Прилеп (70 и 55г), тројца од Тетово (64, 79 и 67г), двајца од Струга (67 и 74г), еден пациент од Велес (51г), двајца од Охрид (70 и 74г), еден од Кавадарци (77г), еден од Гостивар (61г), двајца од Струмица (63 и 66г), двајца од Радовиш (62 и 70г), еден пациент од Кочани (64г), еден од Делчево (78г), еден од Кичево (64г) и еден пациент од Неготино (55г). Од нив двајца пациенти се починати вон, останатите се починати во болнички услови.

Вкупната бројка на ковид дијагностицирани во нашата земја од почетокот на епидемијата изнесува 61878, бројката на оздравени пациенти е 38946, на починати е 1763, а бројот на активни случаи изнесува 21169. Од вчера се евидентира еден контролен тест, а според досега завршените епидемиолошки анализи во моментов дистрибуцијата по градови е следна:

• Скопје 26976, активни 9996

• Куманово 3748, активни 952

• Дебар 462, активни 97

• Штип 2674, активни 528

• Прилеп 3010, активни 1000

• Тетово 3823, активни 942

• Струга 1447, активни 454

• Велес 1992, активни 693

• Битола 2075, активни 925

• Охрид 1597, активни 618

• Кавадарци 1254, активни 481

• Гостивар 2557, активни 982

• Гевгелија 744, активни 240 (58 лица од ПЕ Гевгелија се жители на Дојран, 132 на Богданци и 12 се странски државјани)

• Струмица 1711, активни 601

• Крива Паланка 431, активни 123

• Радовиш 438, активни 122

• Крушево 130, активни 71

• Кочани 1241, активни 262

• Пробиштип 363, активни 90

• Демир Хисар 200, активни 88

• Македонски Брод 168, активни 46

• Пехчево 100, активни 22

• Берово 364, активни 88

• Валандово 218, активни 70

• Виница 376, активни 160

• Делчево 456, активни 196 (129 лица од ПЕ Делчево се од Македонска Каменица)

• Кратово 153, активни 52

• Свети Николе 842, активни 234

• Кичево 1277, активни 530

• Ресен 461, активни 193

• Неготино 590, активни 313 (70 лице од ПЕ Неготино се жители на Демир Капија)

Направените 1181 теста се преку: ИЈЗ-605, ЦЈЗ Скопје-20, Авицена-0, Биотек-0, МАНУ -123, Жан Митрев (Филип Втори)-140, Систина со PCR метода -232, лабораторија Лаор –0, Судска медицина-0, ЦЈЗ Битола-0, Инфективна клиника-4, ГАК-22, Синлаб-0, Ремедика-0, лабораторија болница Козле-0, ЈЗУ (рапид тест) -35, УК Пулмологија со алергологија –0, лаборатории од странство-0. Досега во земјата се направени вкупно 332. 286 тестирања на Ковид -19.

Активни случаи по општини Скопје денеска (по завршување на епидемиолошките анкети, може да има измена во дистрибуцијата по општини во Скопје)

• Чаир – 625

• Гази Баба – 1502

• Аеродром -1436

• Карпош – 1169

• Центар – 1089

• Кисела Вода – 1237

• Ѓорче Петров – 867

• Бутел - 585

• Шуто Оризари – 195

• Студеничани – 53

• Сарај – 169

• Арачиново -31

• Илинден – 265

• Сопиште – 57

• Чучер Сандево – 100

• Петровец –138

• Зелениково -84

• Странец – 219

• Нераспределен- 175

Глумела дека умира од рак,за да собере пари и да си направи свадба од соништата (ФОТО)

Жена од Велика Британија „лажирала терминална дијагноза за рак“ за да ги натера нејзините пријатели да платат за „совршената венчавка“, пишува Метро.

Пријателите на Тони Стенден (29) собрале 8.500 фунти за да може со нејзиниот партнер Џејмс да имаат „ден што го заслужуваат“.

Заради измамата, Стенден дури и ја избричила главата, а во емотивната молба за помош напишала дека би сакала отец Дерек, кој умирал од рак, да ја одведе до олтарот.

57-годишниот Дерек починал пред венчавката во Чешир, но снимил видео порака за гостите на свадбата. Локалниот фудбалски клуб снимил и видео за поддршка на младенците кои го поминале медениот месец во Турција, а потоа отпатувале во Германија, Чешка, Австрија, Унгарија и Италија, додека Статен била ,,болна" цело време.

На почетокот на оваа година, таа исто така тврдела дека се разболела од коронавирус, но тоа предизвикало сомнеж кај нејзините пријатели кои конечно се соочиле со неа.

На Стенден сега и се заканува потенцијална затворска казна откако минатата недела се изјаснила за виновна за измама со лажно тврдење помеѓу февруари 2019 година и април 2020 година во Прекршочниот суд во Честер.

Шерил Астон (33), нејзина пријателка од колеџ, која донирала 525 фунти, за Мирор изјавила дека Стенден заработила Оскар за нејзината глума. "Таа не измами сите нас. Ми рече дека умира и јас паднав на тоа. Бев скршена - сите бевме".

Во февруари годинава, Тони Стенден објавила на Фејсбук дека починала. За тоа ги обвинила хакерите, но еден нејзин познаник рекол дека тоа го сторила само за да привлече внимание и да види како луѓето ќе реагираат доколку помислат дека починала.

притисни ентер