Забава

Италијанците згрозени од новата девојка на Канје Вест: Ние сме сепак католичка земја (ФОТО)

Новата „сопруга“ на Канје Вест била пријавена во полиција поради модниот стил кој го покажала на улиците во Италија.

Овој месец, австралиската архитектка Бјанка Ценсори (28) привлече внимание и негативни коментари за прошетката низ Италија во оскудни комбинации.

Бјанка била без градник во тесен проѕирен костим, а во одредени моменти ги покривала голите брадавици со црна чанта што ја носела припиена до телото. Бројните коментари на интернет велат дека локалните власти треба да ја казнат поради тоалетите во кои се шетала низ Италија.

„Изненадувачки што таа не беше уапсена. Италија е многу поконзервативна, и во овој случај со право“, „Се надевам дека Италија ги избрка од земјата“, „Ние сме католичка земја, ова е непочитување“, „Штета што не може да ја уапсат за јавна непристојност“, се само дел од коментарите.

Според италијанскиот официјален сајт за туризам CIU Travel, локалните жители сметаат дека е навредливо да гледаат посетители како шетаат по улиците во различни состојби со проѕирна облека. Бјанка повеќе пати шетала по улиците на Италија со голи гради, кои јасно се гледале под проѕирната мрежеста облека.

Да потсетиме дека на почетокот на годината се шпекулираше дека Канје се оженил со Бјанка Ценсори, два месеци откако беше финализиран неговиот развод со Ким Кардашијан. Тие се видени заедно во јавност со бурми на рацете, а како што тврдат извори, венчавката се одржала во тајност.

Сепак, странските медиуми пишуваат дека младенците никогаш не поднеле барање за дозвола за брак, иако Бјанка еднаш изјави дека е мажена. Инаку, парот живее заедно во пентхаус со две спални соби во Западен Холивуд, пишува Дејли Мејл.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Дали „Пулс“ имал документација- продолжи судењето за трагедијата во Кочани

Дали објектот имал соодветен урбанистички статус и каква документација поседувал?

Уште едно рочиште за „Пулс“ помина со серија прашања на одбраната на обвинетите кон тимот вештаци кои го изработија градежното вештачење на дискотеката.

Во судскиот процес за трагедијата во кочанската дискотека „Пулс“, одбраната на денешното рочиште отвори прашања кои се однесуваат на урбанистичкиот статус и легалноста на самиот објект.

Пред вештаците беа поставени прашања за документацијата и дозволите, со кои адвокатите ја насочија својата правна стратегија.

По завршувањето на рочиштето, во изјави за медиумите, родителите на загинатите изразија остри реакции. Тие ги обвинија адвокатите дека преку ваквите прашања намерно ја одолговлекуваат судската постапка и ја кочат правдата за загубените животи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло време со температура до 33 степени

Времето утре ќе биде сончево и топло со мала до умерена локална облачност, информираат од УХМР.

КОЛИЧИНА НА ВРНЕЖИ за изминатите 9 часа во (l/m2)

18 Крива Паланка.

Забелешка: Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

МАКСИМАЛНА ТЕМПЕРАТУРА

19 Попова Шапка, 24 Крушево, 27 Берово, 28 Маврови Анови, 29 Крива Паланка, Претор, Прилеп, Виница, 31 Битола, 32 Тетово, Охрид, Штип, Струмица, 33 Демир Капија, Кавадарци, 34 Скопје – Петровец, 35 Скопје – Зајчев Рид, Велес, Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес претпладне беше сончево и топло со мала до умерена локална облачност. Во попладневните часови во источните делови од државата и тоа најпрво во североисточните, па потоа и во југоисточните, имаше појава на нестабилност со појава на грмежи, пороен дожд и наместа појава на суградица и град. Локално процесите беа во форма на краткотрајно невреме проследени со силен ветер, појава на грмежи, пороен дожд и наместа појава на суградица и град. Во североисточните делови дуваше северозападен ветер кој повремено надминуваше брзина од 60 km/h. Во текот на ноќта се очекува стабилизација на времето.

ВРЕМЕТО УТРЕ

Сончево и топло со мала до умерена локална облачност. Ќе дува умерен, повремено засилен ветер од северен правец. Минималната температура ќе биде во интервал од 12 до 19, а максималната ќе достигне од 29 до 33 степени.

Во Скопје, сончево и топло со мала до умерена облачност. Ќе дува слаб до умерен ветер од променлив правец. Минималната температура ќе се спушти до 18, а максималната ќе достигне до 33 степени.

ВРЕМЕТО ВО НАРЕДНИТЕ ДЕНОВИ

До средината на следната работна седмица времето ќе биде сончево и топло со слаба до умерена облачност во текот на денот. До понеделник ќе дува северозападен ветер кој во недела и понеделник долж Повардарието ќе надминува брзина од 40 km/h. Од Вторник ветерот ќе го смени правецот во југозападен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Камен пијан“ 67- годишен жител на Кадрифаково без возачка излетал од патот

Возач од светиниколско возел без дозвола и под дејство на алкохол и со возилото излетал од патот, следува пријава.

На 02.09.2026 во 16:13 часот, полициски службеници од ОВР Свети Николе го лишија од слобода Д.Б.(67) од с.Кадрифаково, светиниколско. Претходно, тој со патничко возило „форд“ со штипски регистарски ознаки, кое го управувал во село Кадрифаково, излетал надвор од патот.

При преземање мерки било констатирано дека го управувал под дејство на алкохол, односно му биле измерени 2,09 промили алкохол во крвта, без да поседува важечка возачка дозвола и со измината важност на сообраќајната дозвола. Извршен е увид, за настанот е известен јавен обвинител и по негово целосно документирање ќе следува соодветна пријава, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.