Италија воведе контроли на границите со Австрија и со Словенија

Во 14 часот Италија воведе контроли на границата со Австрија и Словенија, а на граничните премини запира приближно секое десетто до петнаесетто возило, додека на некои места контролите се уште не се воспоставени.

Во близина на Фернетичи од словенечката страна на границата се формирала помала колона, пренесува словенечки Приморски дневник.

Таму италијанската полиција по случаен избор запира претежно возила со затемнети стакла, комбиња и возила кои можат да сокријат луѓе или предмети, пренесе АНСА. На премините Репентабр и Шкофија во 14 часот немало контроли, јавува СТА.

Италија воведува контроли поради променетата безбедносна ситуација во Европа поради војната на Блискиот Исток, а суштината на оваа привремена мерка е спречување на тероризмот и организираниот криминал.

За надгледување на границата со Словенија ангажирани се дополнителни 350 полицајци и војници кои ќе им помагаат на тамошните безбедносни сили. Контролата ќе се одвива 24 часа на поголемите гранични премини, а на помалите ќе биде спорадична.

Контролата ќе трае до 30 октомври, а за 2 ноември Италија планира средба со претставници на словенечките и хрватските власти во Трст, на која ќе разговараат за граничните контроли, јави австриската агенција АПА.

Славна оскаровка откри дека поради сиромаштија со мајка ѝ живеела и спиела во автомобил

Долгот пат на Хилари Свонк до една од најголемите ѕвезди во Холивуд имал скромни почетоци.

Оскаровката (49) неодамна се осврна на почетокот на својата кариера, признавајќи дека спиела во автомобил со нејзината мајка Џуди кога првпат пристигнала во Холивуд.

Свонк се присети во новото интервју за Wall Street Journal дека го напуштила средното училиште во Вашингтон по втората година во обид да стане актерка во Лос Анџелес. Таа објасни дека нејзината мајка во тоа време се разделила од нејзиниот татко Стивен.

„Постојано барав работа. Кога не спиевме во автомобилот, бевме во куќата на мојот нов пријател на моја возраст, чие семејство штотуку се иселило и се обидувало да го продаде својот дом“, се сеќава таа.

Џуди потоа нашла работа како секретарка во Калифорнија и изнајмиле гарсоњера. „Бев возбудена да го живеам мојот сон“, вели таа. Потоа ѝ се заблагодари на својата мајка, која отсекогаш ѝ била најголема поддршка.

„Иако сум среќна што го напуштивме Л.А., повремено, кога сум таму на состаноци, возам по улицата во Пасадена каде што јас и мајка ми се паркиравме и спиевме. И покрај сѐ, чувствувам носталгија за деновите кога немавме ништо“, заклучила таа.

За потсетување, оскаровката и нејзиниот сопруг Филип Шнајдер станаа родители на близнаци во април 2023 година. Среќната вест ја сподели на социјалните мрежи и открија дека родила момче и девојче.

Ужас во Германија: Ментално болен ученик со нож и ножици избодел соученици во гимназија (ВИДЕО)

Неколку ученици се повредени во гимназија во германскиот град Вупертал кога соученик ги нападнал со нож и ножици, јавија германските медиуми.

Полицијата го уапсила осомничениот кој, според извештаите, си нанел повеќе убодни рани во градниот кош, пренесува TagesSchau.

Се наведува дека во нападот се повредени пет ученици, од кои некои потешко.

Според полицијата, осомничениот е уапсен, а објектот на гимназијата бил детално претресен во потрага по можни соучесници.

Според наставничка која била во училишната зграда, напаѓачот употребил нож и ножици.

"Тоа беше ненадеен, ненадеен напад. Ги нападна учениците околу себе, дури и пријателите, а на крајот се прободе четири пати во градите. Еден колега го совлада", вели наставникот, кој не бил очевидец на нападот, но прв дошол на помош на жртвите.

„Тогаш бевме заклучени и сега сме во банка и чекаме да се провери зградата на гимназијата“, додаде таа.

Сите ученици во зградата на банката во близина на гимназијата, каде што биле префрлени откако се евакуирани од училиштето, сега се пребројани и родителите групно ги носат децата, почнувајќи од оние кои се од пониските класови.

Како што потврди полицијата, сторителот е 17-годишен средношколец.

Заднината на злосторството се уште е целосно нејасна, а германските медиуми јавија дека напаѓачот е момче со психички проблеми.

Пендаровски се сретна со маратонецот Дарио Ивановски

Претседателот Стево Пендаровски денеска во градскиот парк во Скопје се сретна со маратонецот Дарио Ивановски кој пред неколку дена постави нов македонски рекорд на маратонот во Севиља, Шпанија.

Пендаровски денеска во градскиот парк во Скопје се сретна со маратонецот Дарио Ивановски кој пред неколку дена постави нов македонски рекорд на маратонот во Севиља, Шпанија, како и со неговиот тренер и менаџер, Игор Јакимовски и атлетичарот Жан Тосев.

Претседателот Пендаровски му честиташе на Ивановски за извонредниот резултат и постигнатиот успех, со кој ја исполни нормата и ќе трча во дисциплината полумаратон на Европското првенство во атлетика во Рим кое ќе се одржи од 7 до 12 јуни годинава.

Ивановски го запозна претседателот Пендаровски со текот на неговите подготовки во пресрет на настапот на претстојното Европско првенство, како и за можноста во Рим да обезбеди норма за настап и на годинашните летни Олимписки игри во Париз.

Посочувајќи дека успесите на македонските спортисти претставуваат голема гордост за целата нација, претседателот Пендаровски на Дарио Ивановски му посака успех во натамошната кариера и порача дека со упорност, желба и силна волја, може да се совладаат и најголемите предизвици.

Дарио Ивановски ја истрча маратонската трка во Севиља за 2 часа 8 минути и 25 секунди што претставува нов државен рекорд, подобрувајќи го и својот досегашен рекорд за 3 и пол минути. Со овој резултат, Ивановски се доближи на само 15 секунди до олимписката норма од 2 часа 8 минути и 10 секунди и се искачи високо на светската ранг листа преку која може да обезбеди учество на Олимпијадата во Париз, се наведува во соопштението.

притисни ентер